Op Saterdag, 10 Oktober, het Stella en Rafa Lamprecht aan die Kronenburg Virtuele “Duathlon” in die Paarl deelgeneem. 125 deelnemers het vir die byeenkoms op Kronenburg Landgoed ingeskryf. Stella en Rafa het beide 1.5 km gehardloop, oorgeslaan na 3 km se fietsry en toe weer 1.5 km gehardloop. In totaal het hulle die dag 6km afgelê.

Stella het 2de vir dogters O/10 geëindig met ‘n tyd van 32 min 18 sekondes. Rafa het 6de vir seuns O/7 geëindig met ‘n tyd van 34 min 5 sekondes. Die sportman in Rafa het vir homself ‘n doelwit gestel om sy tyd te verbeter en hy is op Saterdag, 17 Oktober, terug om weer deel te neem. Na harde werk en vasberandenheid gedurende die week het hy sy tyd verbeter en het hy 2de geëindig met ‘n tyd van 29 min 51 sekondes! Hy het sy tyd met 4 min 54 sekondes verbeter en so seuns van Paarl Gimnasium en ander plaaslike skole in die stof gelaat.

Stella en Rafa ontvang Sondag, 25 Oktober, hul pryse by Kronendal Landgoed. Baie geluk julle! Dis wonderlik om te sien dat ons leerders tydens hierdie onbekende tye steeds alle verwagtinge oortref en die skool se naam hoog hou! 

Baie dankie aan almal wat in kwartaal 3 geregistreer het. Na verskeie versoeke, het ons besluit om die swem gedurende kwartaal 4 vir graad 1-3 te begin. Dit beteken egter dat kinders nou hul inskrywings moontlik wil verander. Daarom begin ons met nuwe registrasies (vir graad 1- 3) vir kwartaal 4. Die graad 4-7 inskrywings bly dieselfde soos in kwartaal 3.

Hierdie spesiale buitemuurse program sal vir die grondslag- en intersenfase vanaf Maandag, 9 November, aangebied word. Vir die intersenfase sal dit op Donderdag, 19 November, eindig en vir die grondslagfase op Donderdag, 3 Desember.

Jou kind kan aan enige aktiwiteit van hul keuse deelneem. Die volgende reëlings geld STEEDS:

• Maskers moet gedra word. (Terwyl ‘n opdrag aan hulle verduidelik word en hulle as groep nader aan mekaar is, moet dit gedra word. As hulle die instruksie uitvoer en daar is sosiale afstand, mag hulle die maskers vir daardie oomblik afhaal.) 
• Maskers moet BUITE die swembad gedra word. In die swembad mag hulle dit verwyder terwyl hulle sosiale afstand toepas.
• Getalle word beperk na aanleiding van die beskikbare spasie en afrigters.
   o SWEM: slegs 16 per sessies
   o TENNIS: slegs 24 per sessies
   o MULTI-VAARDIGHEID: slegs 28 per sessie
• Vir die graad 1-3 multi-vaardigheid gaan ons op vaardigheidsontwikkeling fokus m.b.t. groot-en-kleinmotoriese vaardighede. Die vaardighede kan op verskeie sportkodes toegepas word.
• Leerders trek hul JvR-sportklere vir die aktiwiteite aan. Indien hulle nie die dag LO het nie, moet hulle die klere saambring skool toe en hier verklee.
• Onderwysers gaan streng wees op bywoning volgens leerders wat geregistreer het.
• Vir tennis moet leerders hul eie rakkette bring.
• Waar ons addisionele apparaat / toerusting gebruik, sal dit na elke sessie ontsmet word.
• Slegs leerders wat geregistreer is en ‘n “plek-opsie” kon kies, is gewaarborg van ‘n plek vir die daardie atiwiteit.
• Indien daar vir ‘n sekere aktiwiteit nie meer beskikbare plek is nie, kies “No More Options”. Dit gee vir ons ‘n aanduiding dat daar meer belangstelling is vir ‘n aktiwiteit en sal help met verdere ontwikkeling en aanpassing van ons program.
• Ouers mag steeds NIE op die skoolterrein uit hul karre klim NIE . Leerders sal na afloop van die aktiwiteit na die motors beweeg.  
• GEEN toeskouers word toegelaat nie.

VOLTOOI ASSEBLIEF DIE VORM VIR DIE GRAAD WAARIN JOU KIND(ERS) IS:
Graad 1
Graad 2
Graad 3

Die sluitingsdatum vir die grondslagfase is Maandag, 2 November, om 09:00. Indien jou kind in graad 4-7 nog aan ‘n aktiwiteit wil deelneem en nie geregistreer is nie, stuur ‘n epos aan sport@jvrprim.co.za met jou navrae.

