Kategorie: Algemeen

Op 28 September sal twee van ons Jannies, Nina Burger (G6VD) en Klara Pfeifer (G4H), die Wes-Kaap by die Nasionale Ritmiese Gimnastiekkampioenskap verteenwoordig. Die kampioenskap vind van 23 tot 29 September plaas. Ons wens hulle alle sterkte toe en hoop hulle geniet hierdie besondere geleentheid!

Die afgelope naweek het Mila aan die CPL (Cape Premier League) in die Shield-liga deelgeneem. Die CPL bring spelers van regoor die Wes-Kaap bymekaar, met ses ligaspanne wat oor die naweek teen mekaar meeding en vyf wedstryde speel.

Mila se span, die Royals, het die liga gewen en die trofee ontvang! 🏆 Dit was ’n fantastiese ondervinding met baie sterk spelers en strawwe teenstand. Ons is werklik trots op Mila en haar prestasie!

Dit is hierdie keer die Grondslagfase se beurt vir markdag! Karri is reeds oop en tafels is beskikbaar vir bespreking. Maak seker om jou tafel betyds te bespreek – Karri sluit Dinsdagoggend om 08:30.

📅 Verkope: Dinsdag, 22 September om 10:00–10:45
⏰ Verkopers kan vanaf 09:30 opstel.

Kom ondersteun ons Grondslagfase-leerders en geniet die oggend saam met ons!

✨ VAKANSIE-HANDJIES SE VAKANSIEPRET! ✨

Beste Ouers,

Die vakansie is amper hier!

Ons is besig om voorbereiding te tref, asook speletjies en kreatiewe aktiwiteite vir ons vakansieleerders te beplan 🎨

📅 DATUMS:
Vr, 25 Sept – Ma, 5 Okt 2026

🌈 VAKANSIE-HANDJIES IS OOP:
✨ Vr, 25 Sept
✨ Ma, 28 Sept – Vr, 2 Okt
✨ Ma, 5 Okt

Om seker te maak dat ons genoeg hande en aktiwiteite vir almal gereed sal hê, benodig ons so gou as moontlik die volgende belangrike informasie:

1. Die Naam & Van van leerders wat die vakansiesorg gaan bywoon;
2. Watter dae/datums die leerder by ons gaan kom kuier.

💌 RSVP – STUUR ASB DIE VOLGENDE PER WHATSAPP AAN FELICITY: 073 856 6577

👧 Naam & Van: ____
📅 Datums:____

Hoe meer inligting ons het, hoe meer voorbereid kan ons wees om dit ‘n onvergeetlike vakansiekuier vir almal te maak.

Ons kan nie wag om die vakansie saam met al ons vakansiesterre kreatiewe dinge te doen en pret te hê nie! ⭐️

Groete,
Die Vakansie-Handjiesspan ✨❤️

Baie geluk aan Bella Malan (Graad 6) wat onlangs haar WP-kleure in gimnastiek (WAG) verwerf het!

Bella sal die Wes-Kaap by die 2026 Nasionale Gimnastiekkampioenskappe in Pretoria verteenwoordig, wat van 24 tot 27 September 2026 plaasvind.

Ons is ongelooflik trots op Bella en wens haar alle sterkte toe met hierdie besondere geleentheid!

Baie geluk aan Emma Snijders (huidige graad 9-leerder) wat tydens die Marius Schoeman-netbaltoernooi aangewys is as die o.15 Speler van die Toernooi!

Emma se passie, toewyding en liefde vir die spel is ’n ware inspirasie. Ons is ongelooflik trots op jou en hierdie besondere prestasie, Emma!

Baie geluk – ons is trots op jou!

Baie geluk aan Ella met haar uitstekende prestasie in hierdie jaar se Wes-Kaap- en Gauteng-streekskampioenskappe vir rotsklim!

Ella het ’n silwermedalje in Bouldering tydens die Gauteng-kampioenskappe verower en daarna goud in Bouldering tydens die Wes-Kaap-kampioenskappe behaal. Ella is as die Wes-Kaap-kampioen in haar ouderdomsgroep bekroon!

Ons is ongelooflik trots op jou, Ella! Baie geluk met hierdie besonderse prestasie!

Uitslae van assessering – Sondag, 30 Augustus 2026

Baie geluk aan al ons dansers met hul pragtige uitslae tydens die assessering op Sondag, 30 Augustus! 🌟

Die dansers het besonders mooi gelyk in hul leotards, rompies en kleurvolle danskostuums en het hulself met groot selfvertroue van hul beste kant gewys.

