Kategorie: Algemeen

Program: Laaste week van kwartaal 3

25 September, 2025 / Algemeen, Nuus

Hier volg inligting rondom die beplanning vir die laaste week van kwartaal 3:

Maandag, 29 Sept:

Klasse ruil soos normale rooster – akademie gaan voort
Tennis uitspeel rondtes
Krieket 13A-toer

Dinsdag, 30 Sept:

Klasse ruil soos normale rooster – akademie gaan voort
Tennis uitspeel rondtes

Woensdag, 1 Okt:

Klasse ruil soos normale rooster – akademie gaan voort
Tennis uitspeel rondtes
Algemene kennis toets

Donderdag, 2 Okt:

Klasse ruil nie
Sivviedag
Markdag – Intersenfase verkoop (10:00)
Tennis uitspeel rondtes
Jan Kas gesluit
Skool verdaag om 13:00 vir gr. 1 – 7

Vrydag, 3 Okt:

Klasse ruil nie
Sivviedag
Vorderingsverslag (rapport) word elektronies gestuur
Tennis uitspeel rondtes
Jan Kas gesluit
Skool sluit om 10:30 vir gr. 1 – 7

Begrotingsvergadering: Maandag, 03 November 2025

25 September, 2025 / Algemeen, Nuus

Beste Ouers,

Sien asseblief baie belangrike inligting hier onder rakende ons jaarlikse begrotingsvergadering op 3 November 2025:

Begrotingsvergadering Maandag, 03 November 2025

Pragtige Musiek in die Welgemeend

19 September, 2025 / Algemeen, Nuus

16 November – DAGBOEK DIE DATUM EN BESPREEK

‘n Baie besonderse konsert in die Welgemeend-herehuis (op die JvR Hoërskool-terrein), Tuine, Kaapstad, word op Sondag, 16 November, aangebied – om 12:30 en 15:30.

Baie bekende Hofmeyr-kunstenaars tree op – in erkenning aan die familie se lang verbintenis met Welgemeend:

· Violis, Zanta Hofmeyr

· Fluitis, Melané Hofmeyr-Burger

· Sanger-liedjieskrywer, Laurinda Hofmeyr

· Komponis, Hendrik Hofmeyr – wat komposisies spesiaal vir die konsert skryf.

Kaartjies teen R250 (R200 vir pensionarisse en studente), wat ook verversings insluit, kan by Quicket bespreek word:

Hofmeyr Artists in Concert

Jantrap: 27 September 2025

19 September, 2025 / Dapper Stappers, Nuus

Kom trap saam in die mooiste wynlandskap op die 27ste September by Meerendal. Kies tussen ‘n 5km en 10km roete. Almal is welkom. Meer inligting op die WhatsApp-groep.

Sluit hier aan:

Jantrap: WhatsApp-Groep

Dapper Stappers: 20 September 2025

19 September, 2025 / Dapper Stappers, Nuus

Kom herlaai in die natuur ná ‘n besige derde kwartaal en stap saam die Elephant’s Eye-roete op 20 September. Meer inligting is op die WhatsApp-groep beskikbaar.

Sluit hier by die groep aan:

Dapper Stappers: WhatsApp-Groep

Christiaan verower goud in stoei

15 September, 2025 / Algemeen, Nuus

Ons is trots om aan te kondig dat Christiaan Cronje, op 6 September 2025, aan die Parow Wrestlemania Toernooi deelgeneem het. Hy het in die Freestyle, FS-U/10-afdeling kragte gemeet en met groot vasberadenheid die goue medalje gewen.

Baie geluk, Christiaan, met hierdie uitstaande prestasie! ????

Drukwerk by die skool

12 September, 2025 / Algemeen, Nuus

Het jou kind nodig om iets te print? Moenie bekommerd wees nie, ons help jou graag by die skool!

Swart & wit: R5 per bladsy
Kleur: R10 per bladsy

Onthou net om jou dokument in PDF-formaat te stuur, minstens 24 uur voor die tyd, na marecia@jvrprim.co.za

Korrekte uitspraak van Nkosi Sikelel’ (Ons Volkslied)

12 September, 2025 / Algemeen, Nuus

Weekliks sing ons die volkslied uit volle bors, arms langs die sye, met groot entoesiasme en uiters trots op ons mooi, diverse land. Ons wil egter verseker dat ons elke taal wat in die volkslied ter sprake is, respekteer deur die woorde korrek uit te spreek. Ons sal dit op ‘n georganiseerde manier met die onderskeie graadgroepe implementeer.

Kan ons vra dat julle hierdie video saam met julle kinders by die huis kyk, ter voorbereiding van ons inisiatief:
Emirates Karaoke Anthems: South Africa

Kommunikasie aan onderwysers

11 September, 2025 / Algemeen, Nuus

Ons streef na ope en gemaklike kommunikasie tussen alle partye om gesonde verhoudinge met ons skoolgemeenskap te handhaaf. Ons rig egter ‘n vriendelike versoek om ons kommunikasiepraktyk te respekteer:

Indien jy dringend met ‘n onderwyser tydens klastyd wil gesels deur gebruik te maak van WA-geskrewe of stemboodskappe en e-posboodskappe, ens. moet jy asseblief kennis neem dat die onderwyser se kernfokus spesifiek op onderrig en betrokkenheid by ons leerders gedurende klastyd lê. Ons onderwysers beantwoord baie graag boodskappe vanaf ouers, maar doen dit sodra hulle ‘n adminperiode tot hul beskikking het. In ons beleid stipuleer ons dat boodskappe binne 24 uur beantwoord sal word. Indien jy ‘n boodskap dringend onder die onderwyser se aandag wil bring en dit nie kan wag nie, moet jy asseblief vir Adri Marais (LS JvR) en/of Roxanne Kiko (Huppelland) kontak sodat hulle die boodskap direk en spoedig moontlik aan die onderwyser kan oordra.

