Kategorie: Kuns en Kultuur

Musiek-ouervergaderings: Kwartaal 2, 2026

20 Maart, 2026 / Kuns en Kultuur, Kuns en Kultuur, Musiek, Nuus

Die Musiekdepartement wil graag ‘n geleentheid skep vir ouers/voogde om hul kind(ers) se musiekonderwyser(s) te ontmoet. Ons wil hierdie tyd gebruik om te gesels oor jou kind se musieklesse en om ook te luister na wat julle graag met ons wil deel. Algemene kwessies soos musiekeksamens, eisteddfods, lestye, oefenroetines en algemene vordering en verwagtinge, is van die belangrike punte wat ons graag wil bespreek.

Ons nooi daarom alle musiekouers uit om enige van jou kind(ers) se musieklesse gedurende Kwartaal 2 by te woon. Julle is ook welkom om ‘n alternatiewe tyd vir ‘n ontmoeting af te spreek.

Kontak gerus jou kind se musiekonderwyser om ‘n datum en tyd vir ‘n ontmoeting te bevestig. Ons sien baie uit daarna om ouers in die musiekdepartement te verwelkom en hoop om almal deur die loop van Kwartaal 2 hier te sien.

Ek lys die musiekonderwysers en kontakbesonderhede:

Koffie-en-Beskuit Konsert: Dinsdag, 17 Maart 2026

12 Maart, 2026 / Kuns en Kultuur, Kuns en Kultuur, Musiek, Nuus

Ons volgende oggendkonsert vind Dinsdagoggend, 17 Maart, in die NASORG plaas.

Die volgende leerders tree op:

Strykensemble – Jacob Venter, Coreen Scholtz, Theo Robson, Anna-Sophia Leach, Morgan Smit

Lukas van der Westhuizen – saksofoon

Antjie Samuel – klavier en viool

Micah Nikiforos – saksofoon

Frannie Samuel – klavier

Samuel Smit – klavier

Emma Kuys – klavier

Matthias Ackerman – klavier

Mathias Barkhuizen – klarinet

Cara Scholtz – klavier

Hier is enkele algemene reëlings rondom die verrigtinge:

* Deelnemende leerders meld stiptelik 07h45 in die Nasorg aan met hul instrument. Juf Bea en/of mnr Ben sal daar wees om hulle te ontvang en te help om instrumente te stem.

* Elke deelnemende leerder bring slegs een maatjie saam om die konsert by die woon. Ons het ongelukkig nie spasie om meer leerders te akkommodeer nie.

* Ouers is welkom om te kom luister – bring gerus koffie saam!

* Gebruik asb die deur by die Nasorg om in te kom – die senior koor oefen in die saal, en ons wil hulle nie steur nie.

Tyd: 08h00 – 08h30

Plek: Nasorg

Junior en Senior Kooroptredes: Kwartaal 2, 2026

12 Maart, 2026 / Koor, Kuns en Kultuur, Nuus

Ons kore werk hard om voor te berei vir die konserte wat gedurende die tweede kwartaal vir ons voorlê. Indien daar optredes bygevoeg word, sal ons julle in kennis stel.

Teken gerus die datums aan en hou die Nuusbrief en betrokke WA-groepe dop vir meer gedetailleerde inligting rakende die spesifieke geleenthede:

Junior Koor

7 Mei HSJvR Reünie Kultuuraand (aandkonsert)

19 Junie GF Musiekkonsert (oggendkonsert by LJvR)

Senior Koor

12 April Passion ChoralFest by Hugo Lambrechts @ 16h00

21 April Fairmont High School Choir Evening (aandkonsert en busvervoer sal gereël word)

7 Mei HSJvR Reünie Kultuuraand (aandkonsert)

18 Junie ISF Musiekkonsert (aandkonsert by LJvR)

Ek herinner graag dat dit verpligtend is vir koorlede om die optredes by te woon, tensy daar vooraf verskoning gemaak is by Juf Bea (junior koor) of Juf Rolene (senior koor). Moenie huiwer om ons te kontak met enige vrae nie – ons help graag!

Koffie-en-Beskuit Konsert: Dinsdag, 10 Maart

5 Maart, 2026 / Kuns en Kultuur, Kuns en Kultuur, Musiek, Nuus

Ons volgende oggendkonsert vind Dinsdagoggend, 10 Maart, in die groot musiekklas plaas.

