Kategorie: Algemeen

/ Algemeen, Nuus

Liewe Ouers,

Neem asseblief kennis dat julle vanaf Maandag, 26 Februarie, toegang sal kry tot benoemingsvorms (nominasies – Addendum B) om ‘n ouer by die skool voor te stel wat bereid is om hom/haarself beskikbaar te stel vir die 2024 BR-Verkiesing. Benoemings sluit op Maandag, 04 Maart, om 13:00 en alle getekende benoemingvorms (nominasies) moet fisies dan by die adminkantoor (Jodene) ingehandig word. Ons sal die benoemingsvorms elektronies beskikbaar stel, maar dit is ook in harde kopie by die adminkantoor beskikbaar.

Maak asseblief seker die benoemingsvorm is deur die volgende persone onderteken:

  1. Voorsteller
  2. Sekondant
  3. Kandidaat

Volg gerus hierdie skakel vir die kennsigewing en benoemingsbekragtigingbrief.

Baie dankie vir julle dringende aandag.

Vriendelike groete
Naas Beets

/ Algemeen, Nuus

Ons het week 5 van kwartaal 1 op ‘n hoë en ‘besige’ noot afgesluit met onder andere ‘n mini-kriekettoernooi te Laerskool Hugo Rust (Wellington) op Vrydagmiddag en -aand, ‘n swemgala Vrydagmiddag tuis met 8 skole uit ons onmiddellike omgewing wat deelgeneem het, ons o.13-rugbygroep het op Saterdag, 17 Februarie, aan die ‘Onder die Berg’-rugbytoernooi deelgeneem wat HS Jan van Riebeeck aangebied het, ‘n netbalkliniek is op Saterdag, 17 Februarie, tuis deur WPNA aangebied asook ons jaarlikse koorkamp wat op Vrydag, 16 en Saterdag, 17 Februarie, plaasgevind het. Dit is omtrent ‘n mondvol en julle kan dus aflei dat ons skoolprogram besig en propvol aktiwiteite is vir ons leerders om aan deel te neem. Laat my toe om weereens al ons toegewyde onderwysers en afrigters hartlik te bedank wat al die buitemuurse aktiwiteite vir ons Jannies moontlik maak.

Die jaarlikse koorkamp onder leiding van juf. Rolene en mnr. Ben het vanjaar oor twee dae geskied, naamlik die Vrydagmiddag, 16 Februarie, en Saterdagoggend, 17 Februarie. Graag wil ek hulle hartlik gelukwens met die nuwe aanslag van koorafrigting asook die aanleer van nuwe en moderne liedjies waarmee ons leerders hulself kan vereenselwig. Ons koorleerders het die koorkamp terdeë geniet. Hulle het nie net gesing en nuwe liedjies geleer nie, maar ook aan ander pretaktiwiteite deelgeneem. Ons is saam met die koorleerders baie opgewonde en sien uit na al die kooroptredes wat die jaar op hulle wag.

Op Dinsdag, 20 Februarie, om 12:15 het ons ‘n beplande ontruiming vir brand by die skool geoefen. Ons oefen een keer per kwartaal ‘n veiligheidsontruiming sodat ons leerders en personeel presies weet watter prosedure om te volg indien een van die volgende gevaarlike situasies homself voordoen:

  • ‘n Brand
  • ‘n Bomdreigement
  • Stakings en siviele onrus.

Ek wil nie graag sportspanne of individuele leerders uitsonder nie, maar laat my toe om die volgende merkwaardige uitslae met julle te deel:

  • Ons o.13A-dogterstennisspan wen op Maandag, 19 Februarie, die o.13A-dogterspan van Laerskool Durbanville 5 – 1 tydens ‘n ligawedstryd. Baie geluk Jeanne van Heerden, Stella Pansegrouw, Stella Zulch en Ané Swanepoel. Julle maak ons baie trots! Dit wil gedoen wees om hierdie puik uitslag teen ‘n ‘groot’ skool met meer as 1 200 leerders (gr. 4 – 7) te behaal.
  • Op Woensdag, 21 Februarie, het 20 van ons leerders aan die sone-atletiekbyeenkoms te Vygieskraal deelgeneem en die volgende 9 atlete kwalifiseer vir die WP-Kampioenskappe op Woensdag, 28 Februarie, te Dal Josaphat in die Paarl:
    • Delmar Benecke
    • Jana Olivier
    • Stella Zulch
    • Frank van der Walt
    • Daniella Boshoff
    • Carter Schoeman
    • Jeanne van Heerden
    • Ellen van Heerden
    • Maia du Toit

Ons hou styf duimvas dat die boegnoemde atlete hul WP-kleure sal verwerf. Baie dankie aan mnre. Leon en Erick wat ons atlete bygestaan en vergesel het.

