Kategorie: Algemeen

2025 Jan van Riebeeck-gholfdag
/ Algemeen, Nuus

Vind asb. aangeheg inligting vir die 2025 Jan van Riebeeck-gholfdag. Daar is slegs 12 x 4 balle beskikbaar. Neem kennis dat gholfkarretjiebesprekings vir jou eie rekening sal wees en direk by die proshop bespreek moet word.

Kontak mnr. Rashard vir besprekings, borgskap van pryse of putjies en navrae indien u enige het.

067 311 8914 of sport@jvrprim.co.za

GOLF DAY
Versoek om Uitstaande Biblioteekboeke Terug te Stuur
/ Algemeen, Nuus

Oor die afgelope paar jaar het daar verskeie persone in beheer van ons skoolbiblioteek gewissel, en ons werk tans daaraan om ons rekords op te dateer en seker te maak dat alle biblioteekboeke teruggestuur word.

As jou kind steeds biblioteekboeke by die huis het, vra ons asseblief dat dit so gou moontlik terug na die skool gestuur word. Dit sal help om ‘n akkurate inventaris te behou en te verseker dat alle leerders toegang het tot die hulpbronne wat hulle nodig het.

Baie dankie vir die samewerking en ondersteuning in hierdie verband.

Kerskonsert: 28 November 2024
/ Algemeen, Kuns en Kultuur, Nuus
Kerskonsert: 28 November 2024

28 November 2024 om 19:00 | Skoolsaal
R50 pp – Kaartjies op Karri beskikbaar

Hoe leer ek my kind om verantwoordelikheid vir foute te aanvaar?
/ Algemeen, Jannies Gesprekke, Nuus, Zen Den Gesels
Dis so moeilik vir ons as ouers om ons leerders die geleentheid te bied om self foute te maak en dan verantwoordelik vir hierdie foute te aanvaar.  Hoe moet ons dit hanteer?
Lees gerus hier oor die advies wat Marike Badenhorst vanuit die Zen Den aan ons bied.

Hoe leer ek my kind om verantwoordelikheid vir hulle foute te aanvaar?

Ongeag ‘n ouer se poging om die waarde van eerlikheid by jou kind te vestig, lyk dit soms of hy/sy enige iets doen om nié verantwoordelikheid daarvoor te aanvaar nie. Hoekom nie? Hier volg moontlike redes waaraan ons as volwassenes nie altyd dink nie:

  • Vrees vir kritiek (disapproval): Jou kind mag bang wees om jou/die onderwyser/vriende teleur te stel. Deur nié verantwoordelikheid daarvoor te aanvaar nie, hoop hulle om die negatiewe gevolge te ontduik wat mag volg.
  • Hoe wil ek hê moet ander my sien? Kinders, net soos volwassenes, wil gesien word as goed, bekwaam en eerlik. Daarom “beskerm” hulle hierdie beeld deur die blaam op iemand te verskuif of te ontken hulle is skuldig. Hulle glo hulle gaan dan nie gekonfronteer word of iemand nie teleurstel nie.
  • Om die gevolge te vermy: Deur die blaam op ander te plaas, hoop die kind hy/sy gaan die gevolge vryspring wat hy/sy weet gaan volg en waarvoor hy/sy ie kans sien nie.
  • Gebrek aan emosionele regulering: Soms is die emosies wat mag volg – skaamte, skuldgevoelens/ verleentheid – vir die kind nét te veel om te hanteer. Om die blaam te verskuif, gebruik hulle hierdie verdedigingsmeganisme om nié hierdie uitdagende emosies in die oë te kyk nie.

So, wat kan ons as ouers doen sodat ons kinders gemakliker kan sê: “Ek is jammer?”

