Christiaan Cronje het deelgeneem aan die Gertjie van der Merwe – Spartan Wars Wrestling Toernooi op Saterdag, 22 Februarie 2025. Dit was sy eerste toernooi van die jaar.
Hy het ‘n silver medalje in sy ouderdomsgroep verower. Welgedaan Christiaan!
Kategorie: Algemeen
Kyle het aan die karate-uitdunne deelgeneem en tweede plek verower in beide Kata en Kumite, en sodoende silwermedaljes in albei behaal. Dit beteken dat hy gekwalifiseer het vir sy WP-kleure in karate en deel van die Wes-Kaap-span sal wees wat in Mei aan die Suid-Afrikaanse kampioenskappe gaan deelneem.
Welgedaan Kyle! Jy maak ons sommer baie trots.
Ons nooi julle graag na hierdie jaar se opvoedingstrust veilingsdinee fondsinsameling.
Die veiling vind plaas op 7 Junie by die Mount Nelson Hotel.
Daar is beperkte kaartjies so rsvp asb. by die onderstaande skakel om teleurstelling te vermy:
https://forms.gle/mtH1mY7RqxdsFTYL7
Vriendelike groete,
Die 2025 Veilingkomitee
Hierdie kwartaal in Digitale Geletterdheid het ons oor ‘n paar interessante aspekte van rekenaars en digitale toestelle gepraat. Een van die temas wat die meeste uitgestaan het, was die Graad 5’s se gebruike van die internet. Hier het die leerders geleer wat die voordele van die internet is, hoe om veilig te wees wanneer jy aanlyn werk en ook wat die gevare van aanlyn speletjies en toepassings is.
Ons het nie net teorie geleer nie, maar ook prakties op die tablette gewerk. Een van die lesse wat uitgestaan het, was toe die Graad 3’s ‘n tikvaardigheid-aktiwiteit gedoen het. Dit was so mooi om te sien hoe hulle mekaar gehelp het, as een sukkel om ‘n spesifieke letter te vind. Hulle het baie hard gekonsentreer om op die sleutelbord te tik en seker te maak hul tik met die regte vingers op die regte knoppies.
Ons sien uit na nog ‘n klomp lekker temas vir Kwartaal 2 in Digitale Geletterdheid.
Ons wil baie graag weer vanjaar Kaapstad se Lion’s Club help om paaseiers vir minderbevoorregte kinders in te samel. Dit sal wonderlik wees as elke leerder minstens een paaseier vir ons kan bring en dit in die emmer wat in Adri se kantoor staan, kan plaas. Hulle verkies die eiers wat die malvalekker aan die binnekant van die sjokolade het. Dit kom ook in ‘n string van vier of in verpakkings van 24 en meer. Ons wil vra dat die paaseiers voor of op Vrydag, 11 April, skool toe gebring word (neem asb. kennis van die veranderde sluitingsdatum).
Gerhard Conradie en sy suster het saam ‘n kortfilm geskiet, Alma Oppad, wat by die Silwerskerm-filmfees vertoon gaan word! Dit sal later vanjaar op kykNET wees. Chrystal vertolk die rol van Alma, Gerhard speel haar broer, Laudo Liebenberg is die pa, en Amalia Uys die ma.
Welgedaan Gerhard! Jy maak ons trots.
Kom beleef die Waterbuffel – Burgerfees – ‘n dag van lekker kos, musiek, samesyn en pret!
Sluit by ons aan vir ‘n wonderlike middag vol smullekker burgers, musiek en ‘n fantastiese atmosfeer! Kom probeer die nuwe gesondheids-rooivleis van Babylonstoren in ‘n smaaklike burger. Die Waterbuffel – Burgerfees beloof die lekkerste burgers, wyn en ‘n paar verrassings vir die hele gesin. Jy kan ‘n wegneemete bestel of saamkom kuier op die mini-sportveld agter die skool vanaf 16:00. Danksy die ruim skenking van Babylonstoren kos die burgers slegs R50 elk!
Gevriesde patties ook te koop:
Indien jy die aand bywoon gaan jy eerste kans kry om gevriesde patties te koop.
???? Datum: 14 Maart 2025
⏰ Tyd:
-
- Wegneemetes: 11:45 – 12:30 (kom haal jou burger by die skool)
-
Aandete: 16:00 – 20:00
???? Ligging: Mini-sportveld by Laerskool Jan van Riebeeck
Wat kan jy verwag?
