Skrywer: Megan Zondagh

Swemgala: 11 Oktober 2024

Swemgala: 11 Oktober 2024

17 Okt, 2024 |

Die eerste swemgala van die seisoen het op 11 Oktober 2024 by ons skool plaasgevind. Die gees was hoog en die Jannie-swemmers het ongelooflike resultate gelewer. Hier onder volg die resultate van die dag. Ons is opgewonde om te sien wat die res van die seisoen inhou. ...

Lees Verder
Redenaars is hier!

Redenaars is hier!

17 Okt, 2024 | , ,

Dit is weer tyd vir redenaars! ATKV het 2025 se temas bekend gemaak. Indien jou kind (Gr. 1 – 7) aan die redenaarsprogram van 2025 wil deelneem, maak asseblief seker jy is deel van die WhatsApp-groep in die Laerskool Jan van Riebeeck Community teen Maandag, 21 Oktober. Alle belangrike kommunikasie en reëlings gaan daar plaasvind. Sluit hier aan: REDENAARS (LS...

Lees Verder

Program: Kultuurweek 14-18 Oktober 2024

11 Okt, 2024 | ,

Ons sien uit na ‘n opwindende week van musiek, teater, en kuns by Laerskool Jan van Riebeeck. Nie net het ons ten doel om die kinders aan meer kuns en kultuur bloot te stel nie, maar is ons visie ook om die leerders te inspireer en ‘n waardering vir die kunste reeds op ‘n jong ouderdom te begin kweek. Die kultuurprogram sluit onder andere teaterproduksies en ‘n konsert deur die Kaapse Philharmoniese Orkes in – sonder twyfel ‘n verreikende belewenis wat vir ons leerders wag! Die kultuurweek bied ook die ideale geleentheid vir ons leerders om hul éie talente ten toon te stel by ons Laerskool Jan van Riebeeck Kunsuitstalling en Kultuurkonserte. Sien asseblief die program hieronder vir meer inligting. Kultuurweek...

Lees Verder

Unisa klaviereksamens: Uitslae

11 Okt, 2024 | ,

Ons leerders het puik presteer in die Unisa klaviereksamens wat in September plaasgevind het. Ons wens hul baie geluk met hul toegewyde werk en besonderse deursettingsvermoë.   Ella van der Walt / Voorgraad 1 / 91% Eliana Greef / Voorgraad 1 / 70% Ella Grey / Gr.1 / 80% Lukas Venter / Gr.1 / 90% Antjie Samuel / Gr.1 / 92% Olivia Blackmore / Gr.1 / 88% Frank van der Walt / Gr.2 / 57% Neill Ferreira / Gr.2 / 76% Daniella Boshoff / G.2 / 74% Karu Rademeyer / Gr 2 / 87%  Stella Zulch / Gr.3 /...

Lees Verder

Tennisnuus

11 Okt, 2024 | ,

Op Saterdag, 5 Oktober, het ons O.13A-tennisdogters deelgeneem aan ‘n tennistoernooi wat deur Laerskool Brackenfell aangebied is. Agt skole het in die toernooi deelgeneem, met Laerskool Brackenfell, Welgemoed en Stellenbosch in ons groep. Ons dogters het teen Laerskool Brackenfell en Welgemoed gewen en teen Laerskool Stellenbosch verloor. Die top twee skole van elke groep het na die semi-finaal deurgedring. Ons span het daarna teen Laerskool Durbanville 11-6 gewen, en in die finaal teen Laerskool Paarl Meisies 12-4 oorwin. Ons dogters het met ‘n eerste plek getriomfeer....