  • “Normaliseer” foute: Vir jou kind om eerlik met jou te wees en te aanvaar hulle het ‘n fout gemaak, moet hulle glo om foute te maak, is aanvaarbaar. Gesels met jou kind en wees eerlik oor die foute wat jý gereeld maak en hoe jý daarop reageer.
  • “Stop. Begin weer”: Wanneer jou kind reageer met verskonings, ontkennings en argumente, probeer dalk hierdie eenvoudige tegniek: “Stop. Kom ons begin van vooraf.” Help hulle om te besef dat al wat hulle hoef te doen, is om verskoning te vra, dit agter hulle te sit en aan te gaan. Dit sal die gewoonte kweek om te aanvaar iets kán skeefloop, maar jy het altyd weer ‘n kans om dit nie weer te doen nie.
  • Soek saam met hulle na beter opsies: ‘n Kind wat kan aanvaar hy/sy mag foute maak het gewoonlik ouers wat openlik hieroor kan praat en saam met hulle kinders kyk na ander maniere om die probleem op te los. Probeer: “Ek verstaan hoekom jy dit gedoen het, maar wat dink jy kan jy volgende keer anders doen?”
  • “Back off a little”: Soms is dit net nodig om terug te staan sodat jou kind uit sy/haar foute leer. Dit is dikwels die enigste manier hoe jou kind kan leer om ander opsies te oorweeg.

Marike Badenhorst            
Opvoedkundige Sielkundige

Beskerm Ons Buurt – Staan die voorgestelde Leeukop/Aloe ontwikkeling tee
/ Algemeen, Nuus

Geagte Inwoners van die Bo-Stadskom, ’n Aansoek vir ’n groot, sesverdieping-ontwikkeling aan die bopunt van Leeukopstraat is by die Stad Kaapstad ingedien. Indien dit goedgekeur word, sal hierdie gebou van 41 woonstelle die rustige, voorstedelike karakter van ons buurt dramaties verander en beduidende verkeersopeenhoping en veiligheidsrisiko’s byvoeg tot ’n reeds besige area.

Waarom Dit Belangrik Is
Die beplande ontwikkeling sal verkeer op Kloofnekweg drasties verhoog en tot 60 bykomende voertuie by die nou Leeukop-Quarry Hill kruising voeg, wat gevaarliker toestande sal skep. Kloofnekweg het reeds ernstige ongelukke met swaarvoertuie gehad, en hierdie verhoogde verkeer bedreig beide bestuurders en voetgangers, insluitend skoolkinders wat die gebied daagliks gebruik. Buiten verkeer, stel hierdie projek ’n kommerwekkende presedent vir toekomstige grootskaalse ontwikkelings in die Stadskom, wat die unieke karakter van buurte soos Tamboerskloof, Oranjezicht en Higgovale in gevaar stel. Ons glo dat hierdie ontwikkeling, wat hoofsaaklik vir beleggers ontwerp is, die harmonie van ons gemeenskap sal versteur, eiendomswaardes sal verlaag en die bekoring van ons gebied sal ondermyn.

Neem Aksie
DIE SPERDATUM VIR BESWARE IS 19 NOVEMBER 2024. Enige persoon ouer as 18 jaar kan beswaar aanteken. Selfs as jy voorheen beswaar aangeteken het, is ’n nuwe beswaar vir hierdie aansoek nodig.

Besoek https://tinyurl.com/fotadocs vir vorms en addisionele inligting.

Help ons om ons buurt te bewaar. Saam kan ons ’n verskil maak!

Vriendelike groete,
Friends of Tamboerskloof

E-pos: fotamboerskloof@gmail.com
https://tinyurl.com/fotadocs

Toestelooreenkomste vir 2025
/ Algemeen, Nuus

Neem asseblief kennis dat alle graad 4 – 6-leerders ‘n toestelooreenkoms volgende week sal ontvang.  Ouer en kind moet dit onderteken aangesien alle graad 5 – 7-leerders sommer op die eerste dag van skool (15 Jan. 2025) ‘n toestel sal ontvang.  Hierdie skootrekenaar sal gebruik word om interaktief met akademie te handel.  Sodra jy hierdie ooreenkoms ontvang, teken en stuur die volgende dag skool toe. 

Dankie vir hierdie ondersteuning. 

Gr.4-7 Prysuitdeling: Aansoek vir Spesiale Toekennings
/ Algemeen, Nuus
Alle gr.4 – 7-leerders wat tydens hierdie jaar besonderse prestasies behaal het óf veelsydigheid getoon het op sport- en kulturele gebied kan in aanmerking kom vir ‘n spesiale prys by die prysuitdeling. 
 
Voltooi asb. die aangehegte vorm en handig die vorm en afskrifte van bewyse van die prestasie(s) teen Vrydag, 21 November, by juf. Lucia de Jager in. ‘n Hardekopie van die vorm kan ook afgehaal word.
 