-
Heerlike burgers met gesondheids-rooivleis van Babylonstoren
-
Gelukkige trekking: Vir elke burger wat jy koop, kry jy ‘n kans om ‘n prys te wen!
-
SnapScan-kroeg vir maklike betalings
-
Snoepie wat oop sal wees vir die kinders
-
Fantastiese samesyn saam met die skoolgemeenskap
Ons soek nog hulp met voorbereiding en by die fees. Vul asb. jou naam in by ‘n tydsgleuf op die diensbeurtlys indien jy bereid is om te help :
VUL HIER IN
Vriendelike Burgerfees-groete,
Susan Derksen
OOV Voorsitter
Ons is baie opgewonde om aan te dui dat ons vanaf 25 April tot 12 Mei ons mini-sportveld (agter die skool) na ‘n veeldoelige kunsgrasbaan gaan opgradeer. Die kunsgrasoppervlakte sal ons in staat stel om daarop sport te beoefen, en dit kan ook die ‘verkeer’ van leerders dra wat daarop voor skool, tydens pouses en na skool speel. Dit beteken dat die sportaanbod verder ondersteun word, aangesien ons daarop twee mini-hokkievelde gaan aanbring, wat die hokkieleerders se vaardigheidsvlakke verder sal ontwikkel.
Die projek word moontlik gemaak deur die ondersteuning van die Opvoedingtrust, wat gefinansier word uit die fondse van ons mees onlangse skoolveiling. Dit sluit ook die gawe hand van Gerhard Conradie in, wat die grond- en siviele werk van die projek gaan hanteer en borg. Baie dankie, Gerhard – ons waardeer dit baie.
Verder wil ons graag die fasiliteite opgradeer met ‘n volledige sportsentrum wat pawiljoene, kleedkamergeriewe en ‘n mini-klubhuis insluit. Dit sal ook ruimte in die skoolgebou maak vir ons kultuuraanbod. Hierdie projek sluit ook die plaveisel agter onder die bome in om die hele area esteties mooi af te rond.
Sien aangeheg ons droomplan, soos ontwerp deur Stephen Hitchcock (argitek), wat op ons Beheerraad dien. Ons nooi graag enige belangstellende ouers en voornemende donateurs wat ‘n bydrae sal oorweeg, om met my (skoolhoof@jvrprim.co.za) kontak te maak. Ons het reeds ‘n bedrag geld vir die projek opgesyfer en kan dit in twee fases aanpak. Dit sal vir ons ‘n idee gee of ons nou fase 1 aanpak of die volledige projek.
Laat my toe om Stephen Hitchcock hartlik te bedank vir die puik ontwerp van die droomplan, asook al die kosbare tyd wat daarmee gepaard gegaan het.
Baie dankie vir julle goedgunstige oorweging.
Vriendelike groete,
Naas Beets
SKOOLHOOF
Hierdie week het vier Nederlandse proefstudente vanaf Saxion Universiteit in Enschede by ons skool aangesluit. Hulle is almal derdejaar-onderwysstudente en doen by ons ‘n internskap tot einde April 2025. Gedurende hierdie tydperk ontvang hulle opdragte/projekte van hul universiteit om vir hul studies te voltooi saam met die proeftydperk en praktiese ondervinding wat hulle by ons kom aflê. Aangesien hulle ook by uitreikprojekte in minder bevoorregte areas betrokke gaan wees, sal hulle slegs drie dae per week by ons skool wees. Hierdie ooreenkoms met die universiteit gee weer vir ons as skool blootstelling aan hul leer- en onderrigmetodiek. Baie welkom aan die volgende vier Nederlandse onderwysstudente wat almal studeer om laerskoolopvoeders te word, en mag hulle horisonne by ons verbreed word terwyl ons ook van hulle kan leer:
-
Pien van Dam
-
Robin Groot Rouwen
-
Jette Somsen
-
Kaylee Taken
Ons is so opgewonde om die bogenoemde vier oorsese studente by ons te akkommodeer, want ons weet dat ons leerders en personeel met hul besoek aan ons ‘n breër perspektief van onderwys en opvoeding in Nederland sal kry. Hierdie uitruil-ooreenkoms stel ons in staat om ‘n eerstewêreld-metodiek van leer en onderrig direk in ons klasse te ervaar. Hulle gaan verseker ook ons kulturele diversiteit verder verryk, en ons gaan ‘n dieper begrip van hul denkwyses en kultuur ervaar.
