Kategorie: Algemeen

Die Departement van Basiese Onderwys het op 1 Junie 2025 fase V van die BEEI (voorheen PYEI) projek uitgerol. Ons skool het 3 assistente aangestel – een in die sportkantoor, een in die adminblok en een assistent wat met skoonmaak help. Ons wil hulle graag aan almal voorstel:

Mohamad Toureeq Daniels – Mohamad het laas jaar by die Duitse Skool gematrikuleer en oorweeg dit om verder in die onderwys te studeer. Hy is ’n atleet wat WP-kleure in twee sporte het, naamliks handjietennis en spiesgooi. Mohamad gaan in die sportkantoor uithelp.

Unathi April – Unathi is ’n CPUT-student wat tans ’n diploma in bestuur studeer. Sy is in haar finale jaar en gaan hierdie geleentheid as ’n internskap gebruik sodat sy die praktiese gedeelte van haar studies kan voltooi. Unathi gaan in die adminblok werksaam wees.

Musfeeqah Ely – Musfeeqah is ’n ma van drie en het al by verskeie plekke as ’n algemene werker gewerk. Sy is opgewonde om weer te werk en help ons skoonmaakspan om die gebou mooi skoon te hou.

Baie welkom aan al 3 by ons skool! Hulle is tot einde November by Laerskool Jan van Riebeeck en ons glo dat hulle waarde gaan toevoeg en baie gelukkig by ons gaan wees.

Liewe Ouers

Ons wil julle graag laat weet dat ons volgende week ‘n voorraadopname van al die boeke in die Mediasentrum gaan doen. Daarom sal leerders van hierdie week af ongelukkig nie meer boeke mag uitneem nie.

Leerders is steeds welkom om die Mediasentrum te besoek en boeke daar te lees. Die uitneem van boeke sal weer beskikbaar wees vanaf die begin van die volgende kwartaal.

Baie dankie vir julle begrip en samewerking.

Vriendelike groete

Juf. Marecia van Zyl

Dear Parents 

We are very pleased to introduce you to the Karri Card. 

A Mastercard for students 

The Karri Card is an innovative and secure way for parents to manage their child’s spending. Children get their name on a bank card and parents get peace of mind through transaction information and controls.  

Parents can top-up instantly, block lost cards, reset forgotten PINs and receive spending alerts in real time. Students can pay at South African merchants that accept Mastercard – perfect for purchases at school and beyond!  

In addition, the Karri Card provides simplicity and control not offered by a normal bank card: 

• Sign up easily without the need for a birth certificate 

• Set daily spending limits 

• Rest easy knowing inappropriate merchants such as gambling vendors and liquor retailers are blocked (T&Cs for details) 

• Multi-parent functionality which allows both parents to manage cards 

Spend. Win. Give: When a child spends any amount on their Karri Card, they stand to win R1,000 for themselves + R1,000 for a local charity of their choice (T&Cs apply). 

Opt in process: Parents who would like a Karri Card will have the option to opt-in via a Karri collection. Please pay for the collection before the closing date to get your card on the distribution day. 

Fees: Monthly card fees are R39pm for 1 card, R68pm for 2 cards, or R87pm for 3 cards (Incl. VAT). The first month will be billed upfront when opting in. A 2.5% instant top up fee applies. 

Card distribution: Cards will be handed out in class or available at reception on the distribution day. Distribution will take place within about 5 working days after the collection closes. Parents will receive an email when cards are ready. 

SA ID required: Due to local regulations, the Karri Card can only be activated by a parent with a SA ID number. Karri is working to offer the card to international parents in the future.  

Karri support: Karri’s customer support channels are active during office hours on + 27 (0)21 300 1867 or support@karri.co.za. Alternatively, make use of the support chat in the Karri app. 

Together we can build smart money habits for the next generation. 

Jan Kas sal vanaf nou tot die einde van die kwartaal op Dinsdae en Donderdae vroeër oop wees.

???? Dinsdae en Donderdae

???? 12:30 – 13:30

Bella Malan (Graad 5) het op Saterdag, 31 Mei, aan die Kaapse Gimnastiek-distrikskompetisie deelgeneem en ‘n silwermedalje verower. Sy is ook gekies om die distrikspan te verteenwoordig by die WP-byeenkoms, wat van 26 tot 29 Junie in Saldanha plaasvind.

