Kategorie: Algemeen

Marinda Brink – 27 Julie 2025

Ek lees ‘n eeu oue verhaal

van lewenswel en -weë, soos Laurika sing

waar Japie Louw en Trudie de Waal

Afrikaans as Moedertaal spoke jaag

om ons taal amptelik te bewaar.

En waarheen al die woorde is,

sal net Jannies kan verklaar.

Afrikaans, ons taal – groei en vernuwe

om nog ‘n 100 jaar amptelik te bly staan.

Japie, ons is jou dankbaar wat voet-by-stuk

gehou het dat ‘n Jan van Riebeeck-kultuur

fier en vors trots kan staan om liefde vir ons mooie

taal met die ander elf Tale te deel.

LS JvR jou waardes geëets teen Tafelberg, Leeukop en Seinheuwel

Respek

Eerlikheid

Verantwoordelikheid

Omgee

Lig omhoog jou heilsaamheid

om kinders in wêreldburgers te omskep.

Voorwaarts vir Afrikaans –

ons mooie taal vir nog eeue om te vier.

Kom maak ‘n draai by die boekuitstalling op 25-27 Augustus in die mediasentrum. Ouers is ook welkom om na skool saam met hul kinders te kom inloer.

Christiaan het die afgelope naweek Pretoria toe gereis vir die Johnny Reitz Big 5-stoeitoernooi – die grootste van die jaar met 834 deelnemers. Hy het vier wedstryde gestoei, waarvan hy drie oortuigend gewen het sonder dat sy teenstanders enige punte kon aanteken – een selfs binne 27 sekondes!

Sy laaste wedstryd was eers na 20:00 en het tot die laaste sekonde vol spanning gebly. Alhoewel hy op punte verloor het, het hy ’n welverdiende silwer medalje huis toe gebring.

Met hierdie prestasie het Christiaan se jaarlike totaal nou op drie goue en drie silwer medaljes te staan gekom. Baie geluk – jou harde werk en deursettingsvermoë is ’n inspirasie!

Veels geluk aan die JvR-ballerinas met hul uitsonderlike prestasies! Hierdie talentvolle dansers het onlangs hul Royal Academy of Dance-balleteksamens met groot sukses voltooi by die Cape Ballet Centre.

Hul uitslae weerspieël maande se toewyding, dissipline en liefde vir die kuns van ballet. Wel gedaan, pragtige ballerinas!

Vlak 1 Eksamen

• Octavia Ackermann – Hoë Onderskeiding (Dubbel Goud)
• Anna Leach – Hoë Onderskeiding (Dubbel Goud)
• Deidre Louw – Hoë Onderskeiding (Dubbel Goud)

Vlak 2 Eksamen

• Christina du Toit – Hoë Meriete (Dubbel Silwer)
• Inge Engelbrecht – Onderskeiding (Goud)
• Olivia Faling – Hoë Meriete (Dubbel Silwer)
• Eliana Greef – Onderskeiding (Goud)
• Karen James – Onderskeiding (Goud)
• Mila Malan – Onderskeiding (Goud)
• Kitty Partner – Onderskeiding (Goud)
• Sophia Price – Onderskeiding (Goud)

Ons sien uit daarna om ons JvR-ballerinas van Cape Ballet Centre op die verhoog te sien skitter by die Artscape op 19 Oktober 2025!

Hierdie kwartaal gaan ons iets besonders doen — ons gaan die onderwysers van ons buur-skool, Prestwich Primary, verras en bederf in hul personeelkamer!

Dié toegewyde onderwysers werk ongelooflik hard en ontvang min erkenning. Laat ons saam ’n verskil maak deur hulle te waardeer met lekkernye en ’n klein geskenkie.

Hoe kan jy help?

Maak ’n vrywillige donasie via die KarriApp – elke bydrae help ons om hierdie spesiale bederf moontlik te maak.

????️ KarriApp oop: 4 Augustus – 5 September 2025

Saam sê ons: Dankie, Juffrou! ❤️

???? Loslitdag is hier! ????

Wanneer: Vrydag, 5 September 2025

Tema: Beyond the Label

Koste: R20

Kom wys jou ware kleure op Loslitdag! Leerders mag op 5 September in sivvies skool toe kom — maar net as jy ‘n Loslit-plakker het!

Koop jou plakker vir slegs R20 op Karri en help om bewusmaking te skep oor die belangrikheid daarvan om mense nie volgens hul etiket te beoordeel nie.

Wees deel van die verandering — gaan beyond the label!

Baie sterkte aan Katryn Silvis wat Woensdag, 6 Augustus aan ATKV-redenaars se nasionale finale ronde by ATKV-Goudini Spa deelneem.
Ons hou duimvas en jy het ons reeds trots gemaak!

Indien jy nie in kwartaal 2 ‘n Karri-kaart bestel het nie en nou een wil hê, kan jy direk deur hul webtuiste vir jou kind ‘n kaart bestel. Jy kan jou eie adres gebruik vir aflewering. 

Volg hierdie skakel om ‘n kaart te bestel: KARRI KAART 

Maia du Toit en Willem Viljoen het die afgelope naweek die Wes-Kaap verteenwoordig in die o.11-dubbels tennistoernooi teen Boland. Hoewel Boland uiteindelik die toernooi gewen het, was daar verskeie baie noue en kompeterende wedstryde. Goed gedaan, Maia en Willem – ons is trots op julle deelname en sportmangees!

Ons is trots om aan te kondig dat Aiyana Alfredo op 17 Julie die Wes-Kaap verteenwoordig het by die Akrobatiese Solo-dans Sport Assosiasie se Nasionale Kampioenskappe in Johannesburg. Sy het ’n uitstekende telling van 8.9 uit 10 vir haar vertoning behaal. Baie geluk, Aiyana – ons is ongelooflik trots op jou prestasie!

Ons is trots om te deel dat Bordeaux onlangs ‘n brons medalje verwerf het tydens die Suid-Afrikaanse Judo Kampioenskappe. Baie geluk, Bordeaux!

Ons ouerbesoeke vir die derde kwartaal vind plaas op Maandag, 28 Julie en Dinsdag, 29 Julie 2025. Hierdie geleentheid stel ouers in staat om eerstehands met onderwysers te gesels oor leerders se vordering, prestasies en enige areas van ondersteuning.

???? Volg hierdie skakel om ‘n tydgleuf te bespreek: KLIK HIER

Vir enige navrae, maak asseblief kontak met die betrokke klasonderwyser of stuur ‘n e-pos aan megan@jvrprim.co.za

Ons is baie trots om aan te kondig dat die fliek Alma Oppad op 20 Augustus as die openingsfilm van die Silwerskermfees vertoon sal word!

Wat hierdie prestasie vir ons skoolgemeenskap ekstra spesiaal maak, is dat twee van ons eie Jannies, Gerhard Conradie en sy sussie, Chrystal, rolle in die film vertolk. Dit is ’n merkwaardige mylpaal vir die Conradie-gesin én ’n inspirasie vir ons jong sterre wat droom van ‘n loopbaan in die uitvoerende kunste.

Ons het die naweek vier JvR meisies gehad wat by Western Cape Championships for Rhythmic Gymnastics, deelgeneem het. Hulle het die volgende medaljes verower:

Silwer

• Olivia Faling
• Nina Burger
• Klara Pfeiffer

Goud

• Emma Kuys

Ons is ongelooflik trots op die vier meisies!