Skrywer: Megan Zondagh

Maandagoggend, 09 September, kon seker nie op ‘n beter wyse afgeskop het nie met al die tasbare opwinding en energie nog steeds in die lug na afloop van die magtige Springbokke se puik oorwinning hier op tuisbodem teen die legendariese All Blacks. Ek glo dat almal wat die wedstryd gaan kyk het, sal saamstem dat die opbou na die wedstryd, die ‘gees’ aan die buitekant van die ikoniese stadion, die groot getal mense wat vanaf vroegoggend in groen en goud oral in die Moederstad geklee was, die ongelooflike ‘gees’ wat net ‘n rugbytoets kan bewerkstellig, was eenvoudig die beste ervaring ooit. Behalwe dat ons gewen het, kry dr. Rassie en die Bokke dit werklik reg om Suid-Afrikaners oor verskillende kulture te herenig asook om belangrike nasietrots te bou. Ek dink julle sal saamstem dat hulle die beginsel van veerkragtigheid, vasberadenheid en spanwerk verpersoonlik. Ek bewonder Rassie en sy bestuurspan se toewyding tot inklusiwiteit en transformasie in SA Rugby. Ek glo nie daar is tans ‘n kragtiger daad om versoening en eenheid binne ons pragtige land te bewerkstellig nie. Ons het dit so nodig gehad dat Springbokrugby herenigde volksbesit word.  Week 10 sluit op ‘n baie hoë noot af met die gala-aand van die skoolkonsert wat op Donderdag, 12 September, plaasgevind het. Kwartaal 3 is alreeds gekenmerk met soveel sukses en hoogtepunte, maar die skoolkonsert het die spreekwoordelik kersie op...

Lentedag het ons vanjaar aangenaam verras met pragtige sonskynweer. Daar is vir seker min plekke in die wêreld wat so mooi soos die Moederstad op ‘n sonnige lentedag is. Die lug en die see lyk sommer baie blouer en met Tafelberg, Seinheuwel en Leeukop in die agtergrond, is dit beslis sielskos vir enige mens se gemoed na ‘n lang en bitterkoue winter. Met die aanbreek van die konsert het ons ook aan die einde van ‘n lang, maar suksesvolle wintersportseisoen gekom. Al het daar die afgelope seisoen verskeie van die wedstryde as gevolg van die gure weer uitgereën, is daar vanjaar ‘n fenomenale totaal van 743 wintersport-wedstryde gespeel. Dit is 157 wedstryde meer as gedurende 2023 en 215 wedstryde meer as 2022. Die deelname van leerders aan die drie wintersportkodes (netbal, rugby en hokkie) het vanaf 448 vir 2023 na 464 in 2024 gegroei. Hierdie insiggewende statistieke spreek vanself dat die sportkantoor onder leiding van mnr. Leon weereens uit hul pad gegaan het om seker te maak ons leerders kry genoeg geleenthede om aan wedstryde en toernooie deel te neem. Baie geluk aan ons o/13A-dogtershokkiespan en ons o/7A-seunshokkiespan wat die seisoen onoorwonne afgesluit het. Baie geluk aan die kaptein van ons eerste dogtershokkiespan, Hila Hertzog, en hul afrigters mnr. Leon en juf. Suné met die merkwaardige prestasie. Sien gerus hier onder insiggewende grafiese voorstellings om te toon hoe sport...

Ons het inligting ontvang rakende ‘n nuwe video-oproep platform wat die rondtes doen en leerders, veral tieners, moontlik in groot moeilikheid kan laat beland. Kyk asseblief na die onderstaande skakels vir meer inligting: Vier leerlinge geskors na ‘rassistiese’ Tik-Tok-video ‘Omegle’/Omi-TV – Praat met vreemdelinge (Toep) Video-voorbeeld Omi...

Hou gerus hierdie datum in Ouma en Oupa se kalender oop: Vrydagoggend, 4 Oktober, om 9:30 in ons skoolsaal.   Kaartjies sal vanaf volgende week op Karri beskikbaar wees.   

Kontak my gerus indien daar enige vrae is. Ons sal weer kommunikasie nader aan die tyd stuur. Vriendelike groete, Rolene van Zyl

Op Saterdag, 21 September, bied ons tweetalige keramiekklasse vir kinders aan, waar hulle die kans kry om hul gunsteling hond te beeldhou. Dit is ‘n prettige en kreatiewe ervaring onder die leiding van die museum se keramiekkunstenaar, Tania Babb. Bespreek kaartjies hier:...

Daar sal geen musieklesse op Maandag, 2 September, plaasvind nie. Maandag gaan die kinders en onderwysers volkome fokus op die kleedrepetisie en finale voorbereiding vir die skoolkonsert. Ons gaan Dinsdag, 3 September, weer voort met musieklesse. Kontak my gerus indien daar enige vrae is. Rolene van...

Bestellings kan nou op Karri plaas word. Fotograaf:  Annene van Eeden neem foto’s van die konsert (voor en tydens die kinders op die verhoog is). Bestellings kan teen R150 per gesin op Karri geplaas word. Videograaf: Daar word ook ‘n video deur Epitome van die konsert gemaak. Bestellings kan teen R180 per gesin op Karri geplaas word. BELANGRIK: Maak asb seker dat  jy slegs een keer vir jou gesin bestel. M.a.w. een betaling vir foto’s en een betaling vir die...

Goeiedag ouers en personeel. Madri en Felicity by die nasorg wil graag vir die ouers ‘n toesig geleentheid bied tydens die konserttyd vanaf 17:15 tot en met 18:00 teen R100 per leerder, per aand. Hulle sal sorg dat leerders ‘n ete kry soos vetkoek en sop of ‘n boereworsrolletjie. Die leerders sal skoon en netjies 18:00 na hul klasse toe geneem word. Indien jul belangstel kan julle gerus vir Madri kontak by 0712876579....

Ons is uiters trots op die leerders van HS JvR wat hul skool in leierskapposisies verteenwoordig.  Dis die oud-Jannies waarop ons in besonder verheug is!   Graad 9 VRL:  Carmen Barnard, Johan Symington, Jan-Willem Silvis, Stella Lamprecht en Katia van Wyk. Graad 10 VRL: Cara Swanepoel, Albert Griesel en Helene Greeff. Graad 11 VRL: Daniel Wasserman, Luca Zulch en Fredrich Erasmus. Graad 12 Leerderraad: Roelf v.d. Merwe, Stella Malan, Christian Viljoen, Kianna-Gro Liversage,  Emma Bartel (onderhoofdogter) en Lara-Lisa Senekal (hoofleier en...

Kliek hier of op die foto vir meer inligting.