Die volgende leerders tree op:

Anya Greeff – Klavier

Anton Titley – Klavier

Natalie Lawson – Saksofoon

Bella Naylor – Klavier

Nina de Villiers – Klavier

Ella van der Walt – Klavier

Pierre du Toit en Elsie Janse van Rensburg – Klavierduet

Pierre du Toit – Klavier

Eliana Greeff – Klavier

Daniel Oosthuizen – Klavier

Hier is enkele algemene reëlings rondom die verrigtinge:

* Deelnemende leerders meld stiptelik 07h45 by die groot musiekklas aan met hul instrument. Juf Bea en/of mnr Ben sal daar wees om hulle te ontvang en te help om instrumente te stem.

* Elke deelnemende leerder bring slegs een maatjie saam om die konsert by die woon. Ons het ongelukkig nie spasie om meer leerders te akkommodeer nie.

* Ouers is welkom om te kom luister – bring gerus koffie saam!

* Gebruik asb die deur by die Nasorg om by die musiekklas te kom. Die senior koor oefen in die saal.

Tyd: 08h00 – 08h30

Plek: Groot Musiekklas (Musiekdepartement)

Eisteddfod: Mei 2026

27 Februarie, 2026 / Drama, Eisteddfod, Kuns en Kultuur, Kuns en Kultuur, Nuus

Liewe Eisteddfod-ouers

Ons deel graag dat die Eisteddfod weer hierdie jaar aan die einde van Mei by ons skool sal plaasvind. Die spesifieke datum sal binnekort gekommunikeer word.

Ons leerders presteer elke jaar uitstekend en ons is ongelooflik trots op hulle!

📌 Inskrywings

Vind asseblief die inskrywingsvorm by hierdie skakel:
EISTEDDFOD INSKRYWINGS
Inskrywings sluit op 4 Maart.
Nadat jy jou kind ingeskryf het, sal die betaling op die Karri-toep beskikbaar wees.
Geen laat inskrywings sal aanvaar word nie.
Die koste beloop R120 per item.

📖 Belangrike kennisgewing oor Prosa (vanaf Graad 4)
Leerders wat vir prosa inskryf, moet ’n leestuk uit ’n boek:

Memoriseer
Dramatiseer

Let asseblief daarop dat Kwartaal 2 baie besig is met sport, eksamens en ander aktiwiteite. In die verlede het sommige leerders onttrek omdat hulle nie genoeg tyd gehad het om behoorlik voor te berei nie. Dink dus asseblief mooi voordat jy jou kind vir prosa inskryf.

Drama-groete
Jana

Musiekleerders neem deel aan die South African Flute Festival

19 Februarie, 2026 / Kuns en Kultuur, Kuns en Kultuur, Musiek, Nuus

Drie van ons skool se fluitspelers neem 28 Februarie – 4 Maart aan die South African Flute Festival, wat by Universiteit Stellenbosch se Musiekdepartement plaasvind, deel. Hierdie inisiatief bied die geleentheid om aan meesterklasse by bekende plaaslike fluitonderwysers en die internasionaal befaamde Gareth McLearnon deel te neem, professionele en studente konserte by te woon, om deel te wees van die fluitkoor en ander ensemble geleenthede, en werkswinkels vir onderwysers en leerders by te woon.

Ons is baie trots op Dané Walker, Sophia Jooste, en Jenna Erasmus wat aan hierdie wonderlike geleentheid gaan deelneem. ’n Groot dankie aan juf Lily van der Merwe wat die fluit-leerders inspireer en aanmoedig om hul vaardighede op hierdie inspirerende manier te slyp.

Musiekkonserte: Kwartaal 1, 2026

19 Februarie, 2026 / Kuns en Kultuur, Kuns en Kultuur, Musiek, Nuus

Loer gerus na die datums en tye van volgende week se musiekkonserte. Vra asb. vir Juf Rolene óf jou kind se musiekonderwyser indien daar enige vrae rondom jou kind se deelname aan hierdie konserte is. Ons help graag.

Maandag, 23 Maart

Graad 2: 08h00 – 09h00
Graad 3: 09h15 – 10h10
Graad 7: 10h30 – 11h30
Graad 6: 11h30 – 12h30

Dinsdag, 24 Maart

Graad 4: 08h00 – 08h30
Graad 5: 09h00 – 10h00

Ons nooi alle ouers, familie en vriende uit om te kom luister en saam met ons die kinders se harde werk en vordering te vier.

Indien daar leerders is wat buite die skool musiekles ontvang en graag wil deelneem, kontak my gerus. Die leerders wat by die skool musiekles neem, kry voorkeur, maar ons akkommodeer graag enige leerder wat musiekles buite die skool neem, indien die program dit toelaat.

