Kategorie: Algemeen

Ons wil graag vir David Matthews en sy span ’n hartlike dankie sê vir al die kantoor-skryfbehoeftes wat hulle aan ons geskenk het. Ons waardeer dit opreg!

Ons sien met groot opwinding uit na Ouma- en Oupadag wat op Vrydag, 19 September, plaasvind. Dis altyd ’n spesiale geleentheid waar ons die belangrike rol van grootouers in ons kinders se lewens vier.

????️ Kaartjies is nou beskikbaar op Karri!

Maak seker jy bespreek betyds om nie hierdie kosbare dag mis te loop nie.

???? Vir meer inligting en besonderhede, sien asseblief hier onder.

Op Donderdag, 4 September word die sportfoto’s geneem. Maak asseblief seker dat jou kind die korrekte sportdrag het en dit saambring skool toe.

Sien die korrekte drag hier onder:
5 September 2025 Kwartaal 4 fotodag 2025 (1)

Dit is vir ons ’n groot vreugde om aan te kondig dat Christian Cronje gekies is om die Wes-Kaapse Stoeivereniging te verteenwoordig by die Suid-Afrikaanse Nasionale Kampioenskappe in Pretoria van 9–11 Oktober 2025.

Ons wens hom alles van die beste toe met die voorbereiding en die kampioenskappe!

Welgedaan, Jannies! Julle maak ons trots.

Maak reg vir pret, spanpoging en sportgees!

Saterdag, 29 November 2025, van 08:30 tot 17:30 bied ons die opwindende Ouersportdag aan.

Kom wys jou vaardighede in:

• Netbal

• 7’s Raakrugby

• 8’s Hokkie

• Aflosswem

• Tennis

• Skaak

Daar is nog slegs plek vir 1 span, bestaande uit 16–20 lede. Moenie uitmis nie – dit beloof ’n dag vol lag, kompetisie en lekker saamwees.

???? Skakel of WhatsApp Danielle le Clus-Rossouw by 082 923 5903 om meer inligting te kry en jou span se plek te bevestig.

Ons is opgewonde om aan te kondig dat die mediasentrum vanaf 2 September gedurende tweede pouses oop sal wees.

Kom loer in en neem ’n boek uit – daar wag iets vir elke smaak en belangstelling!

Waar Suidoos se spierwit pluime
oor ou Tafelberg afval,
en teen Vlaeberg se hange die
kanonskoot twaalfuur knal:

waar die see se blinkblou branders
teen ou Tafelbaai aanspoel,
staan ons skool, die Jan van
Riebeeck, met ‘n groot en edel doel.

Vas en stewig soos die berge is ons
moedertaal geplant,
liefde daarvoor sal ons uitdra oor
ons hele vaderland.

In ons werk en in ons lewe streef
ons al wat goed is na,
want ons skool sal van ons altyd net
die allerbeste vra.

Woorde: Alba Bouwer
Musiek: H. Pieter v.d. Westhuizen

Woensdag het Gerhard saam met sy suster, Chrystal, die Silverskerm Filmfees bygewoon. Hul film, Alma Oppad, het die fees geopen en die gehoor betower! ????❤

• Jamie Jordaan (Gr.6) – 28ste
• Ruben de Ridder (Gr.7) – 70ste
• Katryn Silvis (Gr.7) – 5de

Welgedaan Jannies! Ons is vreeslik trots op julle!

Wat is ‘n MySchool-kaart?

Die MySchool-kaart is ’n maklike manier om jou skool te ondersteun sonder dat dit jou iets ekstra kos. Elke keer as jy met jou kaart by deelnemende winkels betaal, skenk die winkel ’n persentasie van jou aankoop direk aan ons skool. Jy dra dus by tot waardevolle projekte en hulpbronne, eenvoudig deur jou alledaagse inkopies te doen.

Registreer by hierdie skakel: Registreer: MySchool

U word hartlik uitgenooi na ‘n gesprek met Christien Neser, waar sy gaan gesels oor kinders wat “anders” is.

Die gesprek sal in die ZenDen plaasvind vanaf 18:00-19:00.
Kliek asseblief op die skakel om te registreer vir die aand: https://forms.gle/xaTC9jdvt1Hec4u8A