Ek is saam met ons leerders baie opgewonde en sien baie uit om almal later vanaand tydens die klasbraai by die Conradieveld vanaf 18:00 te ontvang. Bring dus jou piekniekmandjie of iets ‘lekkers’ om te braai en geniet die samesyn en geselligheid wat net Laerskool Jan van Riebeeck kan opdis. Ons gaan net onsself wees!

Ek herinner ook al ons graad 6- en 7-ouers om gerus ‘n plan te maak om die Opedag van HS Jan van Riebeeck op Dinsdag, 27 Februarie, om 18:00 by te woon. Hulle gaan soos gewoonlik baie moeite doen om ons leerders spesiaal te ontvang.

Graag sluit ek af met die volgende aanhaling van Chris Bertram rakende groei-ingesteldheid en wens vir julle ‘n wonderlike naweek toe:

“When you are in a growth mindset,
what that means is that you choose to see that struggle
and challenges as an opportunity for growth and
for learning and development!’’

Vriendelike groete

Naas Beets
SKOOLHOOF

/ Algemeen, Nuus

Neem asb. kennis dat geen ou skooldrag wat nou skool toe gebring word, aanvaar sal word nie. Klere is reeds alles afgelewer soos vorige skrywes gemeld het. Dankie aan diegene wat so goed reageer het. Ons kon twee skole sommer ordentlik help!

/ Algemeen, Nuus

Wat is die dinge wat jou kind gespanne en ongelukkig maak? Leer hulle van jongs af om net te fokus op dit wat HULLE kan verander en leer hulle die onderskeid. Jy mag hulle dalk baie onnodige hartseer spaar. Sien die diagram hier onder wat wys wat jou kind kan beheer en wat nie.

– Marike Badenhorst, Opvoedkundige Sielkundige

 

 

/ Algemeen, Nuus
Somersokkie gr. 5-7: 13 Maart 2024
  • Woensdag, 13 Maart 2024
  • In die skoolsaal
  • Graad 5-7-leerders welkom
  • Kaartjies op Karri teen R100 (ete ingesluit)
  • Snoepie beskikbaar

/ Algemeen, Nuus

Op Vrydag, 09 Februarie 2024, het ons weereens ‘n suksesvolle senior swemgala aangebied. Moeder natuur het hierdie keer besluit dat alhoewel die temperature die afgelope tyd rekordhoogtes bereik het, sy nie haar samewerking gaan gee nie. Die kwik het skaars 24 grade C bereik, maar die koeler weer en kouer swembadwater het nie ons entoesiastiese swemmers teruggehou nie. Baie geluk aan die onderstaande swemmers wat na afloop van die gala die volgende bekers ontvang het:

  • Junior dogterswemmer (o.10 & o.11) vir die jaar: Ellen van Heerden
  • Junior seunswemmer (o.10 & o.11) vir die jaar: Daniel van den Berg
  • Senior dogterswemmer (o.12 & o.13) vir die jaar: Bailey Thomson
  • Senior seunswemmer vir (o.12 & o.13) die jaar: Delmar Benecke

Laat my ook toe om al ons ouers, voogde, oumas en oupas wat die gala bygewoon het om hul kind/ers en kleinkinders te ondersteun, hartlik te bedank. Dit is ‘n riem onder die hart om te sien hoe ons ouers, voogde en grootouers ons leerders in alle opsigte ondersteun. Baie dankie aan mnr. Leon wat die gala gereël het asook ons Hoof van Swem, juf. Izél saam met al die ander personeel wat as beamptes opgetree het. Graag wil ek een van ons ouers uitsonder, naamlik Christo Benecke, wat elke jaar bereid is om as tydhouer op te tree. Baie dankie, Christo, ons waardeer jou tyd!

Op Dinsdagaand, 13 Februarie, het ons vir die eerste keer ‘n wintersportinligtingsaand in die saal aangebied. Die opkoms van ouers was verblywend en ek wil spesiaal die 71 ouers/voogde wat die inligtingsessie bygewoon het, hartlik bedank vir hul teenwoordigheid, insette en betrokkenheid. Die doel van die vergadering was om vroegtydig inligting en reëlings rakende die 2024 wintersportprogram met ouers/voogde te deel asook om ouers/voogde aangesig-tot-aangesig te versoek om al die sportdae, -toernooie en -wedstryde te eerbiedig deur te beplan om veral die spesifieke sportnaweke eerder tuis te bly asook om nie kinderpartytjies op sportdae/wedstryde/toernooie te reël nie. Ons sportadministrateurs en -afrigters is meer as toegewydheid om ons leerders legio geleenthede te bied, maar ons het die inkoop en ondersteuning van ons ouers/voogde nodig. By voorbaat dankie vir julle ondersteuning in die verband en geniet elke oomblik saam met jou kind/ers op die sportveld.