Kyle presteer in skaak
/ Algemeen, Nuus, Skaak, Sport
Kyle het verlede Vrydag en Saterdag aan die “Chess Elevation Series” deelgeneem.  
 
Hy het 1ste plek behaal vir die vlak 2-groep en was die enigste speler in sy groep wat geen wedstryde verloor het nie. 
 
Baie geluk met hierdie puik prestasie, Kyle! Jy maak ons Jannie-harte trots!
 
 
Terugvoer: Oueropleiding met Carla de Beer en selfoonbeleid
/ Algemeen, Nuus
Ons was so bevoorreg om Dinsdag, 22 Oktober, in die geselskap van die kundige op sosiale media gebied te kon wees. Carla de Beer het omtrent baie inligting en kennis aan ons oorgedra. Soos sy belowe het, plaas ons die wenke en inligting soos sy aan ons gestuur het hier.
 
Ons skool het die nodige maatreëls in plek. Gaan lees gerus die slimfoon en -horlosie gebruiksbeleid vir leerders deur.  
 
Slimfoon en -horlosie gebruiksbeleid vir leerders
 
Volgens departementele riglyne moet alle leerders se selfone tydens skoolure en op die skoolterrein (skoolgronde) afgeskakel wees.
Leerders bring hul selfone op eie risiko skool toe en die skool aanvaar geen verantwoordelikheid vir verlies of beskadiging daarvan nie.
Leerders moet soggens sodra die eerste periode begin hul fone by hul registeronderwyser inhandig sodat die onderwyser die selfone in die klas se kluis kan bewaar totdat die skooldag verby is.
Geen oproepe/boodskappe mag tydens klastyd of op die skoolterrein ontvang of gemaak word nie.  Indien daar ‘n krisis ontstaan, sal leerders wel toestemming ontvang om hul ouers te kontak, maar dan moet die oproep in die teenwoordigheid van die onderwyser (bv. net buite die klaskamer, in die gang) gemaak word.  Indien leerders wel ‘n dringende oproep aan hul ouers wil of moet maak, gaan gerus na ontvangs om die skool se telefoon te gebruik.
Indien leerders hul selfone tydens skoolure of op die skoolterrein sonder toestemming gebruik, sal dit gekonfiskeer word. Indien dit ‘n tweede keer of herhaaldelik gebeur sal die foon vir ‘n langer tydperk afgeneem word en leerders sal dit eers ‘n week later of aan die einde van die skoolkwartaal ontvang.  Ouers van die spesifieke leerder sal hiervan in kennis gestel word.
In die geval waar ‘n leerder sy/haar selfoon by die registeronderwyser vergeet, sal die onderwyser die die foon in die kluis bewaar totdat die leerder die foon kom afhaal.
Tydens kampe/uitstappies word leerders verbied om hul selfone saam te neem.  Die onderwysers wat die leerders op die kampe/uitstappies vergesel, moet hul selfoonnommer beskikbaar stel indien dit nodig sou wees om die ouer van ‘n insident of krisis in kennis te stel. 
Indien ‘n vermoede bestaan dat leerders ongerymdhede/pornografie op hul selfone kyk/stuur, behou die skool die reg in die beste belang van alle leerders van Laerskool Jan van Riebeeck om op te tree deur onmiddellik die selfoon te konfiskeer en die polisie in kennis te stel.  Ouers sal telefonies verwittig word dat die polisie in kennis gestel is.  Die polisie het die reg om leerders se selfone te ondersoek indien daar ‘n vermoede is dat daar pornografiese materiaal / video’s op sy/haar selfoon is.  Indien ‘n finale bevinding gemaak is dat ‘n leerder na ongerymdhede/pornografie op sy/haar selfoon gekyk of aangestuur het, sal die betrokke leerder se ouers skriftelik in kennis gestel word dat hy/sy voortaan nie toegelaat sal word om ‘n selfoon skool toe te bring nie.
*Dieselfde reëls geld vir slimhorlosies.  Horlosies moet afgeskakel wees om geen boodskappe of oproep te ontvang of te maak nie.  Tydens formele assesserings word hierdie horlosies ingeneem.
Die Zen Den gons 
/ Algemeen, Nuus
Dis wonderlik hoe die Zen Den besig is om stadig die stigma omtrent angs en oorweldiging van emosies af te breek.  Leerders kry die geleentheid om hulself te reguleer en in die proses beter op hul skoolwerk te fokus. Hulle ontvlug vir enkele minute of sommer ‘n hele pouse na hierdie ruimte waartydens die kalm ruimte wanbalans herstel sodat hulle weer klasuitdagings in die gesig kan staar.
 
