Hierdie week het ons O/13 krieketspelers teen Laerskool Cannons Creek(CC) deelgeneem op die Hoërskool JvR se krieketveld.
CC het die loting gewen en het besluit om eerste te kolf. Binne 19 boulbeurte het ons al hulle paaltjies geneem en hulle het ‘n totaal van 55 lopies aangeteken.
Baie geluk aan Bernard Lombaard met sy 4 paaltjies wat hy geneem het. Peet Karstens en Joshua Ellis het die kolfwerk vir JvR afgeskop en voltooi. Tussen die twee van hulle het hulle die nodige lopies binne 8 boulbeurte gehaal. JvR wen dus die wedstryd met 10 paaltjies.
