Netwerk 24 in samewerking met Die Burger, Beeld en Volksblad ,bied vir die eerste keer ‘n landwye aanlyn-wiskundekompetisie vir graad 6 en 7 leerders aan. Die kompetisie word slegs in Afrikaans aangebied. Die leerders wat wil deelneem, is reeds geregistreer en sal die uitdunrondte aflê op 3 Mei. Intussen het leerders die geleentheid om ‘n paar proeflopies af te lê om aan die formaat gewoond te raak. Die skryf van die kompetisie vind direk na skool plaas en die leerders het 60 minute om 20 vrae te beantwoord. Die finale rondte vind plaas op Satedag 27 Julie by Hoërskool Brackenfell. Slegs die top 60 leerders per provinsie sal uitgenooi word na die finale rondte. Daar is baie groot pryse op die spel. Die leerder wat eerste in die land eindig ,wen R15 000 asook R15 000 vir die skool, tweede plek ontvang R10 000 en derde plek, R5 000. Ons het 60 leerders wat aan die kompetisie gaan deelneem en ons wens vir hulle alle sterkte toe.