Op Woensdag, 14 Februarie 2024, het ons leerders en personeel saam Valentynsdag gevier. Die dag het onder andere afgeskop met al ons leerders en personeel wat spesiaal in ‘iets’ rooi, pienk en/of wit getooi was. Die valentynsdagverkope tydens eerste pouse was ‘n spreekwoordelike WENNER en ‘n reuse sukses. Dit is met groot entoesiasme en opwinding deur die leerders ondersteun. Baie dankie aan juff. Mardry, Charlene, Raché en Andri wat die vierkant so mooi verfraai het asook tydens eerste pouse met die verkope gehelp het. Baie dankie aan al ons ouers/voogde vir al die wonderlike Valentynsdagitems wat te kope was.

Tradisioneel word Valentynsdag gevier waar geliefdes hul liefde vir mekaar bewys deur geskenke, blomme of kaartjies aan mekaar te gee. Ek besef dat die dag tipies kommersieel van aard is, maar tog is dit belangrik vir ons leerders om ‘n dag van liefde en omgee te vier. Dit sluit op ‘n manier by een van ons kernwaardes, naamlik OMGEE aan. Ons kinders word groot in ‘n era en wêreld waar alles resultaatgedrewe en materialisties van aard is. Ons vergeet dat ons kosbaarste kommoditeite nie in die bank is nie en dat liefde alle kwaad oorwin. Ek hoop en vertrou dat julle ook op Valentynsdag tot in die afgrond bederf is, julle jul geliefdes bederf het en mag ons nooit die krag van liefde en vergifnis onderskat nie. Ek daag ons skoolgemeenskap uit om daagliks liefde en omgee uit te leef om die wêreld ‘n beter plek te maak. Veral in Suid-Afrika waar mense geweldig swaar kry en onder baie moeilike omstandighede leef. Net ‘n bietjie omgee, empatie en liefde sal die wêreld se verskil maak.

Laat my asseblief toe om die bekende “gospel”-sanger, Trevor Sampson, saam met sy orkes (Leon & Barleon Jaftha) hartlik te bedank vir hul puik optrede Donderdagoggend, 15 Februarie, vanaf 07:15 – 07:45 (tydens Jannies vir Jesus-tyd) in die saal. Groot dankie aan Duane Coetzee, ‘n oud-ouer van die laerskool, wat die optrede moontlik gemaak het. Baie dankie ook aan al die Jannies, ouers/voogde en personeel wat dit vrywillg bygewoon het, asook juf. Lucia vir al die reëlings.

Ek is so opgewonde en trots om die volgende rakende die kodering en robotika-onderrig met julle deel: Die graad 6’e is tans besig met kodering en programmering van toestelle wat die vogtigheid van grond kan bepaal en aandui of plante, bome, blomme, gras of struike besproeiing moet ontvang. Die leerders moes self die kodering doen om die toestel in staat te stel om die grondvogtigheid te bepaal. Hulle het die toestelle in my kantoor op my kantoorplante kom toets, en dit werk. Wel gedaan, juf. Suné, met die harde werk wat jy by kodering en robotika insit. Die leerders geniet hul gate uit.

 Baie dankie aan juf. Rolene en mnr. Ben wat vandag en môre ‘n koorkamp by ons skool aanbied om ons senior koor verder te ontwikkel en voor te berei vir toekomstige optredes. Die koorkamp behels ook lekker pretaktwiteite en ek glo die koorleerders gaan dit tereë geniet.

Ongelukkig moet ek nou my nuusbrief vir die week afsluit, maar soos oudergewoonte met ‘n inspirerende aanhaling oor groei-ingesteldheid deur Eleanore Rooseveldt en wens vir julle ‘n wonderlike naweek toe:

“The future belongs to those that believes in the beauty of their dreams’’

Vriendelike groete

Naas Beets
SKOOLHOOF

/ Algemeen, Nuus

Ons sien uit na ons jaarlikse klasbraai wat op Vrydagaand, 23 Februarie, vanaf 18:00 by die Conradieveld plaasvind. Kom kuier asb. saam deur ou en nuwe Jannie-vriendskappe te koester. Bring gerus jou eie piekniekmandjie of vleisie, kampstoele, komberse, ens. saam. Ons voorsien braaidromme en -hout. Die braaidromme word in graadgroepe van stygende orde (gr. 1 – 7) vanaf die hek tot by die klubhuis gerangskik. Kom kuier lekker saam waartydens ons die mooiste uitsig in die land kan vier!