Ons poog om weekliks ‘n skrywe in die nuusbrief te plaas wat volgens verskillende temas sal handel.  Ons het met boelie begin aangesien daar navrae in die ouermeningspeiling hieroor was. Ons voel ook dat ons ‘n opvoedingsplig vanuit die Zen Den het sodat almal so goed moontlik ingelig oor ‘n verskeidenheid onderwerpe kan wees.  Opleiding is tog ons kernbesigheid.
 
Hierdie week se Jannie-gesprek vanuit die Zen Den, geskryf deur Marike Badenhorst:
 
Moontlike ouerskapsfoute wat ons mag maak
  1. Ouers probeer dikwels hul kinders ongemak spaar
Terwyl ons probeer om aan ons kinders die heel beste te bied, skep ons dikwels vir hulle ‘n “mini ideale wêreld” – iets wat ons weet nie bestaan nie. In ‘n gegewe dag ervaar ons kinders deesdae min ongemak: fisies of emosioneel. As hulle verveeld is, gee ons vir hulle ‘n selfoon om hulle besig te hou. As hulle verloor, beloon ons hulle met hul eie “trofee” – hetsy iets wat hulle graag wil hê of ‘n uitstappie om die gevoel van teleurstelling “sagter” te maak.  As hulle moeg is, hoef hulle nie hulle gewone huistake te doen nie. As hulle sleg doen in ‘n toets, kontak ons die onderwyser.  Ons probeer elke spreekwoordelike klip wat ‘n struikelblok kan wees uit hul pad haal voordat ons hulle die geleentheid gee om self eers ‘n plan te maak om die probleem op te los.
Al is dit hóé moeilik, móét ons soms opsy staan en aan ons kind die geleentheid gee om te misluk of om ongemak en teleurstelling te ervaar.  As ons dit níé doen nie, gaan hulle moeilik ‘n krisis later in hulle lewe kan hanteer wanneer ons as ouers nie by is nie.
Ook wat tydsbesteding betref: wanneer ons kind permanent besig is om hom/haar van een aktiwiteit na ‘n ander te haas, mag daar in die proses nie genoeg tyd wees vir ongestruktureerde spel, ontspanning en sommer net kind-wees nie. Soms is dit goed vir ‘n kind om genoeg tyd te hê om wél verveeld te wees en sélf ‘n plan te maak wat om volgende te doen!
  1. Kinders leer nie meer “regte-wêreld” vaardighede aan nie
Al klink dit voor die handliggend, ontneem  ons deesdae dikwels ons kinders om alledaagse roetine-take aan te leer:  om iets wat by die huis stukkend is, reg te maak; om jou te help om die plante in die huis te versorg; om saam met jou eenvoudige disse te maak. As ons nie hierdie belangrike vaardighede vir óns geslag kinders aanleer nie, gaan ‘n volgende geslag nie ouers hê by wie hulle dit kan leer nie.
  1. Ons fokus op die resultaat en nie die proses nie
Daar word vertel dat Thomas Edison 1000 keer misluk het in sy poging om die gloeilamp uit te vind.  Toe daar aan hom gevra is hoe dit voel om 1000 keer te misluk voordat hy sukses behaal het, was sy antwoord: “Ek het nie 1000 keer misluk nie, die uitvindsel van die gloeilamp het net 1000 stappe geneem.”
As ons vir ons kinders so ‘n ingesteldheid kan aanleer, leer ons hulle deursettingsvermoë (“grit”). Indien my kind kan leer om vir homself/haarself erkenning te gee vir die moeite en vasbyt vir die poging – al was die eindresultaat anders as wat hulle verwag het – leer ons hulle deursettingsvermoë en ook die moed om weer te probeer.  
  1. Ouers moedig nie aanspreeklikheid aan nie
Meeste kinders sal enige iets doen om nie te erken wanneer hulle ‘n fout gemaak het nie. Tog is dit nodig om ons kinders te leer om verantwoordelikheid vir ‘n situasie te aanvaar wat hulle ongemaklik laat voel en waar hulle verkeerd was.  Leer hulle om “ek-frases” te begin gebruik.   In plaas daarvan om jou kind toe te laat om te sê: “Die toets was te moeilik, die onderwyser het wéér nie alles verduidelik nie”, help hom/haar om op ‘n punt te kom waar hy/sy kan sê: “Ek het nie al die vrae in die toets verstaan nie. Ek moes vooraf vir my onderwyser gevra het om my te help.”  Deur die skuld op iemand anders te plaas, hoop jou kind hy/sy gaan nie gestraf word of die negatiewe gevolge in die oë hoef te kyk nie. Leer jou kind dat almal foute maak, jy ook. En lei jou kind om te kan sê: “Ek is jammer, ek het ‘n fout gemaak. Ek gaan probeer om dit reg te maak.”
 
