Hoe werk die JvR-Kiek?

JvR-Kiek is ‘n platform wat die skool gebruik om foto’s van skoolaktiwiteite met ouers te deel. Ouers moet inteken om die foto’s te kan sien. Die foto’s is dus nie vir die publiek beskikbaar nie. Ouers kan kies om ‘n kennisgewing per e-pos te ontvang wanneer die skool iets plaas en kan die foto’s aflaai en hou.

1. Volg hierdie skakel of kliek die afpyltjie langsaan die MyJvR tab in die menu van die skool se webtuiste.
2. Kliek op JvR-Kiek
   .
3. Teken in met die e-posadres waarmee jy by die skool op myJvR geregistreer is.
   • Indien jy jou wagwoord verloor het, herstel dit eerder in plaas van om ‘n paar keer te raai. Die stelsel sal jou tydelik uitsluit indien jy te veel keer verkeerd raai.
   • Volg die stappe onder die volgende vraag om jou wagwoord te herstel.
4. Om in te teken vir e-poskennisgewings wanneer die skool iets geplaas het, kliek op die OPSIES tab in die JvR-Kiek menu en vul jou besonderhede in.

1. Jou wagwoord vir myJvR en JvR-Kiek is dieselfde.
2. Nadat jy op myJvR en JvR-Kiek in die menu van die skool se webtuiste gekliek het, sal daar ‘n inteken-blokkie verskyn.
3. Onder die Teken aan blokkie sal daar ‘n “Wagwoord vergeet” opsie wees. Volg daardie skakel.
   
4. Tik die e-posadres waarmee jy by die skool in myJvR geregistreer is, in.
5. Jy sal ‘n e-pos ontvang met ‘n skakel. Kliek op die skakel om jou nuwe wagwoord te skep. Indien jy nie die e-pos in jou inmandjie ontvang nie, loer in Junk / Spam.
6. Kies ‘n wagwoord wat aan die volgende vereistes voldoen:
   • minstens 8 karakters
   • minstens een hoofletter
   • minstens een kleinletter
   • spesiale karakter of getal
7. Nadat jou wagwoord herstel is, teken met die nuwe wagwoord in.

Nadat jy in jou Junk / Spam gekyk het en ook nie die e-pos daar gekry het nie, kan dit beteken dat die skool ‘n verkeerde e-posadres van jou het. Indien jy toegang het tot ‘n vorige e-pos wat die skool voorheen gehad het, gaan loer gerus in daardie e-pos se inbox. Indien jy nie meer kan inteken op daardie e-pos nie, stuur gerus ‘n e-pos aan suzaan@jvrprim.co.za sodat ons jou e-pos op die stelsel kan verander en jy weer op JvR Kiek kan inteken.

Stuur gerus ‘n e-pos aan suzaan@jvrprim.co.za sodat ons jou e-pos op die stelsel kan verander en jy weer op JvR Kiek kan inteken.