Kategorie: Nuus

Woensdag, 1 Mei, is Werkersdag en sal daar nie skool wees nie.

Woensdag, 24 April, het die netbaldogters teen Laerskool De Tyger gespeel. Die tellings is soos volg:

0.13A wen 27-3
0.13B wen 22-0
0.12A wen 27-1
0.12B wen 4-0
0.11A wen 11-9
0.11B wen 7-0
0.11C wen 7-0
0.10A wen 10-0
0.10B wen 5-0
0.9A wen 13-1
0.9B wen 4-0
0.8A wen 3-0
0.8B verloor 1-3
0.7A verloor 1-2
0.7B wen 1-0

Baie geluk met hierdie puik uitslae!

Alhoewel dit amper ‘n week later is, bly Kaperjolle steeds op almal se lippe. Hierdie jaarlikse en gewilde pretdag het op Saterdag, 20 April, plaasgevind en is onomwonde die hoogtepunt op die skoolgemeenskap se kalender. Kaperjolle bied soveel aktiwiteite en pret vir oud en jonk. Die leerders het hulle gate uit geniet en ‘n hoogtepunt was om die ‘skrikwekkende’ spookhuis te besoek. Leerders het in lang rye gestaan om die opwinding te ervaar, veral as daar ‘n kans is dat ‘n sogenaamde spook aan jou been kan vat. Die spookhuis se gewildheid sal nooit oor die jare taan nie en sal vir geslagte nog kinders fasineer. Die spookhuis is vanjaar kreatief deur die leerderraad in die senior seuns se badkamers aangebied.

Verskeie van ons ouers het tydens kaperjolle aan die straatkoskompetisie deelgeneem. Hulle stalletjies was fraai versier. Ek was nie ‘n beoordeelaar nie, maar is in die afgrond bederf met smullekker happies van verskeie straatkosdisse. Die verskeidenheid disse was hemels en die kompetise was baie sterk. Baie geluk aan Marta se span wat met die louere weggestap het.

Die opkoms van ouers en kinders was verstommend en spreek weer boekdele van die karakter van ons skoolgemeenskap wanneer dit by die ondersteuning van skoolaktiwiteite kom. Die weer het vanjaar perfek saamgespeel, met kostalletjies sonder einde, “live” musiek in die agtergrond, ‘n groot markiestent met gemaklike sitplek om heerlike kos en wyn te geniet. Hierdie kombinasie saam met omgee-mense maak die perfekte resep vir ‘n onvergeetlike ervaring. Ek is uiters trots en dankbaar dat ons ouers/voogde die skool in alle opsigte ondersteun en saam trots op ons puik skool is. Dit dra onder andere kollektief by dat ons skool net van krag-tot-krag gaan. Graag wil ek ons OOV-Voorsitter, Coreen Scholtz, en haar span asook al die ouers, voogde en personeel wat so hard gewerk het om die sukses van die Kaperjolle te verseker, hartlik bedank.

Op Donderdag, 18 April, het ons jaarlikse Kleiduifskietkompetisie by die Gun Valley Skietbaan te Agter-Paarl plaasgevind. Die weergode het vanjaar besluit om nie soos in die verlede gure weer te stuur nie. Baie dankie aan Safari Outdoor wat jaarliks as die hoofborg optree. ‘n Hartlike dank aan Stephanie le Roux en Ria Hertzog wat die gewilde dag vir die 4de agtereenvolgende jaar gereël het. Die geesdrif en samesyn onder ons ouers het soos ‘n paal bo water uitgestaan.

Op Maandagoggend, 22 April, het leerders, ouers/voogde en personeel ingespring om 1 400 toebroodjies vanaf 06:30 – 07:45 in die saal voor te berei wat ons aan minderbevoorregte skole dieselfde dag te Kunstekaap uitgedeel het. Weereens nog ‘n trotse oomblik om te sien hoe veral leerders bereid is om te help en hulle werklik omgee vir mense in nood. Die skole aan wie ons die toebroodjies oorhandig het, bestuur voedingskemas by hul onderskeie skole en is onder geweldige finansiële druk om hul leerders daagliks van kos te voorsien. Uit die aard van die saak het hulle ons bydrae opreg waardeer en kon ons dankbare glimlagte op verskeie van hul leerders se gesigte plaas. Dit laat my opnuut besef hoe bevoorreg ons as skoolgemeenskap is, want heel moontlik hoef ons nie te stres waar ons volgende maaltyd vandaan sal kom nie. Mag die gawe van dankbaarheid deel van ons lewe word as ‘n mens net weer besef wat God vir ons skoolgemeenskap uit genade doen.