/ Algemeen, Nuus

Om ‘n kind wat ‘n woedeuitbarsting het, te kalmeer sonder om sélf kwaad te raak, is ‘n uitdaging. Daar is wel ander maniere wat ‘n ouer kan probeer om sy of haar kind te kalmeer.

  • In plaas van: “‘n Kind wat al so groot is soos jy, tree nie meer soos ‘n baba op nie…”
    Probeer: “Grootmense voel ook soms soos jy nou voel. Dit is okay. Dit gaan weer verby…”
  • In plaas van: “Moenie wáág om dit te doen nie!”
    Probeer: “Jy mág kwaad raak, maar ek gaan nie toelaat dat jy iemand seermaak nie! Ons moet mekaar veilig hou …”
  • In plaas van: “Moenie so moeilik wees nie!”
    Probeer: “Dit is ‘n moeilike een. Kom ons kyk of ons dit nie saam kan probeer oplos nie!”
  • In plaas van: “Jy is onmoontlik!”
    Probeer: “Ek kan sien jy sukkel hiermee…”
  • In plaas van: “Hou op om so te kla!”
    Probeer: “Kan jý aan ‘n oplossing dink?”
  • In plaas van: “Gaan onmiddellik na jou kamer toe!”
    Probeer: “Ek wag hier by jou totdat jy beter voel en reg is vir ‘n drukkie…”

MARIKE BADENHORST
OPVOEDKUNDIGE SIELKUNDIGE

/ Algemeen, Nuus

Tydens die inligtingsaand van 23 Januarie en na vele gesprekke met verskeie ouers/voogde kom ek tot die besef dat die meeste ouers/voogde salig onbewus is oor die beginsel van Groei-ingesteldheid (‘Growth Mindset’) by die skool. Ons het groei-ingesteldheid alreeds in 2023 by die skool uitgerol en wil vanjaar dit verder beklemtoon en ontwikkel. Laat my dus toe om in ‘n neutedop die beginsel van groei-ingesteldheid te verduidelik. Pas dit gerus in julle gesinslewe toe. Dit het juis begin met ‘n mens se eie gedagtes veral as sukses jou die gedurig ontwyk. Mense met ‘n vaste-ingesteldheid (“Fixed Mindset”) glo dat hul intelligensie en vaardighede eienskappe is waarmee jy gebore word en dat dit nie kan verbeter nie. Mense met hierdie tipe oortuiging word maklik ontmoedig en hulle is geneig om weg te skram van moeilike take of uitdagings. Navorsing het bewys dat mense met ‘n groei-ingesteldheid glo dat jy jou intelligensie kan ontwikkel deur vaardighede aan te leer en dat jy met meer oefening en moeite die uitdaging mettertyd sal kan baasraak. Hierdie tipe mense omhels uitdagings, volhard deur struikelblokke, leer uit kritiek en soek inspirasie in ander se suksesse.

Ons doel met groei-ingesteldheid is juis om ons leerders en personeel te ontwikkel wat deursettingsvermoë, wilskrag, empatie, goeie kennis oor jouself, ‘n behoefte aan leer en ontwikkeling en ‘n ingesteldheid van groei, insluit. Om regtig jouself te wees, moet ons ruimte vir ontwikkeling skep. Navorsing toon dat breinontwikkeling slegs kan plaasvind indien uitdagende take aangepak word. Dus wil ek versoek om jou kind/ers onder jou wakende oog ‘n kans te gee om ‘n bietjie, maar tog verantwoordelik te waag en selfs te misluk terwyl hulle nog jonk is sodat die spreekwoordelike groei-ingesteldheid se ‘spiere’ kan oefen. Vertel vir jou kinders dat bekendes soos Albert Einstein, Walt Disney, Steve Jobs, Michael Jordan en Oprah Winfrey verskeie mislukkings ervaar het, voordat hulle sukses behaal het. Hulle het egter nooit tou opgegooi of weggestap van hul drome nie. ‘n Mens leer dikwels die belangrikste lewenslesse wanneer jy misluk. Ek sê gereeld vir ons sportspanne dat ‘n mens eintlik net iets leer wanneer jy eers verloor. Kollektief moet ons, ons kinders leer dat om te verloor of te misluk deel van die lewe is. Ons moet eerder fokus dat ons nie verloor nie, maar eerder daaruit leer m.a.w. jy verloor nie, jy leer net!

Op Saterdag, 03 Februarie, het ons o.13A-tennisspanne (seuns & dogters) aan Laerskool Kenridge se tennistoernooi (dubbelspel) deelgeneem. Ons tennispselers het puik gevaar. Baie geluk aan die volgende spelers:

  • Ané Swanepoel & Stella Zulch behaal 2de plek (silwer) van hul B-dubbelsgroep.
  • Adriaan Wessels & Rafa Lamprecht behaal 2de plek (silwer) van hul A-dubbelsgroep.

