Kategorie: Kuns en Kultuur

Baie geluk aan die volgende leerders wat medaljes ontvang het by die Spraak Eisteddfod. Die Prestige-aand vind op 13 Oktober te Hoërskool Jan van Riebeeck plaas. Volg gerus hierdie skakel vir meer inligting indien julle belangstel om dit by te woon.

Jean-Jacques Rossouw – Voordrag Graad 1 – Silwer Medalje
Kitty Partner – Voordrag Graad 2 – Silwer Medalje
Antjie Samuel – Voordrag Graad 3 – Silwer Medalje
Cato Terblanche – Voordrag Graad 4 – Silwer Medalje
Karu Rademeyer – Voordrag Graad 6 – Silwer Medalje
Sophia Derksen – Lees Graad 5-6 – Silwer Medalje
Antjie Samuel – Voordrag Junior Graad R-4 – Goue Medalje

• Leerders wat ingeskryf het, sal volgende week geroep word om vir oudisies te kom.
• Ouers sal binnekort in kennis gestel word wanneer hulle kaartjies op die Karri-toep kan koop.
• Kaartjies sal R100 vir volwassenes en R50 vir kinders wees. Kom geniet die heerlike gesinsaand.

Neem asb. kennis dat die klavier Eisteddfod in Augustus plaasvind. Daar is amper elke Saterdag ‘n groep wat speel. Maak dus vroegtydig seker dat dit nie met sportaangeleenthede bots nie. Eisteddfodtye kan nie geskuif word nie.

Baie geluk aan Abigail Fourie wat ‘n medalje vir Sang by die Kaapse Afrikaanse Eisteddfod gewen het. Ons is trots op haar! Sy het ook tot by die finale rondte van Sound of Music deurgedring. Dit was ‘n wonderlike ervaring vir haar gewees!

Baie geluk aan hierdie twee leerders wat uitstekend in die Unisa-Klaviereksamens gevaar het:
Karu Rademeyer – Graad 1 – 76%
Antjie Samuel – Voor-Graad 1 – 88%

Ons is baie trots op julle!

Hoërskool Jan van Riebeeck nooi ons leerders uit om in te skryf vir hul tweede Kunstefees wat vanjaar vanaf 1 tot 4 Augustus 2023 aangebied word. Volg die skakels vir meer inligting en die inskrywingsvorm.

Stuur gerus enige navrae na kunstefees@janvanriebeeck.co.za.

Volgende week sluit ons af met drama vir kwartaal 2.

• Dramapartytjie Maandag, 19 Junie 2023
• Graad 1 – 7
• 13:15 – 14:15

Dit is ons laaste les vir die kwartaal. Ek hoop almal hou heerlik vakansie! Sien julle volgende kwartaal!

Leerders wat hiervoor ingeskryf is, sal hul individuele datums en tye ontvang. Dit strek van 5 – 19 Augustus.

Drie van ons graad 4;leerders – Milla Cronje, Aiyana Alfredo en Ella Jehle – het verlede week in groepverband in acro dancing by die Cape Town Eisteddfod deelgeneem. Hulle het ‘n diploma ontvang en was die wenners van die 10 – 11 ouderdomsgroep. Baie geluk!!

Karu was die afgelope ruk by ‘n hele klompie kultuuraktiwiteite betrokke en vaar ongelooflik goed in elkeen wat sy aanpak. Hiermee ‘n bietjie terugvoer:

• Karu is onlangs in die Cape Town Children’s Choir ingesluit. Hulle oefen op Vrydaemiddae by die Bea Soleil Musiekskool.
• Sy het ook die wonderlike geleentheid om Vrydag en Saterdag deel te wees van Carmina Burana in die Kaapstadse Stadsaal.
• Sy geniet haar klarinet al hoe meer en is ook nou deel van die Kaapse Filharmoniese Orkes se ‘Academy Band’. Sy sê die standaard is hoog en die kinders speel al goed – sy moet lekker hard werk. Hul oefen op spesifieke Saterdaeoggende.
• Sy het verlede week gehoor dat sy suksesvol was met haar twee oudisies en is ingesluit in die rolverdeling van TOSCA wat in September by Kunstekaap op die planke gaan wees. Hulle begin Saterdag oefen en dan ook dwarsdeur die Junie-vakansie.
• Karu het verlede Saterdag in Worcester aan die Wes-Kaapse streeksfinaal van die Radikale Redenaars-kompetisie deelgeneem. Sy het die Afrikaanse poësie-afdeling en ook die Afrikaanse prosa-afdeling gewen en neem in Oktober in Gauteng aan die nasionale finaal deel.

Baie geluk, Karu! Ons is so trots op jou!

Kinders kan nou oudisie vir Pieter Toerien en die Kaapstad Opera se The Sound of Music produksie. Stuur ‘n e-pos aan info@musicaltheatreworkshop.co.za. Volg die skakel vir meer inligting.

Baie geluk aan die volgende sprekers wat ‘n posisie in die top tien tydens die semifinale uitdunronde van ATKV-redenaars behaal het:

Jacques du Toit: 4de plek
Pieter Rademeyer: 8ste plek

Ons wil ook vir Emma Snijders, Karu Rademeyer en Sabine Barnard wat deelgeneem het, gelukwens. Julle het ons skool se naam hoog gehou en ons baie trots gemaak!

Baie geluk aan Abigail Fourie wat gekies is om later hierdie jaar aan die opera Tosca by die Kunstekaap deel te neem. Ons is baie trots op haar!

Maandag
Gr. 1 – 3 – 13:30 – 14:30
Gr. 4 – 7 val weg

Woensdag
Gr. 1 – 3 – 13:00 – 14:00
Gr. 4 – 7 – 1400 – 15:00

Vrydag
Gr. 1 – 3 val weg
Gr. 4 – 7 – 13:15 – 14:15

Die maats wat gewoonlik op ‘n dag drama sou hê waar die tyd nou wegval, kan op enige ander dag inval. Vrydae het net gr. 4 – 7 ‘n dramaklas, want hulle skryf eksamen en dit is omtrent die enigste dag wat hulle kan kom. Almal kom vroeg uit tydens die eksamen en as gr. 4 – 7 tot 14:00 vir hul klas moet wag, raak dit ‘n bietjie lank.

Ek hoop almal verstaan. Sterkte met die eksamen!