Kategorie: Algemeen

Boekverkope: 18-19 Maart 2026

24 Februarie, 2026 / Algemeen, Nuus

The Book Box kom weer binnekort kuier! Spaar solank om jouself en jou boekrak te bederf.

Somersokkie: 19 Maart 2026

24 Februarie, 2026 / Algemeen, Nuus

Dit is amper weer tyd vir die graad 5-7 Somersokkie! Sien meer inligting hier onder:

Kombuistaal Werkswinkel: 17 Maart 2026

13 Februarie, 2026 / Algemeen, Nuus

Kom kuier, luister na en kook saam met Rooi Rose se oudredaktrise (Vickie de Beer) wat ‘n kookboek geskryf het om ons kinders te inspireer om gesonder te eet. Haar fokus is op lekker kos wat voedsaam is. Koop gerus jul, jy en jou kind(ers), kaartjie d.m.v. Quicket teen R370 per gesin. Dit sluit ‘n mengbak, houtlepel, bestanddele vir die gereg en die resepteboek in. Dis ook opwindend om te weet dat Antjie Krog saam met Vickie gewerk het om hierdie kookboek ekstra spesiaal te maak. Ons gaan ‘n heilsame aand (Dinsdag, 17 Maart) in ons skoolsaal beleef! Sien jou daar.

Marinda Brink

BESPREEK HIER

Boekbende: Nuwe Datums

11 Februarie, 2026 / Algemeen, Nuus

Die Boekbende gaan nou elke tweede Woensdag van die maand in die Mediasentrum om 07:15-07:45 bymekaar kom. Kyk asb na die datums in die advertensie, sodat jy nie uitmis nie!

Boekbende-groete!

Plasing van leerderprestasies in die nuusbrief

10 Februarie, 2026 / Algemeen, Nuus

Ouers wat graag hul kind se prestasies en foto’s in die nuusbrief wil laat plaas, word vriendelik herinner dat hierdie inligting vrywillig deur ouers gestuur word. Neem asseblief kennis dat die nuusbrief elektronies versprei word en ook aanlyn beskikbaar is, wat beteken dat leerders se name en foto’s moontlik op die internet en in soekenjins kan verskyn. ’n Bevestigings e-pos sal gestuur word om toestemming vir publikasie te verkry.

Alle inligting en foto’s moet nie later nie as Woensdag om 14:00 gestuur word om in die huidige week se nuusbrief geplaas te word. Laat bydraes sal outomaties eers in die volgende week se nuusbrief verskyn.

Paaseiers insamel!

10 Februarie, 2026 / Algemeen, Nuus

Ons wil baie graag weer vanjaar Kaapstad se Lion’s Club ondersteun deur paaseiers vir minderbevoorregte kinders in te samel. Dit sal wonderlik wees as elke leerder minstens een paaseier vir ons kan bring en dit in die emmer wat in Adri se kantoor staan, kan plaas. Hulle verkies die eiers wat die malvalekker aan die binnekant van die sjokolade het soos op die prentjie. Dit kom ook in ‘n string van vier of in verpakkings van 24 en meer.

Enige donasies word opreg waardeer!

Veiling 2026: Skenkings

9 Februarie, 2026 / Algemeen, Nuus

Liewe Ouers,

Hou asb 6 Junie 2026 oop vir hierdie jaar se Laerskool JvR Opvoedingstrust Veiling, wat by die Mount Nelson sal plaasvind.

Ons soek graag skenkings vir ons lotte. Enige ouers wat kan help met drank, vakansiehuise, jagritte, kuns, juwele, spa-ervarings, ens. word vriendelik versoek om Anna Blackmore op 083 386 4057 te kontak.

Enige bydrae word opreg waardeer.

Jannies vir Jesus

6 Februarie, 2026 / Algemeen, Nuus

Sien meer inligting oor Jannies vir Jesus hier onder:

Welwillendheidsprojek: Kwartaal 1, 2026

29 Januarie, 2026 / Algemeen, Nuus

Hier is hoe jy hierdie kwartaal ‘n verskil kan maak:

Valentynsdag: Verkope & Sivvies

29 Januarie, 2026 / Algemeen, Nuus

Kom maak ‘n draai by die Valentynsdagverkope! Sien meer inligting hier onder:

Gholfdag: 19 Maart 2026

29 Januarie, 2026 / Algemeen, Nuus

Sien meer inligting oor die 2026 Gholfdag hier onder:

Sosiale media gesprek met Carla

29 Januarie, 2026 / Algemeen, Nuus

Kom sluit aan by die gesprek oor kunsmatige intelligensie en sosiale media met Carla de Beer. Sien meer inligting hier onder:

Jannie van die Week: 23 Januarie 2026

23 Januarie, 2026 / Algemeen, Nuus

Baie geluk aan die volgende Jannie wat hierdie week die Jannie van die Week toekenning ontvang:

Roomysverkope: Graad 7-fondsinsameling

23 Januarie, 2026 / Algemeen, Nuus

KENNISGEWING VAN TUSSENTYDSE BEHEERRAADSVERKIESING 2026

23 Januarie, 2026 / Algemeen, Nuus

Beste Ouers/Voogde

Twee ouer-lede van die Beheerraad het aan die einde van 2025 van die Beheerraad bedank. Susan van der Walt (Tesourier) het bedank en Marié Cruywagen se jongste kind het graad 7 voltooi.

Dus moet die twee vakatures gevul word. Ons het reeds laasjaar pro-aktief opgetree en die volgende twee persone op die Beheerraad gekoöpteer en hulle het hulself vanjaar weer verkiesbaar gestel:

Oloff Sieberhagen
Sybil Müller (Tesourier).

Wie mag ‘n ouer benoem:

‘n Ouer van ‘n leerder van ons skool, wie se naam op die kieserslys van die skool is, mag enige ander ouer van ‘n leerder wat die skool bywoon wie se naam op die keiserslys van die skool is benoem, of sodanige ouer se benoeming sekondeer, deur ‘n voltooide benoemingsvorm teen nie later nie as 04 Februarie 2026 teen 12:00 by die skool af te lewer. Benoemingsvorms is by ontvangs (Adri) beskikbaar.

‘n Aanlyn verkiesing (VotingCrowd) sal op Maandag, 16 Februarie 2026, vanaf 06:00 – 18:00 gehou word, indien daar meer as die twee bogenoemde kandidate genomineer word.

Sien asseblief die kennisgewing van die aanlyn tussenverkiesing hier onder. Meer inligting rakende die tussenverkiesing sal volg.

Baie dankie vir jul aandag.

Groetnis
Naas Beets | Skoolhoof

KENNISGEWING VAN TUSSEN BR VERKIESING 2026