Op Dinsdag, 18 Februarie, het ons skool weer die jaarlikse Interskole Atletiekbyeenkoms by Hoërskool Jan van Riebeeck se sportveld aangebied, en 53 van ons atlete het deelgeneem. Baie dankie en baie geluk aan mnr. Leon en sy span met die suksesvolle atletiekdag waaraan ses skole deelgeneem het. Baie geluk aan die volgende 23 atlete wat na afloop van die Interskole atletiekbyeenkoms gekwalifiseer het om môre aan die sonebyeenkoms te Vygieskraal deel te neem:
-
Gia Kruger o.10
-
Lukas Loubser o.10
-
Mateo Perreira o.10
-
Louis Hofmeyer o.10
-
Maia du Toit o.11
-
Lea Jacobsz o.11
-
Willem Viljoen o.11
-
Stef Nel o.11
-
Ellen van Heerden o.11
-
Rafa Lampbrecht o.12
-
Dane Botha o.12
-
Zander Smit o.12
-
Ella van der Walt o.12
-
Andree Steyn o.12
-
Anabella Boshoff o.12
-
Ynes Samba Kabassidi o.13
-
Stella Pansegrouw o.13
-
Jeanne van Heerden o.13
-
Zani Scholtz o.13
-
Jack Dawes o.13
-
Nils le Roux o.13
-
Carter Schoeman o.13
-
Rudi Badenhorst o.13
Ons is baie trots op julle en hou styf duim vas dat julle almal vir die WP-kampioenskappe op 27 Februarie 2025 sal kwalifiseer.
Op Dinsdag, 11 Februarie, om 12:30 het ons ‘n beplande ontruiming vir brand by die skool geoefen. Ons oefen een keer per kwartaal ‘n veiligheidsontruiming sodat ons leerders en personeel presies weet watter prosedure om te volg indien een van die volgende gevaarlike situasies homself voordoen:
-
‘n brand
-
‘n bomdreigement
-
stakings en siviele onrus
Baie dankie aan al ons leerders en personeel wat so vinnig en ordelik ontruim het. Hierdie is ‘n belangrike oefening om die veiligheid van ons leerders en personeel te verseker.
Baie dankie aan MC du Toit, een van ons ouers, wat een oggend lekker saam gespeel het om die rol as skoolhoof te vertolk. Hy het baie deftig agter my lessenaar gelyk, maar was egter nie bereid om my werk te doen nie. Dit is juis wat ons skool so uniek maak – met ‘n ouer wat sommer vir tien sekondes kom skoolhoof speel om ons almal se dag te vermaak. Baie dankie, MC, jy is ‘n groot sport.
Ons skool presteer weer eens op verskeie gebiede, want ons fokus op uitnemendheid in alles wat ons by die skool doen en aanpak. Dus sluit ek die week af met die bekende aanhaling van Aristotle rakende uitnemendheid. Ek sien baie uit om julle en jul kinders vanaand by die jaarlikse klasbraai by Conradieveld vanaf 18:00 te ontvang. Mag julle dit terdeë geniet en ek weet die samesyn gaan voortreflik wees!
Geniet ‘n heerlike naweek saam met jul gesinne en sterkte aan ons atlete en mini-krieketspelers wat môre gaan deelneem.
“We are what we repeatedly do.
Excellence then is not an act,
but a habit.”
Vriendelike groete,
Naas Beets
Ons wil julle graag uitnooi na ons hoërskool se opedag! Bring julle kinders saam en kom kyk wat ons alles het om te bied. Dit is ‘n uitstekende geleentheid om meer te leer oor ons skool en om enige vrae wat julle mag hê, beantwoord te kry.
Datum: Dinsdag,18 Februarie 2025
Plek: Hoërskool Jan van Riebeeck, Klooftsraat 129, Kaapstad
Tyd: 16:30 begin koshuisetoere; 18:00 Inligtingsessie by die skool
Registreer asb. vooraf vir die sessie by die volgende skakel: https://forms.gle/yZA91vANXyXobcUW7
Baie dankie vir julle samewerking en ons sien uit daarna om julle daar te sien!
Belangrike Datums
september 2026
Wys Meer
oktober 2026
Wys Meer
november 2026
Wys Meer
desember 2026
Wys Meer
januarie 2027
Wys Meer
februarie 2027
Wys Meer
maart 2027
Wys Meer
april 2027
Wys Meer
mei 2027
Wys Meer
junie 2027
Wys Meer
julie 2027
Wys Meer
augustus 2027
Wys Meer