Skrywer: Suzaan Burger

Uit die hoof se kantoor

12 Mei, 2020 | , ,

Liewe Ouers Ek is seker almal byt nog vas en hou nog by, wat die skoolwerk betref!? Ek het so gehoop dat ek teen hierdie tyd vir julle kan sê hoe die res van die skooljaar gaan lyk, maar ongelukkig is dit nie die geval nie. Volgens vandag se Die Burger behoort ons teen Donderdagaand of Vrydagoggend ‘n redelike aanduiding te kry… so ongelukkig weet ons nog net wanneer die Gr.7’s gaan begin, nl. 1 Junie, maar ons weet steeds nie wanneer die res van ons leerders die skool moet bywoon nie. Ons weet ook nie hoe die skoolkwartale vir die res van die jaar gaan lyk nie. Daar was voorstelle van ouers wat gevra het dat ons die grondslagfase (Gr.1 tot 3) ook saam met die Gr.7’s moet laat begin, maar omdat ons nie ‘n privaatskool is nie, mag ons dit nie doen nie. Ons het wel die versekering van ons direkteur gekry dat die leerders nie aan die einde van die jaar oor 100% van die werk geassesseer en getoets sal word nie. Intussen het daar ook ‘n paar personeelskuiwe plaasgevind. Juf. Lize-Mari Schultz (nou Van der Bank!) het ‘n grondslagfase departementshoofpos by Laerskool Vredekloof, waar haar man skoolhou, gekry en sy het reeds by hulle begin. Juf. Maricqe Roos, wat reeds by die Gr.3’s betrokke is, sal in haar plek waarneem tot die einde van die...

Lees Verder

Belangrike inligting

6 Mei, 2020 | ,

Liewe ouers, leerders en personeel Inperkingstydperk, afstandleer en kurrikulum Ons hoop almal is nog gesond en positief in hierdie onseker en vreemde tyd. Ons wil vir julle opreg dankie sê vir die oorweldigende positiewe bydraes en samewerking. Ons personeel is vasbeslote om te sorg dat leerders nie agter raak akademies nie. Ons besef dis vir sommige huisgesinne baie moeilik, veral as albei ouers werk en dalk alreeds terug is by die werkplek. Ons is ook deeglik bewus daarvan dat nie almal oor die infrastruktuur (data en WIFI) beskik wat afstandleer vereis nie. Ons kan julle egter die versekering gee dat ons gemotiveerde personeel alles in hulle vermoë doen om alle leerders te bereik en by te staan. (Die skool het ook begroot om sulke leerders by te staan sodat almal deel kan wees van afstandleer.) Almal, leerders sowel as ouers, is enige tyd welkom om enige onderwyser te skakel of te e-pos indien julle hulp verlang. Ek self is ook 24 uur van die dag op my selfoon of e-pos beskikbaar. Ook belangrik: Ons sal ook wanneer die skole weer heropen, seker maak alle kinders is akademies op koers. Ons sal hersiening doen van alle langafstand-werk en fokus op take en opdragte wat gedurende hierdie inperkingstyd veronderstel was om gedoen te word. Ons sal vasstel wie het agter geraak en dan ekstra aandag allokeer om te verseker dat almal...

Lees Verder

Brief van Lucia de Jager

24 Apr, 2020 | ,

Beste Ouer(s)/Voog(de) Al die onderwysers is dit eens dat ons veel eerder ons leerders in die oë sal wil kyk in plaas van afstand-onderrig toepas. Tog het ons die beste gemaak van ‘n vreemde situasie en ons glo dat ons op die regte pad is. Ons wil jul graag gerus stel indien jul bekommerd is oor jul kind se akademiese vordering. Ons bekwame span sal hard daaraan werk om agterstande te oorbrug, sodra ons terug is by die skool. Solank jou kind elke dag lees en skryf (albei tale) en byhou by sy/haar Wiskunde, kan die res maklik opgevang word. Ons kry daagliks versoeke en voorstelle en maak steeds aanpassings waar nodig. Ons lys graag die uitdagings wat ons oorkom het: Huishoudings sonder ‘n geskikte toestel kon tydens die vakansieweek ‘n Chrome Book by die skool kom uitneem. Die Grondslagfaseleerders se ouers kon ook daardie dag die gepaste leermateriaal, om in die plek van handboeke te gebruik kom afhaal en dit is ook elektronies beskikbaar. Voorsiening is gemaak om behoeftige leerders met data te voorsien. Ons knap IT-span het 99% van ons kinders op Google Classroom gekry. Die res word deur Whatsapp of e-pos bereik. Die grondslag- en seniorfase het inderhaas ‘n volhoubare program geskep. Terwyl daar gestreef word na eenvormigheid, word ontwikkelingsfases in ag geneem. Die onderwysers het binne ‘n rekordtyd hul IT-vaardighede opgeskerp en werk hard daaraan...

