Vanjaar beplan ons iets lekker vir die ouers na die Bekendstellingsvergadering op 23 Januarie 2019. Soos in die verlede, ontmoet ouers die onderwysers in die klasse om 18:00 waarna ouers na die saal beweeg vir die Bekendstelling van verskeie onderwysers en ouers in bestuursposisies. Na afloop van die vergadering kan ouers heerlik saam kuier met iets te ete en te drinke aan die Kloofstraat gedeelte van die terrein. Boulevard 82 gaan sorg vir heerlike kosse – ‘n paar lusmakers is hier aangeheg. Hou asb. julle e-posse dop vir meer inligting. Vir die kleiner kinders sal dit in hulle huiswerkboeke geplak word. Bestellings moet afgehandel wees teen 21 Januarie, so julle sal gou moet spring om nie hierdie heerlike aand mis te loop nie. Daar sal ook nagereg, koffie en iets sterker te drinke wees om op die aand te koop.
Vir enige verdere inligting ,kontak asb. vir Ria Hertzog (oov@jvrprim.co.za of 082 320 3288)