Baie dankie aan ons vyf ouers (Merwe Scholtz, Hugo van den Heever, Susan van der Walt, Marié Cruywagen en Stephen Hitchcock) wat op ons nuwe Beheerraad dien vir hul teenwoordigheid tydens Dinsdag, 23 April, se saalbyeenkoms. Baie dankie aan ons Voorsitter van die Beheerraad, naamlik Merwe Scholtz, wat aan die leerders konteks gegee het rakende die rol van die beheerraad by die skool en hoe daar kollektief saam met die skoolhoof asook EXCO hard gewerk word om die skool na nog hoër hoogtes te neem tot voordeel van ons leerders.

Wêreldboekedag is ook ‘n hoogtepunt vir leerders en opvoeders en die week is dit behoorlik op Dinsdag en Woensdag by die skool gevier. Dit gee vir die leerders die geleentheid om soos hul gunsteling boekkarakter aan te trek. Ons leerders het die geleentheid behoorlik aangegryp en daar is ‘n skouspel van boekkarakters opgelewer om sodoende hul liefde vir boeke en hul gunsteling boekkarakters uit te leef. Leerders het van vroeg af vir my in my kantoor hul spoggerige kostuums kom wys. Baie dankie aan al ons ouers/voogde wat gehelp het met die maak van die pragtige kostuums sodat die boekkarakters letterlik lewendig kon word.

Laat my toe om die volgende leerders sterkte toe te wens vir die finale WP-Netbalproewe wat môre plaasvind:

• Cato Terblance (o.11)
• Anouk van der Linde (o.11)
• Stella Pansegrouw (o.12)
• Chanelle van Wyk (o.12)

Geniet die netbalproewe en wat ookal die uitslag mag wees, ons bly nog steeds baie trots op julle!

Ons skool is werklik geseënd in baie opsigte en dit gaan werklik baie goed met ons skool en Huppelland, daarom sluit ek af met die onderstaande dankbaarheidsjoernaal en wens ek vir julle ‘n wonderlike naweek toe:

“As jy geluk wil vind,
vind eers Dankbaarheid.
Dankbaarheid is die tonikum
teen ontnugtering en bitterheid’’

Vriendelike groete

Naas Beets
SKOOLHOOF

The World Needs a Father Evening
Met Cassie Carstens

• Donderdag, 2 Mei van 18:00 – 20:00
• Laerskool Jan van Riebeeck
• Geen koste nie
• Vir meer inligting, kontak Andries by andries.viljoen@gmail.com.
• Meer info oor TWNAF by https://twnaf.com

Die rol van Pa-wees is nie ‘n maklike een nie, maar uiters belangrik vir ons kinders. Min van ons maak tyd om onsself te verbeter om ‘n beter pa te wees. Kom volgende Donderdag, ons gesels oor die doel van Pa-wees en wat ons kinders werklik nodig het.

Op 13 en 15 Mei 2024 hou ons graad 6 en 7-musiekleerders ‘n musiekkonsert. Dit is ‘n wonderlike geleentheid waar hulle die afgelope twee kwartale se harde werk met vriende en familie kan deel. Ons leerders is nie verplig om deel te neem nie, maar ons moedig almal aan om die geleentheid te gebruik.

Die konserte sal in graadverband plaasvind. Sien asseblief die spesifieke datums en tye hier onder.

Ons nooi alle ouers, familie en klasmaats uit om te kom luister en die middag saam met ons te geniet.

Graad 6: Maandag, 13 Mei @ 14:15 – 15:00
Graad 7: Woensdag, 15 Mei @ 14:15 – 15:00

Indien daar graad 6 of 7-leerders is wat buite die skool musieklesse neem en graag aan die musiekkonsert wil deelneem, stuur asseblief ‘n e-pos aan juf. Rolene: rolene@jvrprim.co.za

Die graad 1 – 7-leerders het verlede week aan die interne redenaarskompetisie deelgeneem en ons omtrent van verskillende sake oortuig!

