Johannes Mouton (gr. 4) en Chrystal Conradie (gr. 6) het albei ‘n oranje belt in karate en is leerlinge by die Kyokushin Dojo in Kaapstad. Hulle het Saterdag, 21 Mei 2022, aan die Wes-Kaap Kyokushinkai Karate Kampioenskap by die Wynberg Militêre Basis deelgeneem – die eerste een sedert die aanvang van Covid. Johannes het aan die Kata-afdeling deelgeneem, en hy en Chrystal het beide aan die semi-kontak en volle-kontak afdelings deelgeneem. Johannes het ‘n silwer medalje en Chrystal ‘n brons medalje in die volle-kontak afdeling verwerf. Dit was ‘n lang en senutergende dag, maar ons is trots op ons Jannies wat so kalm en gefokus gebly het!