Op Dinsdag, 06 Februarie 2024, het die interskole atletiekbyeenkoms te HS Jan van Riebeeck se velde plaasgevind. Ons atlete het puik gevaar en 19 atlete is deur na die volgende rondte. Baie geluk aan Jana Olivier wat die o.13 gewigstoot vir dogters gewen en die rekord verbeter het. Sy het egter drie maal in 6 gooie haar eie rekord verbeter. Dit is voorwaar ‘n merkwaardige prestasie. Baie dankie aan mnr. Leon en sy span vir al die puik reëlings. Julle maak ons baie trots! Die afgelope week het daar ook verskeie tennis- en krieketwedstryde plaasgevind. Die sportprogram is in volle swang en ek versoek al ons leerders om aan ten minste een somersport deel te neem.

Baie dankie aan juf. Andri wat op Dinsdagaand, 06 Februarie 2024, die inligtingsessie rakende redenaars met al ons belangstellende leerders en hul ouers aangebied het. Redenaars leer die leerders om hul verbale- en nie-verbale kommunikasievaardighede te verbeter, effektiewe navorsing te doen, denkprosesse te ontwikkel om mense van hul standpunt te oortuig en laaste maar nie die minste nie, help dit met selfvertroue.

Soos julle bewus is, beplan ons om aktief vanaf 2024 musiek en kultuur te promoveer deur die musiek- en kultuurspyskaart uit te brei. Ons wil graag ons leerders ook aan ander musiekinstrumente blootstel, dus was ons baie opgewonde toe ons nuwe musiekinstrumente (saksofone & viole) by die skool afgelewer is. Kontak gerus juf. Rolene (nuwe Hoof van musiek en kultuur) indien jou kind in musiek belangstel en musiekonderrig wil ontvang.

Graag sluit ek af met die volgende aanhaling oor groei-ingesteldheid deur Sherman Finesilver en wens vir julle ‘n wonderlike naweek toe:

“Don’t worry about failure,
worry about the chances you miss when you don’t even try’’

Vriendelike groete

Naas Beets
SKOOLHOOF

/ Algemeen, Nuus

Ons versoek dat ouers van die agterste hek (Kerkstraat) gebruik maak om hul kinders in die middae te kom haal. Ouers / voogde kan agter parkeer of self afstap nasorgsentrum toe om hul kind te gaan haal, of jy kan vir die sekuriteitswag vra om jou kind via die “walkie talkie” te laat roep. Indien die sekuriteitswag jou kind laat roep, sal die nasorgpersoneel jou kind vergesel of opstuur na die afdakkie toe.

Ouers kan ongelukkig nie by die Kloofstraathek inry nie. Dit veroorsaak ‘n groot verkeersopeenhoping indien ouers voor by die skool probeer inkom aangesien daar net een in- en uitgang is. Hierdie hek is slegs vir personeel en besoekers aan die skool.

Baie dankie vir almal se samewerking.

/ Algemeen, Nuus

Daar is ongelukkig weer kopluise onder enkele leerders gewaar. Kyk asb. by die huis in jou kind se hare vir enige ongewenste gaste.

Indien daar tydens skooltyd luise in jou kind se hare gewaar word, sal ons jou kontak sodat jy jou kind kan kom haal. Leerders wat kopluise het, mag eers weer skool toe kom nadat die luise heeltemal verwyder is.

Wenke:

  • Indien jy wil voorkom dat jou kind kopluise kry, kan jy voorkomende sjampoe by bv. Dischem of Clicks koop.
  • Indien jy luise in jou kind se kop gewaar, koop ‘n sjampoe wat spesifiek luise en nete doodmaak.
  • Maak seker jy lees die instruksies van die luissjampoe.
  • Dit help ook om ‘n luiskammetjie te koop om nete en luise uit te kam.
  • Was jou kind se beddegoed om ontslae te raak van nete en luise wat moontlik daarop agtergebly het.
/ Algemeen, Nuus

Februarie-maand het gister skielik sy onverwagse opwagting gemaak, want die aanbreek van 01 Januarie 2024 voel vir my soos gister. Seker soos ‘n mens bietje ouer word, kom ek weereens tot die besef dat tyd besonders vinnig verby vlieg en vir niemand wag nie. Dus indien jy vanjaar beplan om nog iets spesiaal te doen, moenie wag nie liewe vriende, doen dit sommer onmiddellik!