Baie geluk aan die volgende leerders wat ons skool by ATKV se eerste ronde gaan verteenwoordig:

Gr. 1 – 3
Jean-Jacques Rossouw
Petronella Gouws
Mia Bothma
Jan-Jurie Fourie
Lua Groenewald
Amalie Janse van Rensburg
Kitty Partner
Christina du Toit

Gr. 4 – 5
Pieter Rademeyer
Stef Nel
Ella van der Walt
Mia-Lynn Podesta

Gr. 6 – 7
Sabine Barnard
Karu Rademeyer
Isabella Marais
Elisabet Marais
Colleen Draghoender
Emma Snjiders
Abi Fourie
Stella Zulch

Die wintersportwedstryde is in volle swang en sommer binne die eerste 2 weke van die nuwe kwartaal is skoolaktiwiteite behoorlik aan die gang. Opvallend hoe die wintersportgeleenthede deur ouers/voogde asook oumas en oupas ondersteun word, amper asof dit die skoolgemeenskap nader aan mekaar bring en veral op ‘n Saterdag ervaar ‘n mens die positiewe sportgees en kameraderie onder ouers en voogde. Verlede Vrydagmiddag het ons o.13A hokkiespanne (seuns en dogters) aan ‘n hokkietoernooi te Laerskool Van Riebeeckstrand deelgeneem. Ons spanne het hulle baie goed van hulle taak gekwyt en graag maak ek melding van die dogters wat 2 van die 3 westryde gewen het en hul laaste wedstryde teen Laerskool Van Riebeeckstrand gelykop gespeel het. Ons seunspan het ook net 0 – 1 teen Laerskool van Riebeeckstrand verloor. Laerskool Van Riebeeckstrand is ‘n heelwat groter skool as ons en weereens kon ons kompeterend wees alhoewel ons ‘diepte’ met die aantal spelers beperk is. Op Saterdag, 13 April, het ons netbalspanne aan 33 wedstryde te Laerskole Sunningdale, Tableview en Kampsbaai deelgeneem. Ons wen 20 van die 33 wedstryde, speel 5 gelykop en verloor slegs 8 van die netbalwedstryde – ek dink dit is merkwaardig en wil graag al die netbalafrigters en -spelers hartlik gelukwens met die prestasie.

Ons o.7 – o.13 Rugbyspanne het ook op Saterdag, 13 April, weg teen Laerskool Sunningdale gespeel. Baie geluk aan ons o.13A-rugbyspan wat hul titaniese stryd 24 – 19 gewen het. Ons opposisie het verseker groter seuns gehad met meerderheid gr. 7-leerders terwyl ons span hoofsaaklik uit gr. 6-seuns bestaan. Welgedaan aan ons afrigters, mnre. Erick en André, asook die seuns wat ‘n klipharde wedstryd vir mekaar en die skool gespeel het.

Dit is dan vir my ook aangenaam om nie net oor sport verslag te lewer nie, maar veral dat daar ‘n opwindende tyd vir die skool se Senior Koor voorlê. Dit is vir ons ‘n groot voorreg om die toonaangewende koordirigent, Leon Starker, as deel van ons koorspan te verwelkom. Die toevoeging van sy gespesialiseerde kennis en vaardighede, maak dit moontlik om in samewerking met mnr. Ben en juf. Rolene te streef na nuwe hoogtes. Net soos ons ons sportspyskaart uitgebrei en ‘n nuwe sportkultuur gevestig het, beplan ons ook om ‘n uitnemende koor- en musiekkultuur by Laerskool Jan van Riebeeck te vestig. Leon se fokus en bydrae sal wees om aandag aan die uitbou van spesifieke vaardighede te skenk, wat insluit stemontwikkeling en bladlees. Dus vir ons koorvisie om te realiseer, is dit belangrik om meer oefentyd aan die koor toe te staan en daarom verander ons Senior Koor se oefentye vanaf 16 April soos volg:

Dinsdag: 12:40 – 14:10
Donderdag: 07:45 – 08:15

Ons het hierdie tye spesifiek gekies, en die skool se rooster so aangepas dat dit nie met enige akademie, sport, kultuur of buitemuurse aktiwiteite bots nie. Ons verwag daarom van ons Senior Koorlede om volkome toegewyd te wees en die kooroefeninge getrou by te woon. Ons kan slegs as ‘n gemotiveerde en gedissiplineerde span die doelwit van sukses bereik. Alhoewel harde werk by tye van die koorlede verwag gaan word, weet ons dat ons besig is om te skaaf aan ‘n produk waarop ons as Jannies trots kan wees! Baie dankie dat julle ons ondersteun in die verband en ons sien uit na ‘n blink toekoms vir ons kore, wat skitter met nuwe geleenthede vir optredes, deelname aan Eisteddfods en kompetisies, en moontlike koortoere.

Vanaf 10 – 11 April het ons die jaarlikse interne redenaarskompetisie gehou. Ons gr. 1 – 7-deelnemers het hulle puik van hul taak gekwyt. Ek bly verstom oor ons leerders se selfvertroue, woordeskat en kommunikasievaardighede. Om van so ‘n jong ouderdom te skaaf aan ‘n vaardigheid waar jy die gehoor moet dwing om na jou te luister en van jou standpunt te oortuig, is nie vir almal beskore nie, maar tog slaag ons leerders dit met vlieënde vaandels. Ek glo vas dat redenaars leerders aanspoor om hul breinkrag tot die maksimum te gebruik, veral as hulle skielik ‘n gedeelte van hul toespraak vergeet het, dan moet hulle vinnig op hul voete kan dink en improviseer. Baie dankie en geluk aan juf. Andri wat die redenaars met soveel passie bestuur en ons leerders bemagtig om bekwame sprekers te word.

