Baie geluk aan die onderstaande spelers wat gekies is vir Metro-Noord se spanne. Hulle het Vrydag, 26 April, teen Metro-Sentraal se spanne gespeel om dan deur te dring na die finale proewe waar al vier Metro-distrikte se spelers sal kompeteer vir ‘n plek in die Wes-Kaap spanne (O/12 & O/13) of WP-spanne (O/11 – O/13). Die spelers wat Vrydag deelgeneem het is Mia Symington en Katrien Stimie (O/11); Stella Malan (O/12); Neena Lonte en Jacomien van der Westhuizen (O/13). Mia, Stella en Jacomien het deurgedring na die volgende rondte wat Woensdag, 1 Mei by Laerskool De Hoop in Somerset Wes plaasgevind het. Mia Symington het gister uitstekend gevaar en is gekies vir die WP 0/11 span !! Die ander spelers het dit ongelukkig nie gemaak nie.
Ons eerste wedstryde vir die seisoen begin Maandag, 6 Mei teen Goodwood Park. Wees op die uitkyk vir die Google vorm.