Lees Verder

Brief van die Beheerraad

24 Apr, 2020 | ,

Beste ouers en voogde Aangesien alle kommunikasie met die Corona-amok langafstand is, gaan die beheerraad voortaan na elke maandelikse ontmoeting vir julle terugvoer stuur. Ons verlang na die skoolgemeenskap en hoop dit gaan onder omstandighede met julle goed. Na President Cyril Ramaphosa se aankondiging gisteraand, is daar nog geen duidelikheid rondom die terugkeer na skole nie. Ons sal julle uiteraard op hoogte hou oor ons reaksie op die nuwe reëls sodra ons meer duidelikheid het. In die tussentyd, staan ons reg vir nog ’n geruime tyd van toe skole. Hier is terugvoer op ’n paar kern-aspekte: Afstandonderrig Hoewel die Coronavirus amok saai regoor die wêreld, is daar nog heelwat dinge om voor dankbaar te wees. En een daarvan is ons Jan van Riebeeck-personeel. Ons is uiters trots op hul aanpasbaarheid die laaste paar weke en dankbaar dat ons skool voor in die koor is wat afstandonderrig betref. Natuurlik is die stelsel nie sonder sy foute nie en daar word nog daagliks aanpassings gemaak om dit so effektief as moontlik te maak. Hoewel die werk verpligtend is wat die skool uitstuur, moenie die kinders te veel druk nie. Ons onderwysers is heeltemal bewus van die proses se tekortkominge en sal sorg dat alle leerders weer op koers kom na die inperkings – al verg dit buitengewone reëlings. Die sisteem is juis so gekies om data-vriendelik te wees (in ag genome...

Lees Verder

Netbaloefeninge tydens inperking

13 Apr, 2020 | , ,

Weens omstandighede, kan ons nie nou oefen nie, maar hier is voorstelle vir die wat belangstel. Kliek op die foto vir ‘n video wat die advertensie verder verduidelik. Gaan loer gerus op YouTube vir nog oefeninge en maniere om fiks te bly. Baie sterkte en bly...

Lees Verder

Afstandonderrig inligting

27 Mar, 2020 | ,

Beste Ouer(s) en Voog(de) 27 Maart 2020 Soos per die skrywe van Dinsdag, gaan afstandonderrig vir Laerskool Jan van Riebeeck se leerders vanaf 6 April plaasvind via die Google Classroom-platform. Dit is nie opsioneel nie, dit word van alle ouers en leerders verwag om saam te werk. Hiersonder sal jou kind akademies te ver agter raak. Die proses is ook vir die onderwysers ’n leerkurwe en ons vra julle geduld en ondersteuning in hierdie onbekende tydperk. Ons sal seker maak die plan werk so goed moontlik en aanpas waar nodig. Hier is jou volledige gids: A. WAT EN WANNEER Hier is die tydlyn vir die volgende tydperk. 18 tot 30 Maart: Vakansie 31 Maart tot 3 April: Leerders werk aan die opdragte wat reeds per e-pos of hand gegee is deur onderwysers. Van die opdragte bv. die boekverslae gaan langer neem en hoef nie teen 6 April voltooi te wees nie. Indien daar enige vrae oor die werk is, kan ‘n e-pos aan die betrokke onderwyser gestuur word of ‘n vraag kan op Google Classroom gevra word. Die onderwysers sal binne 24 uur jou/jou kind se vraag beantwoord. Leerders moet asb. teen 1 April inteken op Google Classroom. Vanaf 6 April tot die skool weer fisies begin: Afstandonderrig via Google Classroom. Die kurrikulum gaan so normaal moontlik voort. ’n Spesiale rooster gaan opgestel word aangesien die hele graadgroep elke...

