Kategorie: Algemeen

Baie geluk aan Ella met haar uitstekende prestasie in hierdie jaar se Wes-Kaap- en Gauteng-streekskampioenskappe vir rotsklim!

Ella het ’n silwermedalje in Bouldering tydens die Gauteng-kampioenskappe verower en daarna goud in Bouldering tydens die Wes-Kaap-kampioenskappe behaal. Ella is as die Wes-Kaap-kampioen in haar ouderdomsgroep bekroon!

Ons is ongelooflik trots op jou, Ella! Baie geluk met hierdie besonderse prestasie!

Uitslae van assessering – Sondag, 30 Augustus 2026

Baie geluk aan al ons dansers met hul pragtige uitslae tydens die assessering op Sondag, 30 Augustus! 🌟

Die dansers het besonders mooi gelyk in hul leotards, rompies en kleurvolle danskostuums en het hulself met groot selfvertroue van hul beste kant gewys.

Graad 1–3
Die volgende dansers het elk ’n pragtige sertifikaat en verslag met opbouende kommentaar ontvang:

• Emily Botha
• Amelie Johnson
• Charlie de Klerk
• Ferdi Titley
• Heike Louw
• Ada Uys
• Emilie Theron
• Emma-Jane Wilke
• Mila Maree
• Cornelia Opperman

Graad 5–11
Die volgende dansers het sertifikate en opbouende kommentaar ontvang, met gradering op versoek:

• Christa-Bella Swart – A+
• Mika van der Walt – A+
• Hanna Louw – B++
• Anabel Brink – A
• Heidi van Heerden – A+
• Ella Nel – B
• Solange Stevens – A+
• Kerala Allewel – A+
• Karlien van der Walt – A+
• Lara Basson – A+

Die beoordelaar was baie beïndruk met ons dansers se mooi gepunte voete, pragtige gesigsuitdrukkings en meelewing. Sy het ook die hoë standaard en gehalte van die choreografie beklemtoon en aangedui dat die dansers baie talentvol is en oor groot potensiaal beskik.

Gereelde klasbywoning en die bywoning van repetisies is belangrik om hierdie potensiaal ten volle te ontwikkel. Dit is ook belangrik dat dansers hul liggame soepel en sterk hou. Die beoordelaar was veral beïndruk met die dansers se pragtige spronge (jetés) en draaie (pirouettes).

Ons is ongelooflik trots op elkeen van julle! Baie geluk en welgedaan, dansers!

Juf. Barbie

Op Internasionale Geletterdheidsdag (Dinsdag, 08 September) sit ons alles vir ’n rukkie opsy en maak tyd vir die wonderlike wêreld van boeke! 📖✨

Leerders word aangemoedig om hul gunstelingboek skool toe te bring en gedurende die dag ’n spesiale leestyd te geniet.

Kom ons maak saam tyd om te lees, te droom en nuwe wêrelde te ontdek! 🌈📚

Jamie Jordaan het ’n ongelooflike vierde plek tydens vanjaar se Horizon-wiskundekompetisie behaal.

Die kompetisie vind in die Wes-Kaap, Gauteng en KwaZulu-Natal plaas, met meer as 100 000 leerders wat daaraan deelneem. In die Wes-Kaap het 281 skole vir die kompetisie ingeskryf, met net meer as 27 000 leerders wat deelgeneem het. Dit maak Jamie se prestasie des te meer merkwaardig.

Jamie, baie geluk! Ons is uiters trots op jou puik prestasie.

HOOFLEIERS 2026/2027

Ons is baie trots op HS JvR se hoofleiers wat op Donderdag, 26 Augustus 2026, verkies is. Dis veral lekker om te weet dat hulle almal oud-Jannies is! Ons weet dat hulle ‘n fantastiese werk sal doen.

𝐉𝐕𝐑-𝐇𝐎𝐎𝐅𝐋𝐄𝐈𝐄𝐑 & 𝐕𝐑𝐋-𝐕𝐎𝐎𝐑𝐒𝐈𝐓𝐓𝐄𝐑:  HELENE GREEFF

𝐇𝐎𝐎𝐅𝐒𝐄𝐔𝐍:  ALBERT GRIESEL

𝐇𝐎𝐎𝐅𝐃𝐎𝐆𝐓𝐄𝐑:  CARA SWANEPOEL

𝐎𝐍𝐃𝐄𝐑𝐇𝐎𝐎𝐅𝐒𝐄𝐔𝐍:  OWEN WIESE

𝐎𝐍𝐃𝐄𝐑𝐇𝐎𝐎𝐅𝐃𝐎𝐆𝐓𝐄𝐑:  STELLA BOJE

Neem asseblief kennis dat alle snoepie-kosbestellings voortaan slegs deur die Karri-toep geplaas moet word. Om die bestelproses glad en doeltreffend te laat verloop, sal geen laat bestellings of versoeke meer aanvaar word nie.

