Skrywer: Megan Zondagh

Na afloop van die jaarlikse Interskole wat oor die afgelope naweek tuis teen Laerskool Dirkie Uys plaasgevind het, kan ek nie anders as om spesiale melding daaroor in my weeklikse nuusbrief te maak nie. Die opwinding met die Interskole het op Maandag, 12 Augustus, met die afskop van die Geesweek begin en die spreekwoordelike kersie op die koek was die ‘Groot Brag’ wat Vrydagoggend vanaf 09:00 – 10:00 in die saal plaasgevind het. Vanjaar het die geeskomitee nog ‘groter’ gegaan en almal se verwagtinge oortref met die aanbied van ‘n baie spesiale ‘Groot Brag’. Indien jy gedink het dat ons ‘n ‘Baby Brag’ aanbied, maak jy ‘n groot fout. Die ’Groot Brag’ is met ‘n spesiale video afgesluit waarin al die personeel hul onderskeie dansies en aksies uitvoer as deel van die ‘olimpiese’ geesvang asook om ons leerders sterkte met die Interskole toe te wens. Dit is weereens ‘n bewys van die goeie gees wat onder die personeel heers asook hul omgee-karakter wat baie kosbaar is. Die Hoërskool Jan van Riebeeck was ook deel van hierdie verrigtinge en onder leiding van hul Interskole rasieleiers het ons sommer heerlik in die saal liedjies gesing en behoorlik geesgevang. Baie dankie aan mnr. Rademeyer wat ook die verrigtinge bygewoon het. Na afloop van die voorstelling van ons eerstespanne is daar nog ‘n spesiale video aan ons leerders vertoon waarin verskeie bekende Protea-sportsterre...

Neem asseblief kennis dat die skool Vrydag, 30 Augustus, om 12:00 vir GF en 12:15 vir ISF verdaag.  Dit is die afsluiting van die wintersportwedstryde teen Laerskool Welgemoed (tuis) met die hokkie wat reeds om 13:00 by die skool sal begin.  Netbal en rugby sal Saterdag plaasvind. Hou die programme dop vir meer...

Baie geluk aan die volgende leerders se prestasie tydens die finaal van Podiumpret se redenaarskompetisie: Petronella Gouws (Graad 2): 10de in kategorie Jean-Jacques Rossouw (Graad 2): 23ste in kategorie Ons is baie trots op...

Quicket: Maak ‘n donasie hier Die SA Kinderhuis (SACH) is ons gemeenskap – afgesien daarvan dat die huis net om die draai is van die skool, ken julle baie kinders wat daar is en was. Die sowat 40 kinders in ons sorg word mooi na gekyk deur die wonderlike bestuurspan wat afhanklik is van donateurs en fondsinsamelings. Baie van julle doen reeds jul deel en help waar julle kan daarvoor is ons as die raad, baie dankbaar. Die jaar wou ons iets nuut probeer en ons wil graag ons Jannies-skoolouers ook daar hê (en bring almal wat lekker is saam). Okay ja, dit is ‘n persoonlike versugting om weer saam met lekker mense ‘n dansvloer vol te pak, te eet en te kuier. Daarom hou ons ‘n disco op Media24 se besonderse Nasdakvenue saam met Kaapstad se top-geleentheidsorganiseerders XL Events en internasionale DJ Marné (wat ook weet hoe om middeljariges aan die gang te kry). Dis Vrydag die 6de September (die Bokke speel die volgende dag). TV-sjef Herman Lensing se span gaan heerlike kos maak en daar sal genoeg borrels, wyne en biere wees. Dis alles ingesluit. Die borge help sodanig dat omtrent jou hele kaartjieprys na SACH toe kan gaan. Baie mense vra of ons gaan aansit vir ete: Nee, dis ‘n informele storie – maar jy gaan gemaklik kan sit of staan en eet. En jy kan...

Alle Senior Koorlede moet asseblief Dinsdagoggend, 27 Augustus, teen 07h00 by die skool wees om op te warm voor hul optrede by die saalbyeenkoms. Laat weet asseblief vir juf. Rolene indien daar koorlede is vir wie dit nie moontlik is om vroeër by die skool te wees nie. Baie...

Abi Fourie het op 9 Augustus WP-kleure vir Ritmiese Gimnastiek ontvang. Baie geluk, Abi! Sy gaan in September die Wes-Kaap verteenwoordig by die Suid-Afrikaanse kampioenskappe. Ons is baie trots op jou!

Volg die skakel hier onder vir die volledige program: https://bit.ly/interskoleprogramaug24

Die jaarlikse interskolestryd tussen die Laerskole Jan van Riebeeck en Dirkie Uys is weer op hande. Dit is dan my eer om al ons besoekers vanaf Moorreesburg hier in die pragtige Moederstad hartlik te verwelkom. Ons wens vir julle ‘n wonderlike interskole-ervaring toe en by voorbaat dankie aan ons skoolgemeenskap wat ons besoekers met ope arms sal ontvang.  Dus het week 6 van die akademiese kwartaal tradisioneel met die ‘Geesweek’ afgeskop as deel van die jaarlikse Interskolebyeenkoms. Om gees te vang het ons vir elke dag die afgelope week ‘n spesifieke tema gehad en dit sluit die volgende in:  Maandag, 12 Augustus:  Ouma- en Oupadag  Dinsdag, 13 Augustus:  Olimpiese Spele  Woensdag, 14 Augustus:  Bloudag met die wedstryde tussen Onnies en Ouers/voogde  Donderdag, 15 Augustus:  Country vs Country Club  Vrydag, 16 Augustus:  Oranjedag, ‘’Groot Brag’’ en hokkiewedstryde  Saterdag, 17 Augustus:  Rugby- en netbalwedstryde  Die interskole is vir seker ‘n wonderlike tyd van die jaar vir die leerders daarom het hulle behoorlik die afgelope week geesgevang en getrou elke dag volgens die bogenoemde temas aangetrek. Ons weet die mededinging tydens die interskole gaan fel wees daarom wil ek by voorbaat ons ouers/voogde bedank vir hul onvoorwaardelike ondersteuning asook die daarwees wanneer daar gewen word, maar belangrik ook as daar verloor word. Mag ‘n gunstige tellingbord bloot ‘n meevallertjie wees. Verloor is nooit lekker nie, maar soos ek gereeld tydens die saalbyeenkomste vir ons Jannies...

Neem asseblief kennis dat Jan Kas-tye aangepas is en vanaf Maandag, 19 Augustus, gevolg sal word.  Die nuwe Jan Kas-tye is as volg: Maandag & Woensdag: 07:00 – 08:00 Dinsdag & Donderdag: 13:30 – 14:30 Spaar tyd en koop aanlyn! https://jankas.jvr.digital/koop/ Items wat aanlyn gekoop word, word by jou kind se klas...

Die tyd stap nader en ons is amper gereed om die kaartjieverkope oop te maak! Die kaartjieverkope vir die konsert sal op Maandag, 19 Augustus 2024, open. Hou asseblief die WhatsApp announcement groep dop! Die skakel na Quicket sal daar gedeel...