Die tafels vir die Bring & Raai Quiz aand is nou voltallig. Dankie vir almal wat so vinnig ‘n tafel bespreek het. Verdere inligting rondom die aand sal per e-pos aan die gasvrouens gekommunikeer word.

Betalings kan deur die spanleier op die Karri App gemaak word. Die datum is 19 Julie 2019 om 19:00 in die skoolsaal.

Lekker vakansie hou en verbreed julle kennis rondom:

· Sport& Ontspanning,

· Kuns & Vermaak,

· Geskiedenis,

· Natuurwetenskap,

· Lande en Plekke en wat ook al ons nuwe quiz master gaan uitdink om almal vas te vra.

Baie geluk aan die volgende leerders wat so gereeld herwin!

20 Mei Lida Mari Bosman Gr.3 DG

27 Mei Ben Esterhuyse Gr.1 DJ

3 Junie Conrad Slabber Gr.2 vZ

10 Junie Claire van den Heever Gr.4 F

Julle is Jannies van die vorige 4 weke en ontvang elk ‘n R100 Col’Cacchios geskenkbewyse Vrydag tydens saal. A.g.v. van die musiekkonsert en eksamen was daar nie saal die laaste paar weke nie.

Emil van der Walt (graad12) van Hoërskool Jan van Riebeeck het die seniorbeker by Vrydagaand se UCT-prysuitdelingsfunksie verower met ‘n uitsonderlike driekuns. Hy het 100% vir al drie rondes behaal. Meer as 7 500 hoërskoolleerders uit sowat 160 verskillende skole neem deel aan die eerste ronde. Daarna word die top studente na die UCT Challenge uitgenooi en ’n handvol dring na die UCT Olympiad deur. HS Jan van Riebeeck het hierdie jaar baie goed presteer en onder die Top 20 skole met ons uitslae geëindig.