Kategorie: Sport

Saterdag, 27 Julie, was die 0.13A’s die enigste netbalspan van ons skool wat kans gekry het om binnehuis te speel. Jannies wen die wedstryd 23-14. Ons is ongelooflik trots op die span en hul uithouvermoë. Baie dankie aan elkeen wat die span ondersteun het. Dit word opreg waardeer.

Drie van ons leerders het Woensdag, 24 Julie 2024, aan die Wynberg sone landloopwedloop deelgeneem. Hulle het baie goed gevaar in uiterse nat en modderige toestande.

Uitslae:
Lukas 17de
James 19de
Delmar 10de (deur na Cape Metro champs)

Baie geluk, Jannies! Ons is so trots op julle!

Op Woensdag, 17 Julie, het die Jannies Bellville toe gery om teen Laerskool Kenridge te speel. Hierdie wedstryd, wat lyk of dit ‘n jaarlikse instelling gaan raak, is ‘n goeie maatstaaf vir ons rugby en hoe dit ontwikkel. Alhoewel die tellings nie gister aan ons kant was nie, het ons beslis gewys dat Jannies veggees in moeilike omstandighede het.

Ons volgende wedstryde is teen LS Primêr (24/06, Tuis) en Curro Langebaan (27/06, Weg).

Rugby vir die kwartaal is nou amptelik in volle swang!

0.13A  wen 32-2
0.13B  wen 17-3
0.13C  wen 12-1
0.12A  wen 28-1
0.12B  wen 15-1
0.12C  wen 17 -3
0.11A  wen 12-2
0.11B  wen 11-0
0.11C   wen 8-0
0.10A  wen 11-1
0.10B  wen 8-5
0.9A   wen 10-2
0.9B   wen 4-1
0.9C   wen 2-0
0.8A  wen 13-0
0.8B  wen 2-0
0.7A  wen 6-0
0.7B  verloor 0-1

Dit is met groot opgewondenheid dat ons die nuus deel van ons tennisspan se deelname aan die onlangse tennistoernooi te Sun City wat gedurende die week van 8-12 Julie ‘n ware beproewing van uithouvermoë en vaardigheid vir ons spelers was. Ons is verheug om ons sukses en ervarings met julle te deel. 

Die toernooi het begin met intense wedstryde en ‘n atmosfeer van kompetisie wat aan ons span ‘n unieke geleentheid gebied het om hul vaardighede ten toon te stel. Met elke dag wat verloop het, het ons gesien hoe ons spelers groei en hulself op die baan uitdaag. 

Vir die dogterspan was dit ‘n besondere toernooi. Hulle het hulself as formidabele mededingers bewys en het met groot vasberadenheid vir elke punt baklei. Ons is trots om aan te kondig dat ons dogters ‘n indrukwekkende derde plek in die toernooi behaal het. Hierdie prestasie getuig van hul toewyding en harde werk. 

Die seuns het ook nie teruggestaan nie en het hulself as mededingende teenstaanders bewys. Hulle beklee ‘n eerbare agtste plek en het elke wedstryd met dapperheid en vasberadenheid aangedurf. Hulle prestasies is ‘n weerspieëling van hul verbintenis tot die spel en die span. 

Die ondersteuning van ons jannie-gemeenskap het ‘n groot rol in ons sukses gespeel. Julle aanmoediging en ondersteuning het ons aangespoor om elke dag ons beste op die baan te lewer.  Dit was ‘n ervaring wat ons span sal koester en wat ons motiveer om voort te gaan met ons tennisreis. 

Ons sien uit na die volgende uitdaging wat op ons wag en is vasbeslote om voort te bou op die sukses wat ons te Sun City bereik het. 

Sportgroete, 

Suné Swanepoel
Tennishoof 

Hiermee wil ons graag vir Frank van der Walt wat op Donderdagaand, 13 Junie, sy WP-Kleure vir rugby ontvang het, hartlik gelukwens en vir hom sterkte toewens vir sy deelname aan die Cravenweek wat vanaf 17 – 20 Junie op Loftus Versfeld in Pretoria plaasvind. Baie geluk ook aan sy ouers Franci en Nel wat hom so getrou langs die rugbyveld ondersteun. Ons is saam met julle baie trots op Frank se puik prestasie. Hy is ‘n ware ambassadeur vir ons skool. Ons wens Frank die beste toe! Mag hy baie ervaring opdoen, maar dit in die proses ook geniet.

Ruby Tyler, Peter Wickwar en Susie Samuel het Saterdag, 8 Junie 2024, hul Karate beltgradering bygewoon. Baie geluk!

‘n Hele paar van ons Jannies het verlede naweek in Saldanha aan die WP-Gimnastiek Kampioenskappe deelgeneem. Hulle is almal deel van die Ignite Gimnastiekklub en het baie goed gevaar. Hier is hulle uitslae:

Vlak 1
Nina De Villiers – goud
Elisa van den Berg – goud
Lua Groenewald – silwer
Amelie Mouton – goud
Gia Kruger – silwer
Hanna Louw – silwer

Vlak 2
Elizabeth Snyders – silwer
Olivia Blackmore – brons
Noa Rademan – brons

Vlak 3
Bella Naylor – silwer
Klara Jansen van Vuuren – silwer
Bella Malan – brons

Ons is baie trots op julle!!

​Emma Snijders het op 4-5 Mei 2024 aan die o.13-dogters finale WP-skaaktoernooi deelgeneem. Hierdie toernooi het by Curro Langebaan plaasgevind. Ons kan met trots sê dat sy haar WP-skaakkleure verwerf het. Baie geluk, Emma!

Ons het die kwartaal se landloop afgesluit met ‘n wedloop in Vishoek. Dit was baie opwindend om die oranje hempies van ver af te sien aankom en hulle aan te moedig tot by die eindstreep. Baie geluk aan al die deelnemers, almal het verbeter van die vorige wedloop.

Isla Jooste, Lukas Loubser en James Steyn het in die top 20 in hul ouderdomsgroep geëindig en ‘n spesiale geluk aan Delmar Benecke wat in die vorige wedloop in Rondebosch 7de geëindig en verlede Vrydag in Vishoek 5de geëindig het. Ons is baie trots op julle!

Ons skaakspelers het hul laaste skaakwedstryd op Vrydag, 24 Mei, teen St. Cyprians gespeel. Ons Jannies het ons baie trots gemaak. Die finale punt was 4-2 vir St. Cyprians. Baie geluk!

Delmar het Saterdag, 25 Mei, aan Cape Town Aquatics se eerste gala van die nuwe swemseisoen deelgeneem.

Hy het baie goed presteer met persoonlike beste tye in beide sy items waaraan hy deelgeneem het.

200m individuele wisselslag: 1ste plek
100m rugslag: 1ste plek

‘n Baie goeie begin van ‘n nuwe seisoen. Baie geluk, Delmar!

Volg hierdie skakel of kliek op die foto vir die interne sportprogram in PDF.

Kyle Meissenheimer het onlangs aan die Karate Kampioenskappe deelgeneem en baie goed gevaar. Hy het ‘n 2de plek in beide afdelings waaraan hy deelgeneem het, behaal. Baie geluk, Kyle! Ons is trots op jou.

Antjie Samuel en Nina Burger het Saterdag, 18 Mei, aan Level 3 Ritmiese Gimnastiek Kaapse streeksproewe deelgeneem. Hulle het elkeen ‘n silwer medalje verower. Baie geluk met hierdie wonderlike prestasie!