Baie dankie vir die samewerking in hierdie verband.

Kontakbesonderhede:
Adri (ontvangs) – 021 423 4209
Roxanne (Huppelland) – 021 424 6056

Blokkies bou: BCSA en CapeLUG-uitstalling

11 September, 2025 / Akademie, Akademie, Algemeen, Kuns en Kultuur, Kuns en Kultuur, Nuus

Ons is super opgewonde en bevoorreg om BCSA en CapeLUG as deel van ons Akademiese- en Kultuurweekprogram te verwelkom.

Graad 1 – 3-leerders gaan heerlik blokkies bou terwyl die gr. 4 – 7-leerders torings vooraf in groepe gaan beplan en dit dan met bepaalde blokkies en figuurtjies gaan bou om te bepaal watter groep se toring die sterkste, hoogste, maklikste vervoer kan word, ens. is. BCSA bring hul eie blokkiestelle waarmee leerders gaan speel en bou terwyl CapeLUG se lede hul modelle gaan uitstal vir die maats wat baie geïnteresseerd is in blokkies bou.

Hierdie organisasie doen dit vrywillig en geen koste is hieraan verbonde nie. Ons wil hulle egter ondersteun deur blokkies in te samel sodat hulle dit vir ander projekte kan aanwend. Sien gerus die onderstaande inligting oor hierdie organisasie.

Information for donations

What is Brick Club SA

Brick Club SA is a donation driven community initiative that brings play first activities to South African communities. We host free building sessions mainly in public libraries, with occasional Brick Club Experiences at daycares, children’s homes, and community centres. Children are the builders. Parents are welcome to be present and encourage them. Our duck mascot reflects our raise a village idea. Many small parts working together make something strong. Ducks are social, resilient, and intelligent. That spirit shapes how we welcome families and keep play simple, joyful, and free. Every Child, Every Brick, Every Possibility.

Where your donations go: Club Boxes

We wash and sort both new and used genuine LEGO® and pack them into Club Boxes issued to participating librarians. We choose libraries because they are safe and inclusive community hubs. In some areas they are among the few neutral safe spaces that everyone respects. Each Club Box can support about 20 to 40 children, depending on staffing. The same boxes are used by librarians or Club Leaders for ECD sessions, reading programs, holiday activities, and outreach. We also have homeschool groups and are piloting a neurodiversity group for 6 to 8 children where stimming and each child’s uniqueness are embraced in a welcoming environment. LEGO® is expensive. Many children know it but cannot access it. Librarians see wish lists that simply ask to play with real LEGO. Your donations help create new Club Boxes stocked with minifigures, baseplates, wheels, windows, and DUPLO® for younger builders. We issue these boxes as part of BCSA with monthly theme support, supply rotation, and guidance at no cost, so play stays free for families.

Brick Club SA is run entirely by volunteers and funded only by donations. Your contribution helps us expand as demand grows and supplies remain limited.

LEGO® and DUPLO® are trademarks of the LEGO Group, which does not sponsor, authorize, or endorse Brick Club SA.

You can see what we do or share https://www.facebook.com/BrickClubSA and our display with CapeLUG here https://www.facebook.com/share/p/16zNGKj9gR/

Vakansiesorg: 6– 10 Oktober 2025

11 September, 2025 / Algemeen, Nuus

Sien meer besonderhede oor vakansiesorg hier onder:

VAKANSIESORG OKTOBER 2025

Trots op ons Jannies: Matriekraad 2025/2026

10 September, 2025 / Algemeen, Nuus

Baie geluk aan ons Jannies wat tot die 2025/2026 Matriekraad verkies is!

’n Spesiale geluk aan Fredrich Erasmus (hoofseun), Luca Zulch (hoofdogter) en Daniel Wasserman (onderhoofseun). Ons is ook trots op die res van die leerderraad wat oud-Jannies is nl. Kate Heyns, Lara Pieterse, Hendrik Bredenkamp, Elle Nortje, Jan Karsten, Carla Snijders en Mia Symington.

Jannies Talent: 25 September 2025

5 September, 2025 / Algemeen, Jannies Talentaand, Kuns en Kultuur, Nuus

Kom geniet ’n aand vol talent en pret!

???? Donderdag, 25 September

???? Skoolsaal

⏰ 18:00

Kaartjies beskikbaar op Karri.

WP Topskole Toernooi

4 September, 2025 / Algemeen, Nuus, Skaak, Sport, Sport

Ons o.9-span gaan die naweek deelneem aan die WP Topskole Toernooi.

Ons wens elke speler en afrigter alle sterkte toe – julle harde werk en toewyding bring ons groot trots!

Ons weet julle gaan beslis die Jannie-naam hoog hou en ons skool met trots verteenwoordig. Kom ons staan almal saam agter ons jong kampioene!

Dané aangewys as Top 10 junior danser

4 September, 2025 / Algemeen, Nuus

Dané Olivier het in Augustus aan die TIME-danskompetisie deelgeneem, waar daar sowat 3 000 inskrywings was in verskeie dansstyle. Sy het uitstekend presteer en plekke in ballet- sowel as kontemporêre solo’s en groepe behaal. Sy is ook aangewys as een van die Top 10 junior dansers.

In Desember gaan Dané Barcelona toe om aan die internasionale Youth Grand Prix-balletkompetisie deel te neem. Sy is een van slegs vyf dansers van haar balletskool wat vir hierdie groot geleentheid gekies is.