|
Laerskool Jan van Riebeeck Nuus
|
|
|
Liewe Ouers,
Datums
Maandag, 30 Julie 2018 Hannes Muller (Terrein) verjaar
Maandag, 30 Julie 2018 BR Vergadering
Woensdag, 1 Augustus 2018 Amesa kompetisie
Woensdag, 1 Augustus 2018 Rugbywedstryde: Vriendskaplik @ Reddam H ASB,TUIS
Woensdag, 1 Augustus 2018 NETBAL liga: Edgemead TUIS
Woensdag, 1 Augustus 2018 Landlloop: Streekbyeenkoms. Geen landloopoefening
Donderdag, 2 Augustus 2018 WKOD Wisk kompetisie
Vrydag, 3 Augustus 2018 OOV Funksie: Quiz-aand
Saterdag, 4 Augustus 2018 Spelling Bee
Saterdag, 4 Augustus 2018 NETBAL: Kenridge O/10 & O/11 ontwikkelingstoernooi WEG
Saterdag, 4 Augustus 2018 Sporttoernooi@Curro Hermanus,WEG
Maandag, 6 Augustus 2018 Wiskunde in aksie
Maandag, 6 Augustus 2018 Netballiga: Goodwood Park TUIS
Maandag, 6 Augustus 2018 NETBAL:Vriendskaplik, O/12 @ Herzlia TUIS
Dinsdag, 7 Augustus 2018 Wetenskap in aksie
Dinsdag, 7 Augustus 2018 NETBAL liga: Curro Durbanville TUIS
Donderdag, 8-9 Augustus 2018 Wiskundekamp
Donderdag, 9 Augustus 2018 Vrouedag (Publieke vakansiedag)
Vrydag, 10 Augustus 2018 Skoolvakansiedag
Woensdag, 15 Augustus 2018 NETBAL vriendskaplik: Parklands WEG
Woensdag, 15 Augustus 2018 Rugby @ Curro Century City WEG
Vrydag, 17 Augustus 2018 Skaak @ Highlands WEG
Vrydag, 17 Augustus 2018 Bokkie Assembly
Saterdag, 18 Augustus 2018 SPORTDAG: Dirkie Uys TUIS
Woensdag, 22 Augustus 2018 Rugby @ Table View WEG
Vrydag, 23-26 Augustus 2018 Blanco Sportnaweek
Vrydag, 24 Augustus 2018 Ben Reynecke (musiek) verjaar
Vrydag, 24 Augustus 2018 WOW Spelkompetisie
Vrydag, 24 Augustus 2018 Skaak @ Phyllis Jowell TUIS
Saterdag, 25 Augustus 2018 Dapperstappers
Maandag, 27 Augustus 2018 Junior/Seniorkore: Sing by Artscape Teater
Maandag, 27 Augustus 2018 GEEN buitemuurse aktiwiteite nie
Woensdag, 29 Augustus 2018 Rugby@Edgemead WEG
|
UIT DIE HOOF SE KANTOOR
Ons herinner almal dat volgende naweek ‘n lang naweek vir alle onderwysers en leerders is. Donderdag, 9 Augustus is Vrouedag en Vrydag, 10 Augustus is ‘n skoolvakansiedag. Daar sal ook geen buitemuurse aktiwiteite gedurende hierdie tyd plaasvind nie. Die skool sal op Woensdag, 8 Augustus op die normale tye sluit en die bus sal om 14:15 vertrek.
|
Naam en van: JJ Grundeling
Graad: 1O
Waar bly jy?: Houtbaai
Gunsteling vak: Somme en woordjies
Ek is ‘n trotse Jannie, want ek weet wat 100 x 100 is!
|
Hoërskool Jan van Riebeeck hou veiling
Die Hoërskool hou ‘n Spaanse aand by die Royal Cape Yacht Club.
|
Baie geluk aan Lea en Markus de Ridder. Hulle is ons Jannies van die week – dankie dat julle so gereeld herwin. Geniet die Col’Cacchios geskenkbewys.