Môre vind die gewilde Kaperjolle vanaf 12:00 plaas en ‘n mens kon reeds die afgelope week al die opwinding aanvoel. Die leerders kan nie meer wag om aan al die speletjies en vermaak deel te neem nie. Baie dankie aan die OOV-voorsitter, Coreen Scholtz, haar OOV-span asook al die ouers/voogde wat ingespring het om te verseker dat dit weer ‘n reuse sukses sal wees. Kom geniet die kosbare samesyn, straatdiskompetisie en kosstalletjies wat smaaklike disse te kope bied. Die weer gaan ook môre beter as laasjaar saamspeel en ek sien baie uit om julle almal môre by die pretdag vir oud en jonk te ontvang!

Ons skool is so geseënd in baie opsigte as ons na al die suksesse en vooruitgang die afgelope tyd kyk. Laat ons altyd nederig bly. Ek sluit af met die volgende stelling oor nederigheid deur Gordon. B Hinckley en wens ek vir julle ‘n wonderlike Kaperjolle en naweek toe:

“Being humble means recognizing
that we are not on earth
to see how important we can become,
but rather to see how much DIFFERENCE
we can make in the lives of others’’

Vriendelike groete

Naas Beets
SKOOLHOOF

Ons skool is spesiaal uitgenooi om die Junior Suidoosterfees (22 – 24 April) by die Kunstekaap (Operahuis) by te woon.

Om die enigste Afrikaanse laerskool in die stadskom te wees, is voorwaar ‘n voorreg, maar terselfdetyd ‘n reuse verantwoordelikheid. Ons streef daarna om ons leerders te bemoedig om Afrikaans te bly praat en lees.

Ons is hierdie kwartaal deel van die ATKV se storieleesfeesprojek waartydens elke graad uitgesoekte Afrikaanse leesboeke gekry het om deur te lees. Leerders moet teen middel Julie die boeke klaar gelees het om tydens klastyd te stem vir die boeke waarvan hulle die meeste hou.

Ons is dan ook deur die Suidoosterfees genooi om Maandag, 22 April, – Woensdag, 24 April, die onderskeie Junior programme by te woon om Afrikaans lewendig te hou. Daar is daagliks 1400 leerders wat die onderskeie programme bywoon. Jou kind het ‘n toestemmingsbrief ontvang wat jy moes onderteken om toestemming te gee dat jou kind die program mag bywoon en ook om van die skool se busvervoer gebruik te maak.

Maandag, 22 April – Gr. 1-3
Dinsdag, 23 April – Gr. 4-5
Woendag, 24 April – Gr. 6-7 

Volg die skakel vir die program.

Ons wil graag as ‘n skool vir gr. 4, 5 en 7 hierdie kwartaal die geleentheid gee om self broodjies te kom smeer wat ons Maandagoggend aan leerders sal uitdeel wat die Suidoosterfees se program gaan bywoon. Hierdie broodjies word spesifiek vir skole gegee wat voedingskemas het en nie Maandag by hul skool sal wees om hul pousekos te ontvang nie. Personeel sal ook help met die voorbereiding van hierdie ete. ‘n Groot dankie aan die Welwillendheidskomitee wat aan die stuur is van hierdie projek. Wonderlik om ‘n honger magie vol te maak vanuit warm, vol harte!

Trek aan soos jou gunsteling-boekkarakter! Die beste kostuum per graad sal ‘n prys ontvang.

Woensdag, 17 April, het die Jannies teen Laerskool Totius gespeel. Die tellings is soos volg:

0.13A – verloor 17-18
0.13B – wen 13-3
0.12A – wen 18-6
0.12B – wen 3-1
0.12C – gelykop 2-2
0.11A – verloor 3-8
0.11B – wen 15-0
0.10A – wen 13-1
0.10B – wen 2-1
0.9A – wen 8-1
0.9B – wen 9-0
0.8A – verloor 1-5
0.8B – verloor 2-3
0.7A – wen 3-0
0.7B – gelykop 0-0
0.7C – gelykop 0-0

Ons rugbyspanne het Saterdag, 13 April, teen Sunningdale te staan gekom en baie goed gevaar. Sien die uitslae hier onder:

o. 7A 3-1 (w)
o. 7B 7-2 (w)
o. 8A 2-0 (w)
o. 8B 5-2 (w)
o. 9A 0-2 (v)
o. 9B 0-6 (v)
o. 11A 0-43 (v)
o. 11B 44-0 (w)
o. 13A 24-19 (w)

Ons jaarlikse ligawedstryde het afgeskop en ons het teen Laerskool Van Riebeeckstrand gespeel. Die seuns het tuis gespeel en die dogters weg. Ons het baie goed gevaar en ons is opgewonde dat ons o.7’s en o.8’s hierdie jaar deel van die liga vorm!

