Category: Sport
Op Woensdag, 17 Julie, het die Jannies Bellville toe gery om teen Laerskool Kenridge te speel. Hierdie wedstryd, wat lyk of dit ‘n jaarlikse instelling gaan raak, is ‘n goeie maatstaaf vir ons rugby en hoe dit ontwikkel. Alhoewel die tellings nie gister aan ons kant was nie, het ons beslis gewys dat Jannies veggees in moeilike omstandighede het.
Ons volgende wedstryde is teen LS Primêr (24/06, Tuis) en Curro Langebaan (27/06, Weg).
Rugby vir die kwartaal is nou amptelik in volle swang!
Dit is met groot opgewondenheid dat ons die nuus deel van ons tennisspan se deelname aan die onlangse tennistoernooi te Sun City wat gedurende die week van 8-12 Julie ‘n ware beproewing van uithouvermoë en vaardigheid vir ons spelers was. Ons is verheug om ons sukses en ervarings met julle te deel.
Die toernooi het begin met intense wedstryde en ‘n atmosfeer van kompetisie wat aan ons span ‘n unieke geleentheid gebied het om hul vaardighede ten toon te stel. Met elke dag wat verloop het, het ons gesien hoe ons spelers groei en hulself op die baan uitdaag.
Vir die dogterspan was dit ‘n besondere toernooi. Hulle het hulself as formidabele mededingers bewys en het met groot vasberadenheid vir elke punt baklei. Ons is trots om aan te kondig dat ons dogters ‘n indrukwekkende derde plek in die toernooi behaal het. Hierdie prestasie getuig van hul toewyding en harde werk.
Die seuns het ook nie teruggestaan nie en het hulself as mededingende teenstaanders bewys. Hulle beklee ‘n eerbare agtste plek en het elke wedstryd met dapperheid en vasberadenheid aangedurf. Hulle prestasies is ‘n weerspieëling van hul verbintenis tot die spel en die span.
Die ondersteuning van ons jannie-gemeenskap het ‘n groot rol in ons sukses gespeel. Julle aanmoediging en ondersteuning het ons aangespoor om elke dag ons beste op die baan te lewer. Dit was ‘n ervaring wat ons span sal koester en wat ons motiveer om voort te gaan met ons tennisreis.
Ons sien uit na die volgende uitdaging wat op ons wag en is vasbeslote om voort te bou op die sukses wat ons te Sun City bereik het.
Sportgroete,
Suné Swanepoel
Tennishoof
Hiermee wil ons graag vir Frank van der Walt wat op Donderdagaand, 13 Junie, sy WP-Kleure vir rugby ontvang het, hartlik gelukwens en vir hom sterkte toewens vir sy deelname aan die Cravenweek wat vanaf 17 – 20 Junie op Loftus Versfeld in Pretoria plaasvind. Baie geluk ook aan sy ouers Franci en Nel wat hom so getrou langs die rugbyveld ondersteun. Ons is saam met julle baie trots op Frank se puik prestasie. Hy is ‘n ware ambassadeur vir ons skool. Ons wens Frank die beste toe! Mag hy baie ervaring opdoen, maar dit in die proses ook geniet.
‘n Hele paar van ons Jannies het verlede naweek in Saldanha aan die WP-Gimnastiek Kampioenskappe deelgeneem. Hulle is almal deel van die Ignite Gimnastiekklub en het baie goed gevaar. Hier is hulle uitslae:
Vlak 1
Nina De Villiers – goud
Elisa van den Berg – goud
Lua Groenewald – silwer
Amelie Mouton – goud
Gia Kruger – silwer
Hanna Louw – silwer
Vlak 2
Elizabeth Snyders – silwer
Olivia Blackmore – brons
Noa Rademan – brons
Vlak 3
Bella Naylor – silwer
Klara Jansen van Vuuren – silwer
Bella Malan – brons
Ons is baie trots op julle!!
Ons het die kwartaal se landloop afgesluit met ‘n wedloop in Vishoek. Dit was baie opwindend om die oranje hempies van ver af te sien aankom en hulle aan te moedig tot by die eindstreep. Baie geluk aan al die deelnemers, almal het verbeter van die vorige wedloop.
Isla Jooste, Lukas Loubser en James Steyn het in die top 20 in hul ouderdomsgroep geëindig en ‘n spesiale geluk aan Delmar Benecke wat in die vorige wedloop in Rondebosch 7de geëindig en verlede Vrydag in Vishoek 5de geëindig het. Ons is baie trots op julle!
Delmar het Saterdag, 25 Mei, aan Cape Town Aquatics se eerste gala van die nuwe swemseisoen deelgeneem.
Hy het baie goed presteer met persoonlike beste tye in beide sy items waaraan hy deelgeneem het.
200m individuele wisselslag: 1ste plek
100m rugslag: 1ste plek
‘n Baie goeie begin van ‘n nuwe seisoen. Baie geluk, Delmar!
Volg hierdie skakel of kliek op die foto vir die interne sportprogram in PDF.
Ons het van 16 tot 18 Mei aan die Fair Cape-toernooi deelgeneem. Hier volg die uitslae:
0.9A vs.
Gene Louw verloor 1-10
Panorama wen 5-3
Bastion verloor 2-10
0.9B vs.
Bastion verloor 0-8
Durbanville verloor 0-10
0.8A vs.
Bastion verloor 0-8
Eversdal verloor 0-8
Panorama verloor 2-3
0.8B vs.
Eversdal verloor 0-5
Aristea verloor 1-7
Gene Louw verloor 0-6
0.7A vs.
Panorama verloor 0-3
0.7B vs.
Eversdale verloor 0-6
verloor 0-8
Belangrike Datums
julie 2024
augustus 2024
september 2024
oktober 2024
november 2024
desember 2024