Baie dankie vir almal wat geregistreer het vir die COVID buitemuurse program. Na aanduiding van die getal inskrywings vir graad 5 – 7 het ons besluit om die groepe saam te gooi vir tennis en atletiek. Die beteken dat almal nou op Dinsdae en Donderdae vanaf 14:15 – 15:00 saam tennis of atletiek gaan hê.
2020-Buitemuurse-program - COVID-program (6) (1)

Op Vrydag, 16 Oktober, en Saterdag, 17 Oktober, skep ons vir leerders die geleentheid om ‘n atletiekkliniek by te woon. Muller Joubert, atletiekafrigter by Laerskool Jan van Riebeeck vanaf 2018 – 2019 en tans ‘n spesialis-afrigter by La Rochelle in die Paarl, kom vir ons graad 5 – 7 leerders ‘n diskus- en spiesgooikliniek aanbied. Meneer André Lourens gaan vir ons graad 3 – 7 leerders hekkies-sessies aanbied. Daar is ‘n beperkte hoeveelheid openinge per sessie. Belangstellende atlete moet vinnig spring.

Sessie 1: Spiesgooi Gr.6 – 7 OF Hekkies Gr.3
Datum: Vrydag, 16 Oktober
Tyd: 15:00 – 16:30
Koste: R80 per kind per sessie

Sessie 2: Diskus Gr.6 – 7 OF Hekkies Gr.4
Datum: Vrydag, 16 Oktober
Tyd: 16:45 – 18:15
Koste: R80 per kind per sessie

Sessie 3: Spiesgooi Gr.5 OF Hekkies Gr.5
Datum: Saterdag, 17 Oktober
Tyd: 09:00 – 10:00
Koste: R80 per kind per sessie

Sessie 4: Diskus Gr.5 OF Hekkies Gr.6 & 7
Datum: Saterdag, 17 Oktober
Tyd: 10:30 – 11:30
Koste: R80 per kind per sessie

Atlete is welkom om beide sessies per dag by te woon. Ons beplan ook ‘n opvolg kliniek op 6 & 7 November. Betaling kan via die Karri App gedoen word. Registreer HIER vir Hekkies.

Die aangepaste buitemuurse program se doelwit is om ons leerders die geleentheid te bied om meer aktief te raak. Ons moet gedurende hierdie aktiwiteite steeds alle voorgeskrewe COVID-regulasies nakom.  Hierdie spesiale buitemuurse program sal vir die grondslagfase vanaf Maandag, 28 September, en vir die intersenfase vanaf Maandag, 5 Oktober, aangebied word. Dit sal tot Dinsdag, 20 Oktober, in die week waartydens kwartaal 3 eindig, aangebied word.
Jou kind kan op die onderskeie dae aan ‘n aktiwiteit van hul keuse deelneem.

•   Deelname vind meestal volgens die graadgroep plaas sodat ons sover moontlik nie verskillende grade meng nie. 
•   Maskers moet gedra word. (Terwyl ‘n opdrag aan hulle verduidelik word en hulle as groep nader aan mekaar is, moet dit gedra word. As hulle die instruksie uitvoer en daar is sosiale afstand, mag hulle die maskers vir daardie oomblik afhaal.) 
•   Getalle word beperk na aanleiding van die beskikbare spasie en afrigters.
            o TENNIS: slegs 24 per sessies (maksimum 6 per baan)
            o MULTIVAARDIGHEID: slegs 28 per sessie
            o ATLETIEK: slegs 40 per sessie
•   Leerders sal met die skool se bussies na die Conradieveld en terug vervoer word. Maskers moet altyd gedra
    word en leerders moet hul hande ontsmet voordat hulle in die busse klim.
•   Leerders trek hul JvR-sportklere vir die aktiwiteite aan.
•   Onderwysers gaan streng wees op bywoning volgens leerders wat geregistreer het.
•   Vir tennis moet leerders hul eie rakkette bring.
•   Waar ons addisionele apparaat / toerusting gebruik, sal dit na elke sessie ontsmet word.
•   Slegs leerders wat geregistreer is en ‘n “plek-opsie” kon kies, is gewaarborg van ‘n plek vir die daardie
    aktiwiteit.
•   Indien daar vir ‘n sekere aktiwiteit nie meer beskikbare plek is nie, kies “NO More Options”. Dit gee vir ons ‘n aanduiding dat daar meer belangstelling vir ‘n aktiwiteit is en sal help met verdere ontwikkeling en aanpassing van ons program.
•   Ouers mag steeds NIE op die skoolterrein uit hul karre klim NIE . Leerders sal na afloop van die aktiwiteit na die motor beweeg.  
•   Ouers mag NIE op die veld / perseel by die Conradieveld kom nie. Hulle moet buite die Conradieveld se hek wag. Leerders sal na hul aktiwiteit hul ouers by die hek ontmoet. GEEN toeskouers word toegelaat nie.
•   Die Steyntjie (groot bus) sal op die onderskeie dae later vertrek:
           o Maandae en Woensdae 15:15
           o Dinsdae en Donderdae 15:45
Graad 1
Graad 2
Graad 3
Graad 4
Graad 5
Graad 6 & 7

Ons is besig om moontlikhede vir ‘n aangepaste buitemuurse program wat binne die COVID-regulasies kan plaasvind, te ondersoek. Intussen kan ouers enige tyd van Sports Hub en Daniels Tennis Academy se dienste gebruik maak vir privaatafrigting.
Sports hub