Glansryk in Wit! Ons het hierdie tema vir 2024 se veiling gekies omdat dit tot ‘n universele eienskap van die mensdom spreek – die behoefte aan gemeenskap. Die tema simboliseer dat ons diversiteit omarm en dat ons saam sterker is as wat ons apart is, omdat ons ons unieke talente met mekaar deel. “Alles in wit”-partytjies het die afgelope klompie jare al gewilder geraak, onder meer danksy die elegante Dîner en Blanc-byeenkomste wat in Frankryk begin het. Met hul wit uitrustings as ‘n simbool van hul samesyn, bring hierdie sjiek partytjies mense van diverse agtergronde byeen. Terwyl ‘n bietjie pret en intrige ingeweef word, vier hul die mensdom se vermoë om saam positiewe verandering teweeg te bring. Die tema herinner ons ook daaraan dat daar altyd meer is wat ons in ons menslikheid verbind as wat ons verdeel. Die tema sluit daarom goed aan by ons skool se leuse, “Wees Jouself”. Ons moedig gaste vanjaar aan om in wit te skitter as ‘n simbool van ons gemeenskapsbande en die lig wat ons uitstraal. Ons is opgewonde oor hierdie elegante en betekenisvolle tema, maar jou teenwoordigheid is vir ons belangriker as jou uitrusting. As jy dus verkies om in ander kleure te skitter, wees gerus dat ons jou steeds met ope arms sal verwelkom. Kom ons skep saam ‘n atmosfeer van inklusiwiteit, vreugde en bowenal hegte gemeenskap. Ons sien uit...

Liewe Ouers/Voogde, Dit is met groot opgewondenheid dat ons die naderende 2024 veiling aankondig! Merk asseblief Saterdag, 1 Junie, op jul kalenders en maak ‘n plan om hierdie jaarlikse sosiale hoogtepunt by te woon! Soos altyd, speel die veiling ‘n sleutelrol in die finansiering van ons skool, wat bydra tot die handhawing van die hoë standaarde wat ons so trots maak. Dit is danksy sulke fondsinsamelings dat ons onder andere oor die laaste twee jaar vir elke leerder in graad 5 en 6 ‘n splinternuwe skootrekenaar kon verskaf, asook die vierkant behoorlik kon opgradeer tot ‘n pragtige lushof. Ons doen ‘n hartlike beroep op elke ouer/voog om, waar moontlik, ‘n handjie by te sit. Elke bydrae, hetsy groot of klein, maak ‘n merkbare verskil. Of dit nou ‘n kunswerk is, ‘n naweekwegbreek by ‘n vakansiehuis, etes by vooraanstaande restaurante, of selfs ‘n bottel van jou gunsteling drank, jou skenking kan help om ons veilinglotte nog meer aantreklik te maak. As jy in enige hoedanigheid kan bydra, hetsy deur skenkings of deelname, kontak asseblief Anna Blackmore by 083 386 4057 of Michelle Forsyth by 066 353 0108. Ons waardeer elke bydrae en sien uit na ‘n suksesvolle fondsinsamelingsgeleentheid. Baie dankie vir julle volgehoue ondersteuning en toewyding aan ons skool. Vriendelike groete, Die 2024...

Indien jy ‘n plek by ‘n tafel wil bespreek, EFT gerus die kaartjiekoste (R1800 per persoon) – sien die bankbesonderhede hier onder – en laat weet asb. vir Martie Viljoen (martie@avconeng.com) aan watter tafel jy wil sit. Investec Laerskool Jan van Riebeeck Opvoedings Trust Rek no.: 10011436695 Tak: 580105 Verwysing: Veiling, voorletter en van...

Dit is weer veilingsdineetyd en ons is hard aan die werk om die aand ‘n spesiale geleentheid vir elke Jannie-ouer te maak. Die doel van die veiling is om die skool se hoë standaard te handhaaf wat onmoontlik sal wees sonder fondsinsameling-inisiatiewe soos hierdie. Ons hoop werklik dat die jaar weer so ‘n groot sukses soos laas jaar sal wees en dat die skool die fondinsamelingsdoelwitte bereik. Daarvoor het ons betrokkenheid nodig van die wat kan.  Ons versoek dat die ouers wat iets kan bydrae om geveil te word asseblief vir Odette by odettefaling@gmail.com kontak. Sien ook aangeheg die uitnodiging na die...

Die veiling is nou uitverkoop! Baie dankie aan almal wat kaartjies gekoop het. Soos julle weet, is die doel van die veiling om fondse vir die skool in te samel. Die projek waarvoor hierdie jaar se veilingopbrengs geoogmerk is, is die 100-jaar vierkant. Kliek op die foto vir die video. Indien jy nog ‘n skenking tot die veilingfondse wil maak, is jy meer as welkom. Betalings kan as volg gemaak word: Rekeningnaam: Die Laerskool Jan van Riebeeck Opvoedingstrust Bank: Investec Rekeningnommer: 10011436695 Takkode: 580105 Verwysing: Veilingskenking-Naam en van Bewys van betaling kan aan coreen.scholtz@gmail.com gestuur...