Koffie-en-Beskuit Konsert: Dinsdag, 24 Februarie

19 Februarie, 2026 / Kuns en Kultuur, Kuns en Kultuur, Musiek, Nuus

Ons eerste oggendkonsert vind Dinsdagoggend, 24 Februarie, in die groot musiekklas plaas. Ons kan nie wag nie!

Die volgende leerders tree op:

Joe Barnard – Klavier

Anna-Sophia Leach – Viool

Jacob Venter – Viool

Mila Maree – Klavier

Deon de Kock – Saksofoon

Benjie Ntloko – Klarinet

Michaela Lawson – Klavier

Christina du Toit – Klavier

Hier is enkele algemene reëlings rondom die verrigtinge:

* Deelnemende leerders meld stiptelik 07h45 by die groot musiekklas aan met hul instrument. Juf Bea en/of mnr Ben sal daar wees om hulle te ontvang en te help om instrumente te stem.

* Elke deelnemende leerder bring slegs een maatjie saam om die konsert by die woon. Ons het ongelukkig nie spasie om meer leerders te akkommodeer nie.

* Ouers is welkom om te kom luister – bring gerus koffie saam!

* Gebruik asb. die deur by die Nasorg om by die musiekklas te kom. Die senior koor oefen in die saal.

Tyd: 08h00 – 08h30

Plek: Groot Musiekklas (Musiekdepartement)

Redenaars: ATKV eerste rondte

19 Februarie, 2026 / Akademie, Kuns en Kultuur, Nuus, Redenaars, Rekenaars

Die afgelope twee weke was daar behoorlik geredeneer! Ons Graad 3 – 7-leerders het met groot entoesiasme aan ons jaarlikse interne redenaarskompetisie deelgeneem en ons oortuig met uiteenlopende en prikkelende onderwerpe – van huiswerk wat dalk eerder die pad moet vat, tot KI wat té veel in sport inmeng, Afrikaanse lirieke wat ons soms in die steek laat en selfs die stelling dat skaak ’n beter opsie as ander buitemuurse aktiwiteite is.

Dit was ’n voorreg om ons leerders se deurdagte menings te hoor en hul selfvertroue en spreekvaardighede op die verhoog te beleef. Hulle het nie net sterk argumente gelewer nie, maar ook gewys dat hulle met respek kan verskil en hul standpunte met oortuiging kan verdedig.

Baie geluk aan die volgende deelnemers wat ons skool met trots tydens die ATKV se eerste rondte in April gaan verteenwoordig:

Pieter-Steph Bothma
Izak Steyn
Lua Groenewald
Pieter Derksen
Henry Jordaan
Christina du Toit
Amalie Janse van Rensburg
Mia Bothma
Stef Nel
Antjie Samuel
Nina Bremer
Chris Derksen
Ella van der Walt
Alida Loubser
Pieter Rademeyer
Bella Naylor

Ons is baie trots op julle!

Senior en Junior Kore

13 Februarie, 2026 / Koor, Kuns en Kultuur, Kuns en Kultuur, Nuus

Beide ons kore het hierdie jaar afgeskop met die aanleer van wonderlike nuwe repertorium. Ons senior koor het die afgelope naweek ’n oefenkamp gehad, waar die koormaats mekaar beter leer ken het en hulle goeie vordering gemaak het met hul musiek. Die nuwe koorlede – en veral ons Graad 4’s – skakel sommer reeds goed in by die groep en word mooi deur hul koor-buddies gedurende die oefeninge ondersteun.

Die junior koor het hierdie jaar vir juf Bea de Wit aan die stuur, en saam met mnr Ben is hulle reeds volstoom aan die gang elke Maandag- en Vrydagoggend. Die junior koor het ook Graad 1’s in die koor verwelkom hierdie jaar, en hulle pas baie mooi by die nuwe roetine aan.

Alle ouers wat ’n kind in een van die twee kore het, moet asseblief by die Senior Koor- en/of Junior Koor-WA-groepe aansluit. Daar deel ons belangrike inligting rakende optredes en oefeninge.

Ek bevestig weer ons kore se oefentye:

Junior Koor

Maandag- en Vrydagoggend: 07h45–08h15

Senior Koor

Dinsdag: 07h30–08h30
Donderdag: 11h30–12h30

Indien jy afwesig is vir ’n oefening of optrede, moet ’n verskoning vooraf by juf Rolene (senior koor) of juf Bea (junior koor) ingedien word.

