Veilingsdinee: 6 Junie 2026
/ Algemeen, Nuus

Liewe Ouers
Ons nooi julle graag uit om nou julle kaartjies vir die veilingsdinee te bespreek.

Besoek gerus die skakel vir meer inligting:
 https://share.google/9rKtH6Bvrg6YZU5DS

Rugbyuitslae: 18 April 2026
/ Nuus, Rugby, Sport, Sport, Sportuitslae

Hier volg die week se rugbyuitslae:

 

Netbaluitslae: 22 April 2026
/ Netbal, Nuus, Sport, Sport, Sportuitslae

Hier volg die week se netbaluitslae:

Hokkie-uitslae: 16 April 2026
/ Hokkie, Nuus, Sport, Sport, Sportuitslae

Hier volg die week se hokkie-uitslae:

Wêreldboekedag sukses!
/ Algemeen, Nuus

Wêreldboekedag was ’n groot sukses! Dit was ’n vreugde om al die verskillende Jaco Jacobs-boekkarakters te sien en die ongelooflike moeite wat leerders met hul kostuums gedoen het.

Baie dankie aan al die leerders, ouers en onderwysers wat bygedra het om hierdie dag so spesiaal en suksesvol te maak.

Koffie-en-Beskuit Konsert: Dinsdag, 28 April 2026
/ Kuns en Kultuur, Kuns en Kultuur, Musiek, Nuus
Ons volgende oggendkonsert vind Dinsdagoggend, 28 April, in die NASORG plaas. 
 
Die volgende leerders tree op:
Pierre du Toit – Klavier
Arjen Faling – Klavier
Antjie Samuel – Klavier
Jamie Jordaan – Klarinet
Ferdi Titley – Klavier
Lucy le Roux – Klavier
Jenna Erasmus – Dwarsfluit
Sebastian Scott – Klavier
 
Daar word ook kunswerke van hierdie leerders in die Nasorg uitgestal, waarna julle gerus voor of na die konsert kan kyk.
 
Hier is enkele algemene reëlings rondom die verrigtinge:
 
* Deelnemende leerders meld stiptelik 07h45 in die Nasorg aan met hul instrument. Juf Bea en/of mnr Ben sal daar wees om hulle te ontvang en te help om instrumente te stem. 
* Elke deelnemende leerder bring een of twee maatjies saam om die konsert by die woon. Ons het ongelukkig nie spasie om meer leerders te akkommodeer nie.
* Ouers is welkom om te kom luister – bring gerus koffie saam!
* Gebruik asb die deur by die Nasorg om in te kom – die senior koor oefen in die saal, en ons wil hulle nie steur nie.
 
Tyd: 08h00 – 08h30
Plek: Nasorg
Senior en Junior Kore tree op by JvR Hoërskool Massa-Reünienaweek Musiekaand
/ Koor, Kuns en Kultuur, Kuns en Kultuur, Nuus
Ons senior en junior kore sien baie daarna uit om saam met die JvR Hoërskoolkoor en -ensemble, by die JvR Hoërskool Massa-Reünienaweek Musiekaand op te tree! Hier volg meer inligting:
 
Datum: Donderdagaand, 7 Mei
Plek: NG Kerk Tamboerskloof
Tyd: Die konsert begin 18h00. 
Kaartjies: R20 per persoon. Daar sal ’n skakel op die Senior en Junior kore se WA-groepe uitgestuur word, waar kaartjies gekoop kan word. Kaartjies sal ook by die deure te koop wees.
 
JUNIOR KOOR:
 
* Kleredrag: Skoolsweetpak (skoolhemp, sweetpakbaadjie met die oranje strepies, sweetpakbroek, wit sokkies, SLEGS wit tekkies) en netjies hare met die koor-strikkies (daar sal voor die konsert vir elke dogter uitgedeel word).
* Arriveer: Die junior koor moet stiptelik om 16h45 by die kerk aanmeld. Hulle gaan deelneem aan die massa kooritem aan die einde, en al die kore en orkes oefen dit saam in die kerk voor die konsert. Dit gaan vir hulle ’n belewenis wees!
 
SENIOR KOOR:
 
* Kleredrag: Formele Skooldrag. Dogters: geruite rompie, skoolhemp, soft-shell baadjie, swart sykouse, swart skoolskoene. Seuns: beige langbroek, skoolhemp, soft-shell baadje, donkerblou skoolsokkies, swart skoolskoene
* Arriveer: Die senior koor moet stiptelik om 16h30 by die kerk aanmeld. Hulle gaan deelneem aan die massa kooritem aan die einde, en al die kore en orkes oefen dit saam in die kerk voor die konsert. Dit gaan vir hulle ’n belewenis wees!
 