Graag wil ek almal hartlik bedank vir al die mooi verjaardagwense wat ek sedert Vrydag, 26 Januarie ontvang het. Ek het op Sondag, 28 Januarie verjaar, maar is reeds vanaf Vrydag, 26 Januarie, tot in die spreekwoordelike afgrond deur die leerders en personeel bederf. Ek wens julle as ouers/voogde kon die spesiale dag by die skool saam met my beleef. Dit was so kosbaar. Die leerders se opregte omgee en kreatiewe verjaarsdagwense, sal ek verewig koester.

Op Saterdag, 27 Januarie, is die tweede Ouer- en kindsportdag vanaf 07:30 by die Conradieveld aangebied. Ek kon ongelukkig eers vanaf 11:00 by die spesiale sportdag aansluit aangesien ek, Marinda en Raché vanaf 08:00 die oggend by die Oude Molen Tegniese Skool departementele opleiding moes ontvang. Dit was wonderlik om te sien dat selfs teen 11:00 die oggend, hoeveel ouers/voogde saam met hul kinders nog steeds aktief aan die sportdag deelgeneem het. Alhoewel dit sommer lekker warm was, het ons ouers/voogde en leerders met hope entoesiasme deelgeneem. Die opgewondenheid en gees was aansteeklik en almal het hul gate uit geniet. Dit is die ideale geleentheid vir leerders, ouers en personeel om sommer lekker gees te vang en die jaar op ‘n hoogtepunt af te skop. Groot dankie aan die personeel wat as beamptes en spelers opgetree asook registrasies en die snoepieverkope behartig het.

Die opwinding was groot toe ons die skool se 103de bestaansjaar op Woensdag, 31 Januarie, kon vier. Leerders het smullekker roomyse op die warm dag ontvang. Die stigting van ons trotse skool is alles te danke aan Japie Louw. Hierdie jongeheer het meer as ‘n eeu gelede net eenvoudig geweier om in Engels skool te gaan en dit het tot die stigting van Laerskool Jan van Riebeeck gelei. Soos Japie en nog menigte wat na hom gevolg het, het hy vinnig ontdek dat hierdie besondere skool baie meer as net geleerdheid bied. Hier ontdek jy jouself! Hier leer jy wat dit beteken om net jouself binne ‘n veilige omgewing met gekoesterde waardes te wees. Mag Laerskool Jan van Riebeeck vir nog ‘n eeu voortbou op sy suksesse en altyd ‘n waardegedrewe omgewing koester waar ‘n kind nog kind kan wees.

Die afgelope week het ons ook met tenniswedstryde begin. Vanmiddag neem ons aan ‘n swemgala by die Duitse Skool deel asook aan mini-krieketwedstryde by Laerskool Kampsbaai. Môre neem ons o.13A-tennispanne (seuns en dogters) aan ‘n tennistoernooi te Laerskool Kenridge deel. Die sportprogram en –wedstryde is dus in volle swang en my beste wense vergesel al ons leerders en afrigters.

Op Dinsdag, 06 Februarie 2024, geskied die interskole atletiek by Hoërskool Jan van Riebeeck se velde. Sterkte aan al ons atlete en afrigters. Baie dankie aan Leon Hanekom wat jaar-in en -uit aan die stuur van sake by die interskole staan.

Laat my ook toe om die skoolhoof van Hoërskool Jan van Riebeeck, Pieter Rademeyer, en sy personeel hartlik geluk te wens met hul puik matriekuitslae van 2023. Hoërskool Jan van Riebeeck is weer uitgenooi na die nasionale merietetoekennings van SOS op 09 Februarie in Pretoria. Nie net haal hulle vir die tweede agtereenvolgende jaar die gesogte lys nie, maar vier van hulle vakke haal die Top 20-lys van alle skole in die land naamlik:

  • Wiskunde: 13de in SA (2de van Afrikaanse skole)
  • Ingenieursgrafika en Ontwerp: 13de in SA (6de van Afrikaanse skole)
  • Afrikaanse Huistaal: 16de in SA
  • Fisiese Wetenskap: 17de in SA (4de van Afrikaanse skole)

Mag julle voortbou op al julle suksesse!

Graag sluit ek af met die volgende aanhaling oor die lewe en groei-ingesteldheid deur Mahatma Ghandi en wens vir julle ‘n wonderlike naweek toe:

“You must be the change that you want to see in the world!’’