In ons poging om goedaangepaste kinders met baie selfvertroue groot te maak, moet ons daarteen waak om nie oorsensitiewe, selfgesentreerde  kinders groot te maak nie . Leer jou kind nederigheid en ‘n begrip vir die talente en prestasies van ander. Deur hul eie beperkings te erken en terselfdertyd erkenning te gee aan ander, leer hulle om diversiteit te omarm en aanpasbaar binne verhoudings te wees.
 
Marike Badenhorst                          Opvoedkundige Sielkundige
Oud-Jannie as Hoofdogter verkies
/ Algemeen, Nuus

Oud-Jannie, Jana Brink, is as hoofdogter van HS Milnerton vir 2025 verkies.

Welgedaan, Jana! Jy maak ons trots.

Kompetisie: Avontuur in die Biblioteek
/ Algemeen, Nuus

Hierdie jaar hou die WKOD ‘n kompetisie waar leerders ‘n plakkaat of kortverhaal kan inskryf en ‘n hulpbronprys vir hul skoolbiblioteek tot die waarde van R30 000 wen!

Geen sport of nasorghuiswerkklasse: Maandag, 4 November 2024
/ Algemeen, Nuus

Neem asseblief kennis dat daar geen sport of nasorghuiswerkklasse eerskomende Maandag, 4 November, sal wees nie. Daar is ‘n opleidingsessie vir al die personeel vir hierdie middag geskeduleer.

Baie dankie vir die ondersteuning.

KENNISGEWING VAN BEGROTINGSVERGADERING: 04 NOV 2024 OM 18:00
/ Algemeen, Nuus
Belangike begrotingsvergadering

Wanneer?
Maandag, 04 November, om 18:00 in die skoolsaal

Hoekom?
Die nuwe BELA-wetgewing vereis dat minstens 10% van ons ouers (minstens 85!) die vergadering moet bywoon anders het ons nie ‘n kworum nie.

Wat? 
Ons bied die begroting vir 2025 aan en sal ook ‘n oorsig gee van die skool, BELA-wetgewing en ons breër planne

En nog?
Vir die wat dit bywoon sal ons ‘n spesiale kaartjie gee sodat jul kind(ers) die volgende dag kan sivvies skool toe dra en ‘n roomys kry!

Toesig
Juff. Naomi en Anika, sal Maandagaand oor die GF / ISF-leerders wie se ouers die begrotingsvergadering bywoon in hul klasse toesig hou. 

Sport- en Kultuurfoto’s: Nou beskikbaar
/ Algemeen, Nuus

Sport- en kultuurfoto’s is nou beskikbaar. Kyk asseblief na die besonderhede hieronder vir aankope:

More

Belangrike Datums

augustus 2026

02aug(aug 2)16:0004(aug 4)17:00EXCO-Strat

03aug00:0023:59EXCO-Strat

03aug(aug 3)00:0008(aug 8)23:59Hs JvR JanArte Kunstefees

03aug18:0018:00Hs JvR - Tafelbergkoorfees

04aug00:0023:59Rugby: o.9 & o.13 Bishops (WEG)

04aug00:0023:59EXCO-Strat

04aug18:0018:00Reddam Sings - Junior Koor (Constantia)