Baie geluk, Bella!

Die musiekleerders het uitsonderlik presteer in die Solosang-afdeling van die Kaapse Afrikaanse Eisteddfod.

Ons is ongelooflik trots op elke leerder wat deelgeneem het. Baie geluk aan almal wat hulself met soveel selfvertroue en grasie voor ’n gehoor en mede-deelnemers gehandhaaf het.

Baie, baie geluk aan elkeen van julle – ons is werklik trots!

Prestasies:

• Jean Jacques Rossouw – Hoogste Lof

• Noa Rademan – Hoogste Lof

• Christina du Toit – Lof

• Dirkie van Eeden – Eervolle Vermelding

• Kitty Partner – Goue Diploma (Onderskeiding)

• Coreen Scholtz – 3× Goue Diploma (Onderskeiding)

• Pieter Rademeyer – Hoogste Lof, 2× Lof

• Alida Loubser – Hoogste Lof

• Rupert Janse van Rensburg – Goue Diploma (Onderskeiding)

• Ella van der Walt – Eervolle Vermelding

• Antjie Samuel – 2× Hoogste Lof, Goue Diploma (Onderskeiding)

• Abigail Fourie – 2× Hoogste Lof, Goue Diploma (Onderskeiding)

Baie dankie aan Mnr. Ben en Mnr. Pieter vir julle uitstekende begeleiding en voorbereiding van die leerders. Ons waardeer opreg julle tyd, toewyding en passie.

Koop gerus ‘n kaartjie op Karri teen R50 pp om die ouergesprek op Woensdagaand, 4 Junie, te Hoërskool Jan van Riebeeck in hul skoolsaal by te woon. Johan Smit is die gasspreker en sal oor grense en dissipline gesels.

Bederf Pa met iets spesiaals hierdie Vadersdag!

Koop ’n geskenkpakkie vir net R60 op Karri.

Moenie dit misloop nie – wys jou waardering met ’n lekker bederf! ????

Ter ondersteuning van ons gr.7-fondsinsameling.

Jacques het die afgelope naweek n goue medalje verower by die FWC II skermkuns (fencing) kompetisie in Kaapstad. Hy was die enigste o.12 seun en moes deelneem teen o.17 seuns wat baie groter en meer ervare was as hy. Ons is baie trots op hom dat hy nie geskroom het om teen die ouer seuns te skerm nie, tenspyte van hoe intimiderend dit moes wees. Hy het goeie punte asngeteken en is toe beloon met n medalje deur die organiseerders as “Beste o12.”

Wel gedaan Jacques! Ons is baie trots op jou.

As gevolg van graad 4 – 7-leerders wat met eksamen begin, eindig die buitemuurse sportprogram die naweek vir hierdie leerders. Die graad 1 – 3’s sal steeds met buitemuurs voortgaan.

Hier volg inligting wat rakende uitkomtye en buitemuurse aktiwiteite tydens die eksamen:

1. Die graad 7’s verdaag reeds op Maandag, 2 Junie, om 13:00 aangesien hulle reeds op Dinsdag, 3 Junie, met hul eksamen begin.
2. Die skool sluit vanaf Donderdag, 5 Junie, vir almal (gr. 1 – 7) om 13:00 aangesien die gr. 4 – 6’e Vrydag, 6 Junie, met eksamen begin. Hierdie uitkomtyd sal geldig wees tot Donderdag, 26 Junie.
3. Interne buitemuurse program sal vanaf 9 Junie tot 18 Junie in werking tree. Dit beteken dat sportoefening sowel as kultuur tydens skooltyd sal plaasvind.
4. Dagprogram tydens eksamen:

7:45 – 10:00 – Eksamen skryfsessie

10:10 – 10:30 – Pouse

10:30 – 12:45 – Buitemuurs (Sport/kultuur) *Ma. en Wo. – Rugby en netbal / Di. en Do. – Hokkie en landloop

13:00 Skool verdaag vir almal

*Tweede pouse – onderwysers sal self besluit wanneer dit plaasvind.