Onthou asb om julle leë 2L melkbottels by Matthews in te gee vir die volgende paar weke. Ons probeer om 2000 bymekaar te maak! Miskien het julle al van ‘plogging’ gehoor? Dit beteken ‘picking up trash while jogging’. Die nuwe gier kom van Swede en het blykbaar soos ‘n veldbrand versprei. Ons dink dit is baie oulik en hoop dit help om ons omgewing skoner te kry.
|
Hier is die top 3 prestasies:
3.Luja Marx 1050 punte
2. Robert Kotzee 1400 punte
1. Klara Maree 2023 punte
Baie geluk Klara.
|
Kontak vir Marinda Brink (marinda@jvrprim.co.za) indien u (ouer/grootouer/student) graag as ‘n vrywilliger betrokke wil raak om gratis huiswerkklasse aan leerders (op individuele basis) te bied wat ekstra ondersteuning benodig.
|
Gr.1-3 Assesseringsweek 3 Sept – 7 Sept 2018
Die Graad 1-3 leerders skryf hul Formele Assesseringstake gedurende week 8 van die derde kwartaal. Geen boeke word huis toe gestuur vir leerders om vooraf te leer nie, want die Grondslagfase se metode van assessering verskil van die Intersenfase.
|
Baie geluk aan die volgende leerders wat tydens ons interne spelkompetisie die Top 6 in hul graad gehaal het. Hulle sal Vrydag, 24 Augustus ons skool verteenwoordig by die eerste ronde van die Wow Spelkompetisie. Die volledige lys woorde moet geleer word vir hierdie ronde. Die leerders het reeds briewe ontvang.
Die volgende twee datums, indien hulle sou deurdring, is 8 September en 20 Oktober.
(Geluk ook aan Isabelle, Annabel, Lili en Bernard wat gekwalifiseer het, maar ongelukkig nie kan deelneem nie a.g.v. die George-toer)
|
Die Akademiese Spele beloof om hierdie jaar groot pret te verseker aangesien ons gedurende die week (17 – 21 September 2018) – oor alle grade (gr. 1 – 7) en so ver moontlik alle vakke – akademie en sport gaan integreer. Vandaar die tema: Sportwetenskappe. Ons beoog om verskillende aspekte van sport in die klaskamer te bespreek om leer op ‘n lekker en interessante manier aan te bied.
Algemene skoolaktiwiteite waarby die hele skool betrokke sal wees – om solank na uit te sien: Elke klas sal ‘n skaakles ontvang; Sports Hub kom bied ander sportsoorte aan gedurende LO-periodes sowel as sporttoernooie smiddae na skool; Op Vrydag, 21 September, sal die onderskeie klasse in graadverband meeding in ‘n kaskarresies en daar sal verskeie motiveringsprekers optree.
Indien u graag betrokke wil raak ,bv. om met ‘n sekere graad of selfs ‘n sekere klas te gesels oor ‘n spesifieke onderwerp, bv. gesonde eetgewoontes, ‘n gesonde liggaam/postuur, ens. wat by sport/akademie aansluit, moet u asseblief vir Marinda Brink (marinda@jvrprim.co.za) kontak. Enige ander betrokkenheid sal waardeer word.
‘n Finale program sal nader aan die tyd bekendgemaak word.
|
Die WKOD-Wiskundekompetisie wat die 2de Augustus geskryf moes word, is geskuif na Woensdag 15 Augustus.
Die departement het ons in kennis gestel dat die eerste rondte vraestelle nog nie gereed is nie. Alle leerders in gr.4-7 sal aan die rondte deelneem en die skryf van die vraestelle sal tydens skoolure plaasvind.
|
Albei ons kore tree op Maandagaand 27 Augustus by die Kunstekaapteater op.
Kaartjies , teen R40, is by Computicket of die Kunstekaap te koop.
Verdere reëlings volg later.
|
Ons grootste vrees het gister met die netbalwedstryde plaasgevind. Ons het te veel spelers vir die bus gehad.
Gelukkig was daar onderwysers wat hierdie ekstra spelers na die wedstryd kon neem in hul motors.
Hierdie insident het net weer beklemtoon hoe belangrik dit is dat ouers die Google vorm voltooi. Indien julle dit nog nooit ontvang het nie gaan kyk in jul “spam of trash folder” of dit dalk direk daar gaan lê. Indien dit nie daar is nie kan dit wees dat ons verkeerde e-pos het. Jy kan jou e-posadres gaan verander op ons webtuiste. Indien jy nie regkom nie, is jy welkom om vir Jodene te kontak admin@jvrprim.co.za
Daar is dae waar ons netbal- en rugbywedstryde op dieselfde dag het en dan kos dit fyn beplanning om almal op die regte plek te ry. Ons vra asb. dat ouers ons hande vat met hierdie saak.
|
Op Vrydag, 27 Julie, het ons skaakspan teen Reddam House Groenpunt gespeel.
Ons skaakspan het ons eerste wedstryd vir hierdie kwartaal 6-1 gewen.
Ons is baie trots op Louis Bosman (Gr.1) en Willem van As (gr.7) wat hulle eerste wedstryd vir die skool gespeel het.
|
Baie dankie aan al die ouers wat moeite doen om die spelers te kom ondersteun. Dit beteken vir hulle baie. Reddam House het gister te min spelers gehad en ons O/8 en O/9 spanne het slegs 7 aan ‘n kant gespeel.