Ons sien julle by die optredes!

Senior Koorleiers van 2026

12 Februarie, 2026 / Koor, Kuns en Kultuur, Kuns en Kultuur, Nuus

Ons senior koor het die afgelope naweek ’n koorkamp gehad waartydens ons 2026 koorleiers verkies is. Baie geluk aan die leerders wat bereid is om die koor te ondersteun deur ’n goeie voorbeeld van dissipline en toewyding te wees, ’n bron van ondersteuning vir hul groepslede, en op wie die koor kan steun vir musikale hulp tydens ons oefeninge.

Ons senior koorleiers vir 2026 is:

Aiyana Alfredo

Alida Loubser

Andrya Robinson

Ella van der Walt

Esme Coetzee

Joan van Vreden

Lea Loubser

Mila Malan

Olivia Blackmore

Quinn du Toit

Baie dankie aan elkeen van hierdie leerders vir die groot verskil wat hulle in die koor maak. Ons is baie trots op julle.

Koffie-en-Beskuit Konsertreeks

11 Februarie, 2026 / Kuns en Kultuur, Kuns en Kultuur, Musiek, Nuus

Die Musiekdepartement stel ’n nuwe inisiatief bekend: Die Koffie-en-Beskuit Konsertreeks! Hierdie platform is geskep om Laerskool JvR se musiekleerders meer geleentheid te bied om aan die vaardighede wat dit van enige musikant vereis om op te tree en hul stukkie met gemak en die nodige musikantskap uit te voer, te slyp. Die konserte vind in ’n kleiner groep plaas, wat dit vir baie leerders makliker maak om voor mense op te tree en op hierdie manier voor te berei om in groter konserte te speel. Die platform bied vir leerders wat vir eksamens of Eisteddfods voorberei, die geleentheid om hulle musiek voor te dra. Vir beginners en leerders wat pligsgetrou oefen, is ons Koffie-en-Beskuit Konsertreeks ook ’n wonderlike kans om hul musiek met hul maats en familie te deel.

Hoe werk dit?

Musiekonderwysers bepaal wie gereed is om deel te neem.

Elke konsert het tussen 6-12 deelnemers.
Elke deelnemer kan ’n maatjie saambring (weens spasie, kan ons slegs een maatjie akkommodeer). Ouers is welkom om ook die konserte by te woon.
Ouers van deelnemende leerders sal ’n boodskap ontvang om deelname te bevestig.
Koffie en beskuit is welkom!

Kwartaal 1 Datums: Dinsdae gedurende koorperiode

24 Februarie

10 Maart

17 Maart

Tyd: 08h00 – 08h30

Plek: Musiekklas

Indien daar enige vrae is hieroor, kontak gerus vir juf Rolene.

Senior Koorkamp: 6 – 7 Februarie

29 Januarie, 2026 / Koor, Kuns en Kultuur, Kuns en Kultuur, Nuus

Dit is weer daardie tyd van die jaar en die senior koor se jaarlikse koorkamp is om die draai!

SKEDULE

Vrydag, 6 Februarie:

* Middagete voorsien deur die skool: 14h00-14h20

* Oefen: 14h20 – 17h45

* Piekniek op die skoolveld vir alle koorlede en -ouers: 18h00 – 19h00

Saterdag, 7 Februarie:

* Oefen: 09h00 – 14h00

* Ons voorsien:

* Waatlemoen vir peuselhappie

* Boereworsrolle vir middagete

* Leerders pak genoeg water en peuselhappies in.

* Kampkonsert vir ouers: 14h15 – 14h30

Kom kuier saam by ons senior koorpiekniek op Vrydag, 6 Februarie, vanaf 18h00 – 19h00. Ons nooi ook alle ouers uit om Saterdagmiddag, 7 Februarie, ’n kort kampkonsert in die skoolsaal by te woon.

Die koorkamp is verpligtend vir alle senior koorlede. Indien iemand nie die koorkamp kan bywoon nie, moet juf. Rolene asb in kennis gestel word.

Groete,
Rolene

Eksterne Musiekeksamen Uitslae

3 Desember, 2025 / Kuns en Kultuur, Kuns en Kultuur, Musiek, Nuus

Ons wens ons leerders wat hierdie jaar aan eksterne musiekeksamens deelgeneem het baie geluk! Dit verg besonderse toewyding en harde werk om hiervoor voor te berei, en ons is baie trots op julle uitstekende resultate!