Seuns:
O.7B 5-0 (w)
O.7A 1-0 (w)
O.8B 1-1
0.8A 5-1 (w)
O.9B 0-4 (v)
O.9A 0-0
O.10B 1-1
O.10A 0-2 (v)
O.11A 0-2 (v)
O.13A 0-1 (v)

Dogters:
O.7B 0-5 (v)
O.7A 0-5 (v)
0.8B 3-0 (w)
O.8A 1-4 (v)
O.9B sy 0-10 (v)
O.9A 1-3 (v)
O.11A 3-2 (w)
O.13B 1-0 (w)
O.13A: 2-0 (w)

Ons eerstespanne het Vrydagmiddag aan Van Riebeeckstrand se toernooi deelgeneem. Ons het teen groot skole te staan gekom en puik gevaar. Ons dogters-eerstespan het al hul wedstryde gewen en gelykop teen VRS gespeel. Ons seuns-eerstespan het les opgesê en twee van die drie wedstryde in die doodsnikke verloor.

0.13-dogters uitslae:
vs Overberg 1-0 (w)
Vs Milnerton 4-0 (w)
vs Van Riebeeckstrand 0-0

o.13-seuns uitslae:
vs Overberg 0-1 (v)
vs Milnerton 0-0
vs Van Riebeeckstrand 0-1 (v)

Die leerders het aan hul eerste landloopwedloop vir die seisoen te Zwaanswyk Akademie deelgeneem. Die Jannies het baie mooi gehardloop! Baie geluk aan almal wat deelgeneem het. Die volgende leerders het in die top 20 van hul ouderdomsgroep geëindig het:

Lukas Loubser o.9 – 6de
James Steyn o.9 – 18de
Ynes Samba Kabassidi o.12 – 11de

Saterdag, 13 April, was die Jannies omtrent bedrywig. Daar is netbalwedstryde te Kampsbaai, Sunningdale en Table View gespeel. Ons is trots op elke Jannie wat die naweek hul beste gegee het. Die uitslae is soos volg:

JvR vs Sunningdale
0.7A verloor 0-1 (oranje)
0.7B wen 1-0 (blou)
0.7C wen 2-0 (wit)
0.8A gelykop 1-1
0.8B gelykop 1-1
0.9A wen 7-1
0.9B wen 5-0

JvR vs Kampsbaai
0.10B verloor 1-19
0.10C verloor 3-12
0.11B wen 7-3
0.11C wen 7-2
0.12B verloor 2-8
0.12C wen 8-2
0.13B verloor 14-17
0.13C wen 10-5

JVR by Table View-toernooi:
0.10A
JvR vs Sunningdale – wen 5-0
JvR vs Destinatus – wen wen 8-2
JvR vs Vredekloof – wen 11-0
JvR vs Table View – verloor 3-6
Eindig eerste in die poel en speel uit teen Table View.

0.11A
JvR vs Table View – wen 8-6
JvR vs De Kuilen – wen 8-2
JvR vs Mikro – gelykop 7-7
JvR vs Gene Louw – verloor 4-12
Eindig tweede in die poel en speel teen Gene Louw.

0.12A
JvR vs Destinatus – wen 17-3
JvR vs Curro Durbanville – wen 14-2
JvR vs Edgemead – wen 11-5
JvR vs De Kuilen – wen 8-1
JvR vs Sunningdale -wen 8-2
JvR vs Gene Louw – verloor 5-12
Eindig eerste in die poel en speel uit teen De Kuilen. Wen hulle gemaklik en speel teen Gene Louw in die finaal.

0.13A
JvR vs Curro Durbanville – wen 12-3
JvR vs Sunningdale – wen 17-3
JvR vs Parrow Oos – verloor 6-8
Eindig tweede in die poel en speel uit teen Gene Louw – Verloor 5-13

Baie geluk aan juffrou Lucia de Jager en haar 0.12A-span wat Saterdag silwermedaljes by die toernooi gewen het. Ons is ongelooflik trots op julle.