Onthou ook dat geen kos die snoepie mag verlaat voordat dit betaal is nie.

Leerders wat op die dag self ‘n broodjie wil koop, is welkom om dit met kontant of ‘n bankkaart by die snoepie te betaal.

Indien jy probleme met bestellings op Karri ervaar, kontak vir Megan op WhatsApp by  082 794 8430.

Dankie vir u samewerking.

Baie geluk aan Gerhard Conradie en Luna Coetzer, wat saam in die kykNET-reeks Beter as Gister speel. Ons is trots op julle puik prestasie!

Baie geluk aan Luna Coetzer, wat in die film Silas en die Ysbeer op Tafelberg speel. Die film het op die eerste dag van die SilwerSkerm Filmfees gedebuteer. Ons is trots op hierdie besondere prestasie!

Soos baie van ons ouers weet, is ons Jannie-gemeenskap besig om te groei…  daar is tans ‘n hele paar van ons onderwyseresse swanger!

Dit ‘n baie opwindende tyd om ‘n nuwe baba in jou gesin te verwelkom en ons is saam met hulle dankbaar vir die groot seën.  Hiermee dan ‘n lys van onderwysers wie binnekort op kraamverlof gaan en die planne wat ons of reeds gemaak het, of besig is om te maak, om hulle af te los:

1. Juffrou Magdhelé Jansen (Gr 2-intern) gaan in September op kraamverlof en juffrou Cheree Roelofse los in haar plek af.
2. Juffrou Michelle Compion (Gr 3-onderwyseres) gaan in Oktober op kraamverlof en juffrou Herculine Becker (huidige graad 1-intern) los tot die einde van die jaar in haar klas, af.  Ons het volle vetroue in juffrou Becker en wens haar sterkte toe.

Juffrou Becker verlaat ons ongelukkig aan die einde van die jaar wanneer sy trou en Namibië toe trek, so ons soek nog iemand vir die eerste paar weke van die nuwe jaar.  Sodra ons weet wie ons volgende jaar vir die eerste paar weke in graad 3 gaan help, sal ons dit aan ouers kommunikeer.

3. Juffrou Marianne Conradie (Gr 4-onderwyseres) gaan in November op kraamverlof.  Juffrou Charlene van Rooyen, wie hierdie jaar formeel aftree by ons skool, gaan ons tydelik uithelp volgende jaar en in juffrou Conradie se plek instaan.  Ons is juffrou van Rooyen baie dankbaar hiervoor en weet sy gaan ‘n groot aanwins vir die graad wees.
4. Juffrou Andri Baird (Gr 6-onderwyeres) gaan in November op kraamverlof.  Ons het reeds iemand in gedagte wie moontlik in haar plek gaan af los, maar indien dit nie vir haar moontlik gaan wees nie, gaan ons die kraamverlofpos adverteer.  Ons wil seker maak dat ons ‘n wiskunde vakspesialis in haar plek aanstel en kan ouers verseker dat ons hierdie taak ernstig opneem.
5. Juffrou Nicola Potter (Gr 1-onderwyseres) gaan in Januarie op kraamverlof en juffrou Magdhelé Jansen gaan in haar klas aflos.  Juffrou Jansen is al lankal gekwalifiseerd en het nie net al haar eie klasse gehad nie, maar ook al by Huppelland afgelos.  Ons het volle vertroue in juffrou Jansen en weet dat sy haar goed van haar taak sal kwyt.

Ons wens ons onderwyseresse baie sterkte toe met hierdie opwindende fase van hul lewens en kan nie wag om ons nuwe “klein-Jannies” te ontmoet nie.

Die wagtyd is verby! Kaartjies vir ons 2026-skoolkonsert is nou beskikbaar.

Ouers word aangemoedig om hul kaartjies vroegtydig te bespreek om teleurstelling te voorkom.

Skoolkonsert – 14, 15 en 16 September:
https://jvr.info/konsert2026

GALA-aand Skoolkonsert – 17 September:
https://jvr.info/konsertgal2026

Ons sien daarna uit om saam met ons Jannie-gemeenskap ’n onvergeetlike konsert te beleef! 🎭✨