Lees Verder

Geagte Ouers / Voogde – 11 Oktober 2024 

11 Okt, 2024 | ,

Moeder Natuur het heel moontlik van die jaarlikse lenteweer vergeet en met die aanbreek van Oktober-maand vir ons die langverwagte warmer dae sommer in ‘n japtrap gebring. Ek is seker ons almal geniet die pragtige sonskyndae wat na die lang wintersdae sommer ons gemoedstoestand ophelder en energievlakke laat styg. Op Vrydag, 04 Oktober, het ons die gewilde ‘Oupa- en Oumadag’ in die saal vanaf 09:30 aangebied. Die inspirerende motiveringspraatjie van ons gasspreker, naamlik die bekende aktrise Lindie Strydom, het die dag verder gekomplimenteer. Haar treffende boodskap versoek ons as volwassenes om die lewe meer eenvoudig te maak, want ons is so geneig dat alles mos gekompliseerd moet wees. Ek dink die mensdom is al so gekondisioneer dat al is iets eenvoudig en maklik oplosbaar, kan ons dit nie meer raaksien of aanvaar nie en dan voeg ons mos allerhande ‘goed’ by, want dikwels in ons gedagtes moet die lewe mos moeilik wees. Ek wil dus by haar aansluit om ‘dinge’ meer in eenvoud te sien, ons hoef dit nie so moeilik vir onsself en almal om ons te maak nie. Sit jou dankbaarheidsbril op en ervaar ‘n nuwe wêreld van waardering!  Ek is so dankbaar vir ons leerders se grootouers wat van heinde en verre gereis het om die spesiale dag met hul kleinkinders te deel. Ek het ook tydens my bedankingsgesprek genoem dat hulle nooit die belangrike rol...

Lees Verder

Pleziermarkt: Junior en Senior kore

11 Okt, 2024 | ,

Ons kore tree eerskomende Saterdag by die Pleziermarkt te Hoërskool Jan van Riebeeck op.   Kore arriveer: 10h45  Optrede begin: 11h30 – 12h15 (ongeveer) by die amfiteater Oefenlokaal: Koorlede sal na die oefenlokaal geneem word sodra hulle arriveer. Kleredrag: Soos vir Weskus Koorfees Kaartjies: Koorlede gaan verniet in sonder ’n kaartjie. | Elke koorlid ontvang EEN gratis kaartjies vir ’n ouer/voog om hom/haar na die optrede te vergesel. Hierdie kaartjies word vir die leerders op Vrydag, 11 Oktober, uitgedeel.   Kontak gerus vir juf. Rolene indien daar enige vrae of onsekerheid...

Lees Verder

Kultuurweek: Junior – en Senior Kooroptredes

11 Okt, 2024 | ,

Die Junior – en Senior kore tree die komende week by twee geleenthede tydens die Kultuurweek op. Sien asseblief verdere detail rakende hierdie konserte:   15 Oktober | JvR Bedankingsfunksie (Ongelukkig word geen ouers toegelaat om hierdie optrede by die woon nie)   Ons wil graag spog met ons kore!   JUNIOR KOOR   Aanmeld: 18h30 | Optel: 19h30 Lokaal: Sal bevestig waar leerders moet aanmeld Kleredrag: Soos vir Weskus Koorfees   SENIOR KOOR Aanmeld: 18h15 | Optel: 19h45 Oefenlokaal: Nasorg Kleredrag: Soos vir Weskus Koorfees   * Maak asseblief gebruik van die agterste hek en parkering wanneer leerders afgelaai en opgetel word. Die voorste parkeerarea word vir gaste gebruik.   17 Oktober | ISF Kultuurkonsert (18h00-19h15)   SENIOR KOOR Aanmeld: 17h15 Lokaal: Nasorg Kleredrag: Soos vir Weskus Koorfees   Ons nooi ouers, familie en vriende uit om hierdie konsert saam met ons te kom geniet!   18 Oktober | GF Kultuurkonsert (08h00-09h00)   JUNIOR KOOR Aanmeld: 07h45 Lokaal: Nasorg Kleredrag: Soos vir Weskus Koorfees   Ons nooi ouers, familie en vriende uit om hierdie konsert saam met ons te kom geniet!   Kontak gerus vir juf. Rolene indien daar enige vrae...