Hou asb die Senior en Junior kore se WA-groepe dop vir meer inligting. Kontak ook gerus vir juf Rolene met enige vrae.
Netbaluitslae: 11 April 2026
/ Netbal, Nuus, Sport, Sport, Sportuitslae

Hier volg die week se netbaluitslae:

Skrywersbesoek: Francois Bloemhof
/ Algemeen, Nuus

Sien meer inligting oor die volgende skrywersbesoek hier onder:

Skoolkonsert 2026: 14 -17 September 2026
/ Algemeen, Konsert, Kuns en Kultuur, Kuns en Kultuur, Nuus

Ons is baie opgewonde oor ons skoolkonsert wat hierdie September plaasvind! Elke leerder word versoek om ’n bedrag van R200 by te dra om die kostes van kostuums en grimering te help dek. Leerders sal hul kostuums ná afloop van die konsert kan hou.

Karri sal vanaf Dinsdag, 28 April, tot en met September beskikbaar wees vir betalings.

Baie dankie vir almal se ondersteuning en samewerking om hierdie produksie moontlik te maak.

Senior koor: Hoërskool Fairmont Kooraand
/ Koor, Kuns en Kultuur, Kuns en Kultuur, Nuus
Ons senior koor tree Dinsdag, 21 April, by die Fairmont Hoërskool Kooraand op. Dit is ’n groot voorreg om die verhoog met die Fairmont en Curro Durbanville Hoërskoolkore te deel, en ons sien baie daarna uit om by hierdie geleentheid op te tree. 
 
Hier is meer inligting rakende kaartjieverkope en reëlings rondom die konsert. 
 
Datum: Dinsdagaand, 21 April
Plek: Hoërskool Fairmont 
Tyd: 18h30
Kaartjies: Quicket
 
Reëlings vir die Senior Koor: 
 
* Bus vertrek stiptelik 15h45 vanaf die agsterste parkeerarea van die skool. 
* Leerders wat hokkie oefen, kan direk na die oefening bus toe kom en met hul oefenklere tot by Fairmont ry. Sodra ons daar arriveer, kan hulle verklee – pak asb hul formele skoolklere in, soos benodig vir die optrede. Juf Ilse-Marié Holtzhausen sal help om seker te maak dat almal netjies en reg aangetrek is voor die konsert.
* Juf Ilse-Marié Holtzhausen vergesel die koor. 
* Die konsert behoort teen 19h30 klaar te wees, waarna die bus sal terugkeer skool toe. Hou die WA-groep vir ’n meer spesifieke arriveringstyd dop.
* Kleredrag: Formele Skooldrag (hou WA-groep vir spesifikasies dop)

Kontrak gerus vir juf. Rolene indien daar enige verdere vrae is.

Junie-eksamen 2026
/ Akademie, Akademie, Eksamenrooster, Nuus

Sien belangrike inligting rakende die Junie-eksamen asook die rooster hier onder:

Eksamen - Junie 2026
Hokkie-uitslae: 10 April 2026
/ Hokkie, Nuus, Sport, Sport, Sportuitslae

Hier volg die week se hokkie-uitslae:

Boeliebief-Blokkies Uitdaging!
/ Algemeen, Nuus
Ons skool is opgewonde om hierdie kwartaal ’n welwillendheidsprojek aan te bied om Laerskool Prestwich te ondersteun – ’n minderbevoorregte skool wat hulp nodig het om kos aan hul leerders te voorsien.
Ons gaan blikkies boeliebief insamel, en dit sommer in ’n prettige kompetisie tussen die klasse omskep!
Hoe werk dit?
⭐ Vir elke 5 blikkies boeliebief wat ’n klas insamel, kry hulle 1 blokkie om in te kleur.
⭐ Hoe meer blikkies ingesamel word, hoe voller raak die klas se blokkaart!
🏆 Die klas met die meeste blokkies wen:
🍕 ’n Pizza-partytjie
👕 ’n Sivviedag
📅 Datums:
Begin: 20 April 2026
Sluit: 8 Junie 2026

💛 Elke blikkie maak ’n verskil. Kom ons werk saam en help waar dit regtig nodig is!

Boekbende skop weer af!
/ Algemeen, Nuus

Die Boekbende skop volgende week Woensdag weer af! Ons nooi graag al ons graad 4–7-leerders om dit by te woon.

Kom kuier saam om 07:15 in die Mediasentrum en deel in die lekkerte van lees!