Ons het die geleentheid aangegryp om op 17 Oktober by Laerskool Table View aan hulle swemgala deel te neem. Ons sit in die unieke situasie dat ons nie hierdie jaar enige swemgalas aangebied of bygewoon het nie. Dit beteken dat ons tye en inligting van 2017 moet gebruik om die span saam te stel vir hierdie gala. Ons wil egter vir nuwe leerders of enige ander leerders wat nie op hierdie stadium deel van die span is nie, die geleentheid gee om aansoek te doen daarvoor. Belangstellendes moet bewys kan lewer van ‘n tyd wat hulle gekry het by hul klub of ‘n ander gala in 2017 of 2018 vir die item waarvoor hulle wil inkryf .
Hierdie bewys moet aan die sportkantoor (sport@jvrprim.co.za) gestuur word sodat dit met die ander kinders vergelyk kan word.
Volg die skakel om die VOORLOPIGE SPAN te sien.
Dit kan nog verander soos leerders se deelname met hulle bevestig word.
Reëls vir die gala:
1. ‘n Skool mag slegs een swemmer per item inskryf.
2. ‘n Swemmer mag aan 2 individuele items en alle aflosse deelneem
3. Alle swemmers moet ‘n swemkep dra in die swembad.
