Laerskool Jan van Riebeeck streef daarna om ‘n gebalanseerde lewenswyse by leerders te kweek. Leerders word aangemoedig om aan minstens een sportsoort per kwartaal deel te neem. Daar word ‘n Somerprogram en ‘n Winterprogram beskikbaar gestel aan die begin van elke seisoen.

Somersport: Atletiek, swem, krieket, tennis, tweekamp

Wintersport: Rugby, netbal, hokkie en landloop

Deurlopend: Skaak 

Besoek gerus elke sportsoort se blad vir meer inligting.

PRIVAAT AKTIWITEITE

Filter Opsies

Geen Inskrywings

Sport Aktiwiteite

Atletiek en Tweekamp

Die jaar eindig met ‘n Kleuresport op die Hoërskool se velde. Daar word ‘n span gekies om aan die Interskole byeenkoms deel te neem. Daarna moet atlete kwalifiseer vir die Zone-byeekomste.

Die skool bied ook Tweekamp aan en die items sluit swem en hardloop in. Die seisoen is tussen September en Maart van die daaropvolgende jaar.

Netbal

Netbal vind in die Winter plaas.

Daar vind gewoonlik twee sportdae in die Boland omgewing plaas en vind op Saterdae plaas.

Ligawedstryde is gewoonlik op Woensdagmiddae.

Swem

Die Kleure swemgala vind in die eerste kwartaal by die skool se swembad plaas. Hierdie byeenkoms vind altyd op ‘n Vrydag in skooltyd plaas. Daarna word ‘n skoolspan gekies wat die skool by ander galas verteenwoordig.

Rugby

Rugby vind gedurende die Winterseisoen plaas. Sportdae vind gewoonlik op ‘n Saterdag plaas en ligawedstryde op ‘n Woensdag. Die seuns oefen by die skool en op die Conradieveld.

Krieket

Krieket vind in die eerste en vierde kwartaal plaas. Die spanne oefen op Maandae en Dinsdae. Wedstryde wissel vir elke ouderdom.

Die spelers oefen op die Conradieveld.

Hokkie

2019 gaan die eerste jaar wees wat ons hokkie gaan aanbied en ons is baie opgewonde hieroor. Ons gaan van O/9 tot O/13 vir beide seuns en dogters hokkie aanbied. Ons gaan fokus op die aanleer en ontwikkeling van vaardighede in die speel van hokkie.

  • O/9 – O/13: Dinsdae en Donderdae
  • Oefening: Alle oefeninge vind plaas op die Hoërskool St. Michaels veld (geleë onder die Conradieveld)
  • Toerusting: Die skool sal genoeg balle en ‘n paar ekstra hokkiestokke voorsien. Leerders moet egter hul eie ‘shin guards’, mondskerm en hokkiestokke saambring.
  • Wedstryde: Die O/13 spelers gaan saam met die hoërskool se leerders oefen en moontlik ook uithelp met enkele wedstryde. Die res van die spanne gaan eers nie wedstryde speel nie. Indien hulle goeie vordering toon, gaan ons kyk vir vriendskaplike wedstryde.

Landloop

Landloop vind in die winterseisoen plaas en leerders oefen Maandae en Woensdae. Wedlope vind op ‘n Vrydag plaas.

Skaak

Skaaklesse vir leerders van graad 1-7 word een keer per week in graadverband aangebied. Die skool se skaakspan speel gedurende die tweede en derde kwartaal op Vrydae ligawedstryde.

Tennis

Tennis is ‘n Somersport. Oefeninge vind plaas by die skool. Proewe word gehoue en daarvolgens word spanne gekies.