Lees Verder

Dissipline

10 Okt, 2024 | ,

Respek is een van ons kernwaardes by Laerskool Jan van Riebeeck. Ons fokus op positiewe versterking en poog om die leerders te lei om daagliks hierdie waarde tydens alle skoolaktiwiteite (klas, speelgrond, kampe, uitstappies, wedstryde) uit te leef. Oor die algemeen leef ons Jannies hierdie waarde daagliks uit, maar daar is tog enkele leerders wat moet besef dat hul aksies spesifieke gevolge het. Ons was ongelukkig genoodsaak om ‘n dissiplinêre proses op te stel in die geval waar ‘n leerder herhaaldelik oortree en nie gehoor gee aan vermaning nie. In so ‘n geval sal die registeronderwyser in die vervolg ‘n vorm oopmaak vir die spesifieke leerder sodat die oortredings deeglik aangeteken kan word. Indien die leerder se gedrag nie verander nie, sal die ouer/voog ‘n e-pos eers van die registeronderwyser en op ‘n latere stadium, indien nodig, van ‘n dissiplinekomiteelid ontvang. In hierdie e-pos sal die ouer/voog ingelig word van ‘n oortreding(s) en hul ondersteuning en hulp sal ook versoek word. Op hierdie stadium sal mnr. Beets die vorm onderteken en hy of die komiteelid ‘n gesprek met die leerder voer. Die leerder sal as straf ‘n tweede pouse (sal wel tyd kry vir eet en badkamer toe gaan) verbeur of ontneem word van ‘n skoolaktiwiteit bv. ‘n uitstappie of sportwedstryd. In uitsonderlike gevalle sal ‘n vergadering met die ouer(s)/voog(de), registeronderwyser, mnr. Beets en ‘n dissiplinekomiteelid belê word. Tipiese...

Lees Verder

Geagte Ouers / Voogde – 04 Oktober 2024 

4 Okt, 2024 |

‘Dit is die maand Oktober, die mooiste, mooiste maand!  Dan is die dag so helder, so groen is elke aand,   So blou en sonder wolke die hemel heerlik bo,  So blomtuin-vol van kleure  Die asvaal ou Karoo.’  So beskryf die bekende digter, C. Louis Leipolt, die mooiste en magiese maand van die jaar in die tweede strofe van sy bekende gedig. Oktober bring beslis nuwe hoop vir veld, dier en mens. Dit is die tydperk wanneer blomme in volle mag blom en die landskap word omskep in die pragtigste kleure en geure. Die koue dae van die winter is veronderstel om iets van die verlede te wees, maar so ken ons die Moederstad wat dikwels vier seisoene in ‘n enkele dag kan akkommodeer. Ek glo dat die warmer dae almal se gemoedstoestand sal opkikker en ons die laaste kwartaal met hernieude energie kan aanpak. Sien gerus die clivia-plante in ons skooltuin wat besig is om te blom. Hierdie pragtige blomplante is inheems aan Suid-Afrika en word dikwels in skaduryke plekke gesien. Hul oranje blomme bring kleur aan ons skoolterrein.  Dus is dit my ‘n wonderlike voorreg om al ons leerders, ouers/voogde en personeel terug by die skool te verwelkom na ‘n heerlike kort en koue September-vakansie. Ek hoop almal het die vakansie geniet. Dit was so lekker om heelwat Jannies en hul ouers gedurende die vakansie in George raak...

Lees Verder

Top Schools Tennistoernooi

4 Okt, 2024 | , , ,

Ons Skool se 1ste tennisspan maak geskiedenis! Met groot trots deel ons die opwindende nuus dat ons skool se 1ste dogters tennisspan vir die eerste keer deelgeneem het aan die gesogte Top Schools Tennistoernooi. Hierdie toernooi wat vanjaar plaasgevind het bring die beste skole van regoor Kaap se streek bymekaar. Vanaf die oomblik dat ons spelers die baan betree het, het hulle ‘n sterk gees van samewerking en uithouvermoë getoon. Teen strawwe kompetisie het hulle elke wedstryd met passie aangepak en het hulle elke keer die skool se naam met trots verteenwoordig. Met elke stel het hulle beter en sterker gespeel, ons is trots op ons dogters. Ons span hul beste pogings ingespan en daarin geslaag om ‘n oorwinning te behaal wat hulle verseker het van ‘n 5de plek. Uitslae beloop soos volg: JVR vs. Hendrik Louw, gelykop gespeel en met ń super tiebreaker verloor. JVR vs. Gene Louw, wen 6-0 JVR vs. Durbanville, 6-2 Ons spanlede, insluitend Amelie van der Walt, Stella Pansegrouw, Jeanne van Heerden en Ané Swanepoel het ongelooflike vaardigheid en deursettingsvermoë getoon op die baan. Hierdie merkwaardige prestasie is nie net ‘n bewys van die talent van ons spelers nie, maar ook van die toewyding van ons afrigters en ondersteuning van ouers. Ons sien uit daarna om hierdie momentum vorentoe te neem en volgende jaar nog hoër te mik! Baie geluk aan ons span, julle...

Lees Verder