Graad 1–3
Die volgende dansers het elk ’n pragtige sertifikaat en verslag met opbouende kommentaar ontvang:

• Emily Botha
• Amelie Johnson
• Charlie de Klerk
• Ferdi Titley
• Heike Louw
• Ada Uys
• Emilie Theron
• Emma-Jane Wilke
• Mila Maree
• Cornelia Opperman

Graad 5–11
Die volgende dansers het sertifikate en opbouende kommentaar ontvang, met gradering op versoek:

• Christa-Bella Swart – A+
• Mika van der Walt – A+
• Hanna Louw – B++
• Anabel Brink – A
• Heidi van Heerden – A+
• Ella Nel – B
• Solange Stevens – A+
• Kerala Allewel – A+
• Karlien van der Walt – A+
• Lara Basson – A+

Die beoordelaar was baie beïndruk met ons dansers se mooi gepunte voete, pragtige gesigsuitdrukkings en meelewing. Sy het ook die hoë standaard en gehalte van die choreografie beklemtoon en aangedui dat die dansers baie talentvol is en oor groot potensiaal beskik.

Gereelde klasbywoning en die bywoning van repetisies is belangrik om hierdie potensiaal ten volle te ontwikkel. Dit is ook belangrik dat dansers hul liggame soepel en sterk hou. Die beoordelaar was veral beïndruk met die dansers se pragtige spronge (jetés) en draaie (pirouettes).

Ons is ongelooflik trots op elkeen van julle! Baie geluk en welgedaan, dansers!

Juf. Barbie

Op Internasionale Geletterdheidsdag (Dinsdag, 08 September) sit ons alles vir ’n rukkie opsy en maak tyd vir die wonderlike wêreld van boeke! 📖✨

Leerders word aangemoedig om hul gunstelingboek skool toe te bring en gedurende die dag ’n spesiale leestyd te geniet.

Kom ons maak saam tyd om te lees, te droom en nuwe wêrelde te ontdek! 🌈📚

Jamie Jordaan het ’n ongelooflike vierde plek tydens vanjaar se Horizon-wiskundekompetisie behaal.

Die kompetisie vind in die Wes-Kaap, Gauteng en KwaZulu-Natal plaas, met meer as 100 000 leerders wat daaraan deelneem. In die Wes-Kaap het 281 skole vir die kompetisie ingeskryf, met net meer as 27 000 leerders wat deelgeneem het. Dit maak Jamie se prestasie des te meer merkwaardig.

Jamie, baie geluk! Ons is uiters trots op jou puik prestasie.

HOOFLEIERS 2026/2027

Ons is baie trots op HS JvR se hoofleiers wat op Donderdag, 26 Augustus 2026, verkies is. Dis veral lekker om te weet dat hulle almal oud-Jannies is! Ons weet dat hulle ‘n fantastiese werk sal doen.

𝐉𝐕𝐑-𝐇𝐎𝐎𝐅𝐋𝐄𝐈𝐄𝐑 & 𝐕𝐑𝐋-𝐕𝐎𝐎𝐑𝐒𝐈𝐓𝐓𝐄𝐑:  HELENE GREEFF

𝐇𝐎𝐎𝐅𝐒𝐄𝐔𝐍:  ALBERT GRIESEL

𝐇𝐎𝐎𝐅𝐃𝐎𝐆𝐓𝐄𝐑:  CARA SWANEPOEL

𝐎𝐍𝐃𝐄𝐑𝐇𝐎𝐎𝐅𝐒𝐄𝐔𝐍:  OWEN WIESE

𝐎𝐍𝐃𝐄𝐑𝐇𝐎𝐎𝐅𝐃𝐎𝐆𝐓𝐄𝐑:  STELLA BOJE

Neem asseblief kennis dat alle snoepie-kosbestellings voortaan slegs deur die Karri-toep geplaas moet word. Om die bestelproses glad en doeltreffend te laat verloop, sal geen laat bestellings of versoeke meer aanvaar word nie.

Onthou ook dat geen kos die snoepie mag verlaat voordat dit betaal is nie.

Leerders wat op die dag self ‘n broodjie wil koop, is welkom om dit met kontant of ‘n bankkaart by die snoepie te betaal.

Indien jy probleme met bestellings op Karri ervaar, kontak vir Megan op WhatsApp by  082 794 8430.

Dankie vir u samewerking.

Baie geluk aan Gerhard Conradie en Luna Coetzer, wat saam in die kykNET-reeks Beter as Gister speel. Ons is trots op julle puik prestasie!

Baie geluk aan Luna Coetzer, wat in die film Silas en die Ysbeer op Tafelberg speel. Die film het op die eerste dag van die SilwerSkerm Filmfees gedebuteer. Ons is trots op hierdie besondere prestasie!