Kategorie: Algemeen

Tuindag val hierdie jaar op Sondag, 11 Oktober. Die skool gaan dit egter op 9 Oktober vier. Hou gerus die volgende nuusbrief dop vir meer inligting.

Die OOV-voorsitter sal in die nuusbrief van 2 Oktober bekendgemaak word. Benoem gerus iemand wat jy voel as OOV-voorsitter sal kan optree.

Individuele skoolfoto’s sal op 19 Oktober geneem word. Die klasfoto sal saamgestel word uit al die leerders se individuele foto’s. Kliek HIER vir ‘n voorbeeld. Meer besonderhede hieroor sal nader aan die tyd deurgegee word.

Alle bekers wat by die prysuitdeling, atletiek en swem ontvang is, moet teen 15 Oktober terug wees in die biblioteek. Bekers moet reeds gegraveer wees. Vir graveringsriglyne, sien die PDF hieronder:

Donderdag, 24 September, is Erfenisdag wat as ‘n nasionale vakansiedag beskou word. Ongelukkig het die skool nie toestemming ontvang om Vrydag, 25 September, ‘n skolevakansiedag te neem nie. Skool sal wel op daardie dag (Vrydag, 25 September) vroeër sluit:
Gr. 1 – 3 = 11:45
Gr. 4 – 5 = 12:00
Gr. 6 – 7 = 12:15

Naam en van: Caleb Meyer
Graad: 3R
Waar woon jy?: Ek woon in Woodstock saam met my mamma en my sussie. Ek was voorheen in Pniel Primêr.
Gunsteling vak: Ek hou baie van lees. My gunsteling boek is Diary of a wimpy kid en Jaco Jacobs is my gunsteling skrywer.

Ek is ‘n trotse Jannie, want ek is goed met slangetjies & leertjies en ek help gereeld om die klas op te ruim.

Maandag, 21 September, open die nominasieproses. Kontak gerus vir Marinda Brink (marinda@jvrprim.co.za) indien jy iemand wil nomineer aangesien daar ‘n spesifieke vorm is wat voltooi moet word. Die aanlynverkiesing sal op Dinsdag, 29 September, plaasvind. Leerders wie se ouers aan die verkiesing deelneem (‘submit’) mag op Woensdag, 30 September, sivvieklere dra.

Nominasies vir ‘n voorsitter om die OOV te verteenwoordig sal op Vrydag, 2 Oktober 2020, sluit. Stuur die nominasie direk aan Marinda Brink: marinda@jvrprim.co.za.

Graag wil ons vir Dawie Marais, Adri Marais se man, gelukwens met sy aanstelling as bestuurder van die Suid-Afrikaanse Kinderhuis. Ons wens hom alle sterkte toe!

Leerders het vanaf 28 September die keuse om somer- of winterdrag te dra. Vanaf 2 November (kwartaal 4), is somerdrag verpligtend.

Die WKOD vereis dat interim-Beheerraadverkiesings afgehandel word teen einde September – dit sal aanlyn op Dinsdag, 29 September, tussen 17:00 en 18:00 plaasvind.

Ons het intussen besluit om slegs met die herverkiesing van een portefeulje voort te gaan – regsake. Beide Cobus Loubser (finansies en sport) en LJ le Roux (terrein) se posisies sal dan by die 2021-Beheerraadsverkiesing beskikbaar wees.

As jy iemand vir die regsportefeulje wil benoem of as jy bereid is om te staan en ‘n nominasie het, kontak asb. vir jodene@jvrprim.co.za. Laerskool- en Graad R-ouers kan staan. Die vorms sal vanaf Dinsdag, 15 September, beskikbaar wees. Nominasies sluit teen Maandag, 28 September, om 19:00.

As jy daaraan dink om vanaf volgende jaar op die Beheerraad te dien, is jy welkom om vir Merwe Scholtz (mscholtz@genfin.co.za) of Izelle Venter (iventer@media24.com) te kontak.

FORMELE KENNISGEWING
VERKIESINGSREËLS

Onthou asb. om ‘n afspraak te maak indien jy ‘n bepaalde onderwyser wil kom sien: GRONDSLAGFASE AFSPRAKE & INTERSENFASE AFSPRAKE.

