Kategorie: Kuns en Kultuur

Beide Gerhard en Chrystal Conradie doen jare lank al TV-advertensies, stem-werk en films. Op 24 Augustus is Gerhard na KykNet se Silwerskerm Filmfees by die Bay Hotel genooi vir ‘n Kortfilm, “Eensaam”, waarin hy teenoor Erica Wessels en Morne Visser speel. Gerhard en Chrystal het ook onlangs op die Via-kanaal in die kortfilm “Padlangs” saam met Viljé Maritz gespeel.

Ons is almal baie trots op die akteur en aktrise!

Dis hier! Het jy al jou kaartjie op Karri bespreek??

• Wanneer: Woensdagaand, 30 Augustus, om 18:30
• Opwindende talent!
• Lekker eet- en drinkgoed te koop
• Bring die hele gesin!

Sien jou daar!

Abigail Fourie het op 12 Augustus aan WP se distrikskompetisie vir Ritmiese Gimnastiek deelgeneem. Sy het onderskeidelik ‘n podium posisie vir “freehand” en “lint” verwerf en sy het op die dag algeheel 3de geëindig. Sy neem op 26 Augustus aan WP-proewe deel.

Baie geluk, Abigail.  Ons hou duimvas vir die 26ste!

Terwyl die Interskole-gees ons gange gevul het, het die gr. 7’s gesorg vir balans deur die kunsuitstalling by die Welgemeend se jaarlikse “Maand van Kuns” op Dinsdag, 15 Augustus, te besoek (weliswaar as kleurvolle Barbies en Kens!).

Die titel van hierdie jaar se uitstalling is ‘Kaapse oomblikke’ en is moontlik gemaak deur die samewerking tussen Strauss & Co, die Kilbourn-familie en genooide versamelaars. Die uitstalling bestaan uit ‘n wye verskeidenheid van historiese en kontemporêre werke wat die geografie, karakter en geskiedenis van die Wes-Kaap uitbeeld. Dit was ‘n groot voorreg om werke deur kunstenaars soos, onder andere, Irma Stern, Pierneef, Gwelo Goodman, Peter Clarke, George Hallet en David Goldblatt saam te sien. Elmarie van Straten (Strauss & Co) het die leerders begelei en hulle vrae beantwoord.

‘n Hoogtepunt was die ‘kunsskattejag’. Die leerders het bladsye gekry met blokkies wat gedeeltes van sekere kunswerke wys. Hulle moes die werke fyn ondersoek om die gedeeltes te identifiseer en dan die name van die kunstenaars by die ooreenstemmende blokkie te skryf.

Die uitstalling duur tot 31 Augustus en is beslis ‘n besoek werd!

Foto 2: Ruben Oosthuizen voor Goldblatt se ‘Dethroning of Cecil John Rhodes’ – wonder of hy die standbeeld van Rhodes sien as die voorland van Dirkie Uys hierdie naweek?!

Liewe Drama-Ouers,

As gevolg van die sportnaweek is drama vir gr. 1 – 3 vandag 11:45 – 12:35 en daar is ongelukkig geen drama vir gr. 4 – 7 nie. Baie dankie en lekker naweek!

Baie geluk aan ons vier aanbieders wat uitstekende oudisies geslaag het. Ongelukkig het nie een van die ander kandidate opgedaag vir oudisies nie, maar hierdie vier gaan styl en luister aan die aand verleen:

Kerala en Ashlyn
Mieke en Carmen

Onthou om julle kaartjies op die Karri-toep te koop.

Nell du Toit in graad 5 dans in Cape Town City Ballet se Don Quixote. Dis van 12 Aug. – 2 Sept. 2023 by die Artscape.

Volg gerus die skakel om kaartjies vir die produksie te koop. Geniet hierdie fantasiese geleentheid, Nell!

Ons opwindende Talentaand is om die draai!! Onthou om 30 Augustus om 18:30 oop te hou vir hierdie skouspel van talent. Die kaartjies is vinnig besig om uit te verkoop. Bespreek jou kaartjie NOU op Karri: R100 vir volwassenes en R50 vir kinders.

Baie geluk aan al die Jannies wat verlede week aan die tweede Hoërskool Jan van Riebeeck-kunstefees deelgeneem het en uitstekende uitslae behaal het!

Kodes:
B- 70+
B – 75%
A – 80%+
A+ – 85%+
A++ – 90%+
A+++ – 95%+

INSTRUMENTAAL
Sabine Barnard (klavier) A
Ruben de Ridder (klavier) A+
Susie Samuel (klavier) A-
Karu Rademeyer (klavier) A++
Leah de Kock (klavier) A+
Sabine Barnard (klavier) A+++
Ruben de Ridder (klavier) A+
Susie Samuel (klavier) A++
Leah de Kock (klavier) A
Susie Samuel (klavier) A+++
Leah de Kock (klavier) A+
Leah de Kock (klavier) B
Karu Rademeyer (klarinet) A+++

SANG
Jean-Jacques Rossouw (sang) A+++
Daniella Boshoff (sang) A+++
Pieter Rademeyer (sang) A++
Karu Rademeyer (sang) A+
Daniella Boshoff (musiekblyspel) A+++
Karu Rademeyer (musiekblyspel) A+++

DRAMA
Jean-Jacques Rossouw (voordrag: poësie) A++
Petronella Gouws (voordrag: poësie) A
Pieter Rademeyer (voordrag: poësie) A+
Karu Rademeyer (voordrag: poësie) A++
Karu Rademeyer (voordrag: prosa) A+++

SPELATHON
Alexander Styan A++
Petronella Gouws A+++
Jean-Jacques Rossouw B-

TALETHON
Alexander Styan A++

LEES
Alexander Styan A+++

READING
Alexander Styan A++

Stella Zulch het haar Graad 1 Trinity Eksamen in tromme deur die Welgemeend Skool vir Musiek voltooi en maak ons baie trots. Sy het uitstekend gevaar en ‘n totaal van 88 uit 100 gekry. Baie geluk, Stella!