Vriendelike groete

Naas Beets
SKOOLHOOF

Belangrike Datums

april 2024

03apr00:0023:59Winter buitemuurs begin

03apr00:0023:59Skool heropen

06apr00:0023:59Netbal: o.10A-toernooi LS Durbanville

08apr00:0023:59Ouerbesoeke

08apr18:0019:00Beheerraadvergadering

09apr00:0023:59Ouerbesoeke

09apr07:4508:15Algemene Kennis-toets

10apr00:0023:59Netbal: o.7-o.13 Curro Durbanville (TUIS)

10apr08:0010:00Interne Redenaarskompetisie

11apr08:0010:00Interne Redenaarskompetisie

12apr00:0023:59Hokkie: o.13 Seuns & Dogters Toernooi Laerskool Van Riebeeckstrand (WEG)

12apr07:4509:10Toets: Afrikaans (gr. 4 en 6), Engels (gr. 5 en 7)

13apr00:0023:59Rugby & Netbal Sportdag: o.7 - o.13 Sunningdale (WEG)

13apr00:0023:59Netbal: o.10A-o.13A-toernooi by Tableview

13apr00:0023:59Rugby & Netbal Sportdag: o.7 - o.13 Sunningdale (WEG)

16apr00:0023:59Gr. 7-uitstappie: FAME-produksie by Fugard

17apr00:0023:59Netbal: o.7-o.13 Totius (WEG)

18apr00:0023:59Kleiduifskietkompetisie

19apr00:0023:59Rugby: o.7 - o.13 Curro Durbanville (TUIS)

19apr07:4509:10Toets: Engels (gr. 4 en 6), Afrikaans (gr. 5 en 7)

20apr00:0023:59Kaperjolle

23apr08:3009:00Skrywersbesoek Gr. 1-6 - Wendy Maartens

24apr00:0023:59Netbal: o.7-o.13 De Tyger (WEG)

25apr11:0012:00Uitstappie vir IP-Musiekleerders

25apr18:0020:00Oueraand

26apr07:4509:10Toets: Wiskunde (gr. 4 - 7)

26apr07:4514:00Sivvies

27apr00:0023:59Hokkie: o.9 en o.10 Seuns en Dogters Toernooi Laerskool Tableview (WEG)

29apr00:0023:59Netbal: o.7-o.13 Monte Vista (TUIS)

Wys Meer

mei 2024

01mei00:0023:59Werkersdag

03mei00:0023:59Hokkie: Edgemead

03mei07:4509:10Toets: Aardrykskunde ass. (gr. 4 - 7)

03mei10:3012:30Uitstappie gr. 5 en 6: Peter and the Wolf by Artscape

04mei00:0023:59HS JvR Reünie-naweek

10mei00:0023:59Hokkie: Sportdag Mikro (Tuis)

10mei07:4509:10Toets: NW / NWT (gr. 4 - 7)

11mei00:0023:59Rugby & Netbal: Sportdag (TUIS)

11mei00:0023:59Rugby & Netbal: Sportdag (TUIS)

17mei07:4509:10Toets: Gesk. ass. (gr. 4 tot 7)

17mei07:4509:10Toets: Gesk. ass. (gr. 4 - 7)

18mei00:0023:59Rugby: Porterville

20mei00:0023:59Grondslagfase Assesserings begin

20mei18:0019:00Beheerraadvergadering

21mei00:0023:59Winter Buitemuurs eindig

21mei00:0023:59Eksamen begin vir Graad 7

23mei00:0023:59Eksamen begin vir gr. 4 - 6

24mei00:0023:59Eisteddfod: Gr. 4-7

25mei00:0023:59Eisteddfod: Gr. 1-3

27mei00:0023:59Interne sport begin

29mei00:0023:59Vakansiedag: Verkiesing

31mei07:4514:00Sivvies

Wys Meer

junie 2024

01jun00:0023:59Veiling

05jun00:0023:59Eksamen eindig

05jun00:0023:59Interne sport eindig

06jun(jun 6)00:0007(jun 7)23:59Boekverkope

10jun(jun 10)00:0014(jun 14)23:59Sporttoer

14jun00:0023:59Skool sluit

14jun00:0023:59Sivvies

Wys Meer

julie 2024

07jul(jul 7)00:0012(jul 12)23:59Tennis: Toernooi by Sun City

09jul00:0023:59Winter Buitemuurs begin

09jul00:0023:59Skool heropen

10jul07:4514:10Graad 4 Lead4Life

11jul07:4514:10Graad 5 Lead4Life

12jul00:0023:59Hokkie: Stellenbosch hokkiedag o.7 - o.9

12jul07:4514:00Graad 6 Lead4Life

13jul00:0023:59Hokkie: Stellenbosch hokkiedag o.10 - o.13

15jul00:0023:59Ouerbesoeke

16jul00:0023:59Ouerbesoeke

17jul00:0023:59Rugby & Netbal: Kenridge (WEG)

17jul00:0023:59Rugby & Netbal: Kenridge (WEG)

19jul00:0023:59Netbal: B & C toernooi o.10 - o.13

19jul00:0023:59Netbal: B & C toernooi o.10 - o.13

19jul07:4509:10Toets: Afrikaans (gr. 5 en 7), Engels (gr. 4 en 6)