Lees Verder

Akademiese aktiwiteite tydens die vakansie

17 Mar, 2020 | ,

As gevolg van die onverwagse lang vakansie, het die onderwysers aktiwiteite per e-pos aan ouers uitgestuur (party grade het hardekopieë in rapporte gesit) vir leerders om in die vakansie te doen. Indien jy dit nie ontvang het nie, kontak gerus jou kind se graadhoof of...

Lees Verder

Paspoortprojek

17 Mar, 2020 | ,

Om met die geskenbewyse af te skop gaan ons aan die broer-en-broer/suster spanne wat so goed gevaar het, die eerste geskenkbewyse gee. Daar sal R50 op julle elkeen se naam by die snoepie gelaai word. Gaan spandeer dit na hartelus en onthou om die rommel in die herwinningsdrom te gooi. · Gerhard Conradie Gr.1 & Chrystal Conradie Gr.4 · Stella Pansegrouw Gr.2 & Gustav Pansegrouw Gr.5 · Dietz Punt Gr.3 & Heinke Punt Gr.6 Hierdie ‘broer-en-suster’ of ‘broer-en-broer’ spanne het almal 5 of meer aktiwiteite in die eerste kwartaal voltooi. Welgedaan Jannies! Dit lyk sommer asof julle hope pret gehad het. Die vakansie en afsonderingstydperk is ‘n gulde geleentheid om van die items op die lys te voltooi en aktiwiteite as ‘n gesin saam te doen. Bly veilig en sien julle na die onverwagte lang vakansie Kliek op die foto vir meer...

Lees Verder

Vakansiesorg 19 & 20 Maart 2020

16 Mar, 2020 | , ,

Aandag alle ouers Neem hiermee kennis dat as gevolg van die COVID-19 virus, die skool Woensdag, 18 Maart, sluit. Die nasorgpersoneel (Dolinda, Susan, Ursula en Rose) sal Donderdag en Vrydag van 07:30 – 17:30 die vakansiesorg oorneem. Lorraine van Vuuren, die vakansiesorg juffrou, sal Maandag, 22 Maart, weer voortgaan met vakansiesorg. Geen inskrywings is nodig vir hierdie twee dae nie, ouers kan net hul kinders stuur. Tariewe is soos volg: R130 per dag per kind Ouers kan kontant betaal. Indien ’n ander wyse van betaling versoek word, kan dit met Dolinda by nasorg gereël word. Groete,...

Lees Verder

Koronavirus (COVID-19)

13 Mar, 2020 | ,

Liewe ouers, Die Koronavirus domineer die nuusopskrifte en die situasie is onvoorspelbaar. Ons wil julle gerusstel dat ons sake noukeurig monitor. Sosiale media is vol gerugte, verkeerde inligting en vals nuus wat teenproduktief en alarmisties is. Ons doen ‘n beroep op ons ouers om gesonde verstand uit te oefen en om op hoogte te bly van die neigings en verwikkelinge uit betroubare bronne soos die Wêreldgesondheidsorganisasie. Ons Beheerliggaam het verder op die volgende stappe besluit: 1. Ons gaan baie strenger optree oor die implementering van die leerders se higiëne. Alle waskommetjies en handdoeke is verwyder en ons implementeer beste praktyk handwas vir die kinders en personeel. Alle klasse word vandag met handdoekpapier voorsien vir gebruik na handewas en ons het hoë alkohol handreiniger bestel wat volgende Woensdag afgelewer word. Dit sal in alle vertrekke aangewend word en volgens ‘n skedule gebruik word. 2. Fisiese kontak soos handskud, “high-fives” en drukkies moet sover moontlik vermy word. 3. Ons implementeer streng higiëne rakende die personeel. 4. Personeel ontvang tans opleiding in verdere voorsorgmaatreëls. 5. Personeel gaan leerders op voed in die moets en moenies wat gepaardgaan met die Koronavirus. 6. Alle sosiale en groepsbyeenkomste wat tot 12 April beplan was, word uitgestel. Byeenkomste wat uitgestel word tot verdere kennisgewing is Jannies Talent, Saalbyeenkomste, Oupa-en-Oumadag by Huppelland, die Kaperjolle, die graad 6-kamp en enige ander uitstappies). 7. Sportafrigting word aangepas om kontak...