O/8 verloor O/9 15-5 (wen) O/11 57-0 (wen)
Sunningdale het Maandag, 6 Augustus se wedstryde gekanselleer. Daar sal dus gewone oefening plaasvind.
|
O/9A 7-1 (wen)
O/9B 2-0 (wen)
O/10A 7-4 (wen)
O/10B 2-3 (verloor)
O/11A 6-9 (verloor)
O/11B 1-1 (gelyk)
O/12A 9-5 (wen)
O/12B 2-7 (verloor)
O/13A 5-6 (wen)
O/13B 3-4 (verloor)
Die bus kon eers later vertrek as wat ons beplan het en met die aankoms het dinge bietjie vinnig gegaan. Ons O/12B span speel toe teen Edgemead se O/13B en JvR se O/13B speel toe teen Edgemead se O/12B.
Volgende week is ‘n kort besige week en ons speel Maandag en Dinsdag TUIS ligawedstryde. Ons moet ons ligawedstryde teen ‘n sekere datum afhandel, daarom word die wedstryde so kort op mekaar gespeel. Spelers sal die programme ontvang en ouers sal weer ‘n google vorm kry om te voltooi.
|
Die meeste van ons atlete het Vrydag, 27 Julie, aan hul laaste byeenkoms vir die seisoen deelgeneem. Vrydag se byeenkoms het by Sun Valley plaasgevind.
Atlete moes onder die top 20 eindig om deur te dring tot die volgende ronde.
Michel-Georges Delpierre 65ste
Mieke Huysamen 43ste
Lea de Ridder 36ste
Markus de Ridder 64ste
Scarlett van der Merwe 4de
Pierre Becker 37ste
Andries Becker 36ste
Eugenie Delpierre 46ste
Adrian Huysamen 38ste
Enzo Vorster 55ste
Nikolaas Bergh 6de
Scarlett van der Merwe het met ‘n 4de plek ons skool se naam hoog gehou het deurgedring na die volgende ronde. Hier staan sy op die foto saam met juf. Stahmer.
Scarlett het op Woensdag, 1 Augustus, aan die volgende byeenkoms by Strandfontein naby Mitchells Plain deelgeneem en ‘n 6de plek behaal. Sy moes onder die top 10 eindig om weer aan die volgende ronde te kan deelneem.
Scarlett neem op Saterdag, 11 Augustus, aan die WP byeenkoms by Fairmont High School in Durbanville deel. Ons is baie trots op Scarlett en wens vir haar baie sterkte toe vir volgende week se byeenkoms.
|
Vanjaar is die eerste keer dat ons aan hierdie toernooi deelgeneem het.
Die oggend het koud begin en die kinders moes baie rondspring om warm te word, maar dit was ‘n heerlike dag vir elkeen wat betrokke was. Al die spelers het ‘n verrassingspakkie ontvang. Die rugby het bietjie vroeër klaar gemaak as die netbal. Die rugby-en netbalspanne het die meeste van hul wedstryde gewen en enkele wedstryde verloor.
Ongelukkig is ons skool in ‘n slegte lig geplaas omdat nie al ons kinders opgedaag het nie. Ons moes rugbykinders van ander skole leen om vir ons te speel en by die netbal het ons ‘n hele O/7- span te min gehad en die O/8 B- span moes instaan vir die wedstryde.
Die inskrywings vir hierdie sportdae word vroeg in die jaar gedoen en volgens die getalle wat oefeninge bywoon, skryf ons dan spanne in. Ons doen weer ‘n beroep op ouers om die kalender en dagboek op die skool se webwerf dop te hou en seker te maak dat daar nie enige aktiwiteite is wanneer hulle partytjies of naweke weg beplan nie. Nie net ly die skool se naam daaronder nie, maar dit stel die afrigter in ‘n baie slegte lig.
Die O/7 spannetjie het pragtig gespeel. Meer foto’s van die spannetjie sal binnekort op die SPORTBLAD van ons webtuiste verskyn.
|
Kliek HIER vir advertensies van die week
|
Go and love someone exactly as they are. And then watch how quickly they transform into the greatest, truest version of themselves. When one feels seen and appreciated in their own essence, one is instantly empowered.
– Wes Angelozzi
Vriendelike groete
J.H. Oosthuizen
SKOOLHOOF
|
|
|
|
|
–
Laerskool Jan van Riebeeck
Kloofstraat 52, Tuine, Kaapstad, 8001
021 423 4209
|
|