Lees asb. deur die reëlings vir die afsprake:

1. Ingang sal vanaf Nuwe Kerkstraat se hek toegelaat word. Ouers sal nie die Kloofstraat-ingang kan gebruik nie.
2. Daar sal onderskeie siftingstasies wees om die nodige veiligheidsregulasies te respekteer. Die grondslagfase sal by die klas waar die afspraak plaasvind, gesif word. Die intersensiftingstasies sal in die parkeerarea naby juf. Marianna Oosthuizen se klas wees asook in die vierkant by die admingebou se ingang.
3. Jy moet ‘n masker dra.
4. Kom asb. so na as moontlik aan jou afspraak die skool binne om verkeer in die gange te minimaliseer.
5. Indien dit nie moontlik is om ‘n afspraak met ‘n onderwyser te maak nie, sal ons dit verwelkom om self ‘n alternatiewe reëling met die spesifieke onderwyser te tref.
6. Ongelukkig sal geen kinders binne die skool toegelaat word terwyl die ouerbesoeke plaasvind nie aangesien ons die hoeveelheid mense binne die skool beperk. Nasorgleerders mag wel by die nasorg wag totdat hulle afgehaal word soos die natuurlike prosedure is.

Uitkomtyd: 8 – 10 September

12:45 – Graad 1 en 2
13:00 – Graad 3 – 5
13:10 – Graad 6 en 7

Ons verloor ongelukkig ‘n paar ouers by die Beheerraad: Kees Snijders het vroeër vanjaar uitgetree om te dien op die hoërskool se beheerraad, LJ le Roux se tweeling maak vanjaar klaar met laerskool en Cobus Loubser moet weens ander verpligtinge uittree.

Die WKOD vereis dat interim-Beheerraadverkiesings afgehandel word teen 30 September – dit sal soos alles in die lewe vanjaar aanlyn plaasvind. Meer besonderhede oor die verkiesing sal later gekommunikeer word.

Dis nie so erg soos dit klink nie en ’n baie lekker manier om jou gemeenskap te ondersteun. As jy lus het of iemand wil nomineer wat kan, maak asseblief so en stuur jou voorstel na jodene@jvrprim.co.za. Ouers van Huppelland kan ook staan.

Die spesifieke portefeuljes wat gevul moet word is (1) finansies (2) regsaangeleenthede (3) sport en fasiliteite.

As jy meer inligting nodig het, kontak gerus die twee staande Beheerraadslede: Merwe Scholtz (mscholtz@genfin.co.za) of Izelle Venter (iventer@media24.com).

Beste Laerskool Jan van Riebeeck-Ouer/Voog

Ek voel bevoorreg om die geleentheid as waarnemende skoolhoof vir ‘n tydelike periode aan te gryp en stel myself ten doel om my beste te lewer.

Wees gerus dat ek die erns van hierdie posisie besef. My ‘deur’ staan oop aangesien ek daarin glo dat spanwerk die beste oplossing vir enige probleem is. Verder voel ek dankbaar dat ek saam met ‘n ongelooflike Huppelland- en Laerskool-span kan werk. Na 18 jaar by Laerskool Jan van Riebeeck is ek steeds lojaal teenoor hierdie skoolgemeenskap. Dit is waarom ek net myself kan wees en doen wat ek voel reg is deur uit elke dag se ervaring te leer. Onder leiding van die beheerraad en Exco glo ek dat Laerskool Jan van Riebeeck ‘n blink toekoms sal hê.

Indien enige iemand gedurende die inperking hul huis reggepak het en ekstra plastiekhouers het, wil ons vra dat dit asb. aan die skool se konsertstoor geskenk sal word. Die skool het al verskeie houers aangekoop, maar benodig nog baie meer om al die mooi kostuums en bykomstighede vir die toekoms te bewaar. Ons is veral opsoek na 21 en 30 liter-houers. Stuur dit asb. na juf. Razelle Hanekom (sport@jvrprim.co.za) toe en dui aan dat dit vir die konsertstoor is.