Lees Verder

Registrasie van leerders vir Winter buitemuurse program

13 Mar, 2020 | ,

Baie dankie aan almal wat reeds die registrasie vir hul kinders vir die Winter buitemuurse program voltooi het. Meer as die helfte van die skool se leerders het aangedui dat hulle aan wintersport gaan deelneem. Indien jy nog nie jou kind/ers geregistreer het nie, volg asb. die skakel en doen dit teen Vrydag, 13 Maart om 13:00. REGISTRASIE VIR WINTER...

Lees Verder

Paspoortprojek

12 Mar, 2020 | ,

Dankie vir al die foto’s wat ons tot op hede ontvang het. Ons Jannies reis heerlik rond in ons pragtige stad. Onthou om jou foto’s voor 18 Maart in te stuur om in aanmerking te kom vir die eerste 3 snoepie geskenkbewyse. Die Paspoort-deelnemers wat in aanmerking kom vir hierdie prys, is almal wat 5 of meer aktiwiteite in die kwartaal voltooi het. Vir enige navrae, stuur ‘n epos aan: jvrpaspoort@gmail.com Kliek op die foto vir meer...

Lees Verder

Skooltye volgende week

11 Mar, 2020 | ,

Die skool kom volgende week Maandag en Dinsdag die gewone tyd uit. Daarna is die tye as volg: Woensdag, 18 Maart 2020: Gr.1-3 – 12:45 Gr.4-7 – 13:00 Bus – 13:05 Donderdag, 19 Maart 2020: Gr.1-3 – 12:45 Gr.4-7 – 13:00 Bus – 13:05 Vrydag, 20 Maart 2020 Almal –...

Lees Verder

Kaperjolle – 4 April 2020

11 Mar, 2020 | ,

Liewe ouers Met die vakansie wat voorlê, is almal verlig die eerste kwartaal is amper verby. Ons skop die tweede kwartaal af met ‘n heerlike kuierdag vir alle ouderdomme. Kry solank alles in plek om ‘n sorgvrye dag te kan geniet. Daar sal verskeie items op Karri vooraf te koop wees om vir ons as OOV ‘n beter aanduiding te gee van getalle en om rye op die dag by kaartjieverkope te beperk. Die dag vind op die Laerskool Jan van Riebeeck skoolterrein plaas. Soos verlede jaar sal daar verskillende areas wees vir verskillende ouderdomme. Vanjaar sal daar ook ‘n kroeg beskikbaar wees. Ons dranklisensie kom met baie streng voorwaardes. Geen kinders sal in die kroeg toegelaat word nie en geen ouer mag die veld verlaat met hulle drankies nie. Ys sal heeldag daar te koop wees teen R30/sak. Toegang gaan slegs geskied by die Nuwe Kerkstraat ingang (by inry hek). Alle ander hekke gaan gesluit wees op die dag vir sekuriteitsredes. Die hekke sal oop wees van 12:00 tot 19:00. Ouers se kuierarea gaan op die veld wees. Daar gaan heerlike musiek wees, tente met tafels en ‘n kroeg met ‘n paar verrassings om na uit te sien. As jy wil verseker dat jy ‘n tafel het om heeldag by te sit, kan jy dit vooraf op Karri bespreek. Daar sal ook onbespreekte tafels beskikbaar wees waar jy...

Lees Verder

Liewe Aarde

11 Mar, 2020 | ,

Baie geluk aan ons Jannies van die week, Dietz Punt in Graad 3DG en Heinke Punt in Graad 6W. Dankie dat julle so getrou herwin! Geniet die R100 geskenkbewys van Col’Cacchio. Goeie nuus: Ons kan van kwartaal 2 af weer riffelkarton by die skool herwin! Die organisasie wat die riffelkarton oplaai vir herwinning het laat weet dat die markwaarde daarvan ‘n bietjie gestyg het, en dit nou weer vir hulle die moeite werd is. Ongelukkig kan papier en gladde karton steeds nie herwin word nie, net riffelkarton (“corrugated cardboard”). Die herwinningshouers sal van kwartaal 2 af weer oop...

Lees Verder