Indien JvR-leerders belangstel, kan ouers hul self inskryf:

Die Paarl Talentkompetisie is ‘n inisiatief van Laerskool WA Joubert en skep aan talentvolle kunstenaars die platform om hulle talente met die res van die Paarl te deel. Die komitee bestaan uit stigterslede Marinda Hunter van Laerskool WA Joubert asook Johan Roos van Bokradio en oud-leerder van Laerskool WA Joubert. Die sub-komiteelede is Marli Marais (admin), Lizaan Durr (finansies) en Jana Broodryk (bemarking).

Die kompetisie verloop as volg:

• Vanaf 25 – 28 September word vier uitdunrondtes gehou by Laerskool WA Joubert.
• Bekenstelling van finaliste asook video opnames van deelnemers (21 Oktober).
• Gala-aand – 11 November

Die algehele prysgeld in totaal is R16 000 waarvan daar ‘n Junior- (R2 000), Senior- (R4 000) en Ope-wenner (R4 000) aangewys gaan word. Uit hierdie drie finaliste word dan ‘n algehele wenner (R6 000) aangewys.

• Junior-wenner R2 000
• Senior-wenner R4 000
• Ope-wenner R4 000
• Algehele wenner R6 000

Volg die skakel vir die inskrywingsvorm.

Ons sien daarna uit om u inskrywing te ontvang.

By voorbaat dankie

WA Joubert Talentkompetisie-span

Karu het vir die redenaarsafdeling by Radikaal 4de in die Wes-Kaap geëindig. Hulle het die Saterdag in Worcester slegs die afdelingwenner aangekondig, maar in die vakansie die finale lys met uitslae ook aangestuur. Sy het in twee ander leesafdelings gewen waarvoor sy in Oktober nasionaal toe gaan. Baie geluk, Karu!

Op kort kennisgewing gaan ons kore volgende Dinsdagaand, 1 Augustus, saam met Jak de Priester by die Groote Kerk sing. Dit word deur Hoërskool Jan van Riebeeck aangebied. St Cyprians koor sal ook sing. Die kore van Hoërskool en Laerskool Jan van Riebeeck gaan die gehoor met ‘n verskeidenheid werke betower. Die vertoning sluit ‘n optrede deur die Jak de Prister in en die aand word op ‘n hoogtepunte afgesluit met ‘n massa-kooroptrede saam met Jak.

Kaartjies – indien nie vooraf uitverkoop nie – sal ook by die deure beskikbaar wees!

• Kaartjies is R80 en kan op Quicket of by die deure gekoop word.
• Koorlede dra almal sweetpakke en tekkies.
• Die Seniorkoor sal op die galery sit.
• Die Juniorkoor sit by hul ouers.
• Koorlede moet om 17:00 aanmeld vir ‘n klanktoets.
• Die program begin om 18:30 en sal om ongeveer 20:00 eindig.
• Koorlede oefen asb. alleen by die huis: “Hiep hiep hoera, Suid Afrika” van Jak de Priester.
• Ouers moet ASB. nie kinders later as 20:15 kom haal nie.

Hoop om julle almal daar te sien!

1. Na vele oorweging is daar besluit dat die kore hierdie jaar in hul sweetpakke en tekkies sal optree. Indien jou kind iets nie het nie, leen asb. by maats vir die geleenthede.
2. Ons is op kort kennisgewing genooi om deel te wees van ‘n koorkonsert by die Groote Kerk saam met Jak de Priester. Die voorlopige datums is 1 of 2 Augustus, dit sal nog bevestig word. Wees net solank bewus hiervan. Ons besluit volgende week of ons hieraan gaan deelneem.
3. Die Weskus Koorfees is hierdie jaar by Laerskool Table View. Die datum vir ons skool is nog nie vasgemaak nie, maar dit sal tussen 16 en 19 Oktober wees.
4. Daar is 2 Kerssangdienste waar ons kore gaan optree:
   • Tamboerskloof NG Kerk – datum sal nog bekend gemaak word (moontlik Sondag, 26 November)
   • Drieankerbaai NG Kerk – 3 Desember om 19:00
   • By die Kerssangdienste dra die koorlede almal WIT klere – dit lyk so feestelik!

Ons skop die kwartaal se privaat-dramalesse vanaf Maandag, 24 Julie, af.

Tye is as volg:

Gr. 1-3
Maandag: 14:30 – 15:30
Woensdag: 14:10 – 15:10
Vrydag: 13:00 – 14:00

Gr. 4-7
Maandag: 15:30 – 16:30
Woensag: 15:10 – 16:20
Vrydag: 14:00 – 15:00

Ons sien baie uit na ‘n heerlike kwartaal 3!