24jul00:0023:59Netbal: Table View (TUIS)

24jul00:0023:59Rugby: Koos Sadie (TUIS)

26jul00:0023:59Hokkie: Curro Langebaan (WEG)

26jul07:4509:10Toets: Afrikaans (gr. 4 en 6), Engels (gr. 5 en 7)

26jul07:4514:00Sivvies

27jul00:0023:59Rugby & Netbal: Langebaan (WEG)

27jul00:0023:59Rugby & Netbal: Langebaan (WEG)

31jul00:0023:59Rugby: Goodwood (TUIS)

31jul00:0023:59Netbal: Laerskool Kampsbaai (TUIS)

Wys Meer

augustus 2024

31jul00:0023:59Rugby: Goodwood (TUIS)

31jul00:0023:59Netbal: Laerskool Kampsbaai (TUIS)

02aug07:4509:10Toets: Wiskunde

03aug00:0023:59Mini Netbal- en Rugbydag: o.7 - o.9

06aug18:3020:30JanneMANNE saam met HS JvR en Jak de Priester

07aug00:0023:59Rugby: Brackenfell (TUIS)

07aug00:0023:59Netbal: Brackenfell (WEG)

09aug00:0023:59Nasionale Vrouedag

16aug(aug 16)00:0017(aug 17)23:59Interskole

16aug(aug 16)00:0017(aug 17)23:59Interskole (TUIS)

19aug18:0019:00Beheerraadvergadering

23aug00:0023:59Netbal: o.7-o.9 Toernooi Laerskool Tableview (WEG)

30aug00:0023:59Winter buitemuurs eindig

30aug01sepWelgemoed naweek

30aug07:4514:00Sivvies

Wys Meer

september 2024

30aug01sepWelgemoed naweek

02sep00:0023:59Somer Buitemuurs begin

06sep00:0023:59Somer Buitemuurs eindig

09sep(sep 9)00:0013(sep 13)23:59Konsertweek

12sep00:0023:59Mini-Krieket: Laerskool Van Riebeeckstrand (WEG)

16sep18:0020:00Beheerraad Begrotingsvergadering

19sep00:0023:59Markdag

19sep07:4514:00Sivvies

20sep00:0023:59Sivvies

20sep00:0023:59Skool Sluit

Wys Meer

oktober 2024

01okt00:0023:59Somer buitemuurs begin

01okt00:0023:59Skool heropen

03okt07:4514:10Graad 6 Lead4Life

04okt00:0023:59Ouma- en Oupadag

11okt00:0023:59Skaak: Toernooi Laerskool Panorama (WEG)

11okt07:4509:10Toets: Afrikaans (gr. 4 en 6), Engels (gr. 5 en 7)

12okt00:0023:59Tennis: 1ste Span Toernooi Laerskool Welgemoed (WEG)

14okt(okt 14)00:0018(okt 18)23:59Kultuurweek

18okt07:4509:10Toets: Afrikaans (gr. 5 en 7), Engels (gr. 4 en 6)

21okt18:0019:00Beheerraadvergadering

25okt07:4509:10Toets: Wiskunde (gr. 4-7)

25okt07:4514:00Sivvies

26okt00:0023:59Tennis: 1ste Span Toernooi Curro Brackenfell (WEG)

Wys Meer

november 2024

01nov00:0023:59Atletiek: Velditems

01nov00:0023:59Graad 1 Piekniek

02nov00:0023:59Atletiek: Baanitems

04nov18:0019:00Begrotingsvergadering met ouers

04nov18:0019:00Begrotingsvergadering met ouers

11nov18:0019:00Beheerraadvergadering

13nov00:0023:59Eksamen begin vir Graad 7

14nov00:0023:59Eksamen begin vir Graad 7

15nov00:0023:59Eksamen begin vir Graad 4 - 6

18nov00:0023:59Eksamen begin vir graad 4 - 7

26nov00:0023:59Eksamen eindig

27nov00:0023:59Eksamen eindig

28nov00:0023:59Carols by Candlelight

29nov07:4514:00Sivvies

Wys Meer

desember 2024

02des00:0023:59Graad 1-Prysuitdeling

02des00:0023:59Graad 3-Prysuitdeling

02des00:0023:59Graad 2-Prysuitdeling

03des00:0023:59Graad 5-Prysuitdeling

03des00:0023:59Graad 4-Prysuitdeling

05des00:0023:59Graad 6-Prysuitdeling

05des00:0023:59Graad 7-Prysuitdeling

09des00:0023:59Graad 7-afskeid

10des00:0023:59Sivvies

11des00:0023:59Skool sluit

11des00:0023:59Sivvies

13des00:0023:59Skool sluit vir onderwysers

Wys Meer