|
|
|
|
|
Dagboek
Sa 6 Junie 2026
- Rugby: Mini-toernooi by Van Riebeeckstrand (o.7 - o.9)
- Netbal: Mini-toernooi by Van Riebeeckstrand (o.7 - o.9)
Ma 8 Junie 2026
Di 9 Junie 2026
- Graad 3 uitstappie: Henties-fabriek (Groep 1)
Do 11 Junie 2026
- Koffie-en-Beskuit Konsert (Slegs GF)
Vr 12 Junie 2026
Ma 15 Junie 2026
Di 16 Junie 2026
Wo 17 Junie 2026
Do 18 Junie 2026
- Helene Slabbert (Onderwyser) verjaar
- Graad 3 uitstappie: Henties-fabriek (Groep 2)
Vr 19 Junie 2026
- Netbal: Fair Cape Durbanville (o.8)
|
|
|
|
|
|
|
|
|
|
|
|
|
|
Ons eerste sportnaweek vir kwartaal twee teen Curro Durbanville het ongelukkig weens gure weer nie heeltemal volgens plan verloop nie. Die hokkiewedstryde sou op Vrydag, 17 April, plaasvind, maar swaar reënbuie het ons genoodsaak om die wedstryde na Dinsdag, 19 Mei, uit te stel. Dieselfde het op Saterdag, 18 April, met die netbalwedstryde gebeur en as gevolg van die natweertoestande is die netbalwedstryde teen Curro Durbanville na Maandag, 25 Mei, uitgestel. Ek weet dat die leerders baie teleurgesteld was om te hoor dat ons die onderskeie hokkie- en netbalwedstryde op die dae moes kanselleer. Die wedstryde is egter net uitgestel en nie net eenvoudig afgestel nie. Gelukkig kon ons op Saterdag, 18 April, met die rugbywedstryde voortgaan, aangesien die gure weer nie regtig so ’n groot impak op rugby het nie. Baie geluk aan ons rugbyspanne en hul onderskeie afrigters wat puik uitslae gelewer het.
|
|
|
|
Ek en my vrou is deur Hoërskool Jan van Riebeeck genooi om hul produksie Dekades: Die storie van Laurika Rauch op Woensdagaand, 22 April, by te woon. Dit is ook deel van hul honderdste bestaansjaarvieringe en was beslis ’n onvergeetlike musikale reis deur die jare met een van Suid-Afrika se mees ikoniese stemme. Die hoërskool kon dit regkry om al hul leerders aan die revue produksie te laat deelneem en dit was opgedra aan ’n oudleerder, Laurika Rauch. Baie geluk mnr. Pieter Rademeyer en sy dinamiese span met ’n ongelooflike produksie en hoe wonderlik was dit nie om al ons oud-Jannies op die verhoog te sien nie. Hulle het almal skielik vinnig groot geword, maar beskik nog steeds oor die wonderlikste maniere. Ek is saam met Pieter en die gemeenskap baie trots op die magiese produksie. Baie van ons ouers en leerders het ook die spesiale aand bygewoon en die groot verrassing was dat die legendariese Laurika Rauch self daar was.
|
|
|
Baie geluk aan ons senior koor met nog ’n fantastiese optrede op Dinsdagaand, 21 April, tydens ’n koorfees wat deur Hoërskool Fairmont, geleë in Durbanville, aangebied is. Baie dankie aan mnr. Leon Starker, juf. Rolene en die senior koorlede wat ons so trots maak en as ware ambassadeurs vir ons trotse skool optree.
|
|
Die Wêreldboekedag is dié week behoorlik op Donderdag, 23 April, by die skool gevier. Ons het vanjaar besluit dat die leerders soos hul gunstelingkarakters uit Jaco Jacobs se boeke moet aantrek. Die motivering hiervoor was dat dit sy 25-jaar-herdenking is sedert hy sy eerste boek geskryf het. Daar sal ’n boekprys per graad aan die besgeklede leerder oorhandig word en die wenners sal ek in volgende week se nuusbrief bekend maak. Ons het ook die onderwysers gemotiveer om soos ’n Jaco Jacobs-boekkarakter aan te trek en daar sal ’n wenner aangewys word. Baie dankie juf. Marecia vir al die reëlings.
|
|
|
Die komende naweek is ’n langnaweek, want Maandag, 27 April, is ’n openbare vakansiedag. Daar word elke jaar op die 27ste April Vryheidsdag in Suid-Afrika gevier. Vryheidsdag is ’n belangrike dag in die Suid-Afrikaanse geskiedenis daarom is dit belangrik om ons leerders daaroor in te lig, asook om die betekenis daarvan te verduidelik. Vryheidsdag is juis ingestel om die eerste post-apartheidsverkiesing te vier. Dit is dus ’n viering van vryheid vir alle Suid-Afrikaners. Laat ons nooit vergeet dat die eerste nasionale verkiesing op 27 April 1994 in Suid-Afrika plaasgevind het, waar elke persoon bo die ouderdom van agtien kon stem, maak nie saak watter ras hulle was nie. Dit was ’n reuse waterskeidingsdag in ons land se geskiedenis om die regte van al sy reënboogburgers te erken. Daar is nog ’n meevallertjie op pad met ’n opeenvolgende langnaweek vanaf 01 Mei tot 03 Mei. Dus is volgende week ’n baie kort akademiese week met skooldae slegs op Dinsdag tot Donderdag (28–30 April).
|
Graag deel ek ook die goeie nuus dat juf. Michelle (gr. 3) swanger is met haar tweede kind. Baie geluk aan haar en haar man, Stefan, en mag die nuwe lid tot die gesin vir hulle baie vreugde bring.
|
Ek gaan die kwartaal verder voort om bekende Afrikaanse uitdrukkings/idiome en die betekenis daarvan met julle te deel in ’n poging om ons pragtige taal verder te promoveer; deel gerus met jou kind(ers):
“Iets op die keper beskou”
Die uitdrukking beteken om iets noukeurig te ondersoek.
|
Ek sluit dan af en wens vir julle ’n heerlike langnaweek saam met jul gesinne en vriende toe.
|
Groetnis
Naas Beets
SKOOLHOOF
|
|
|
|
|
|
VIR AANDAG
|
|
Neem kennis van die volgende belangrike aankondigings en gebeure:
|
|
|
|
|
|
|
|
|
Sien belangrike inligting rakende die Junie-eksamen asook die rooster hier onder:
|
|
|
|
|
|
|
|
|
Ons is baie opgewonde oor ons skoolkonsert wat hierdie September plaasvind! Elke leerder word versoek om ’n bedrag van R200 by te dra om die kostes van kostuums en grimering te help dek. Leerders sal hul kostuums ná afloop van die konsert kan hou.
|
Karri sal vanaf Dinsdag, 28 April, tot en met September beskikbaar wees vir betalings.
|
|
Baie dankie vir almal se ondersteuning en samewerking om hierdie produksie moontlik te maak.
|
|
|
|
|
|
|
|
|
Ons volgende oggendkonsert vind Dinsdagoggend, 28 April, in die NASORG plaas.
Die volgende leerders tree op:
Pierre du Toit - Klavier
Arjen Faling - Klavier
Antjie Samuel - Klavier
Jamie Jordaan - Klarinet
Ferdi Titley - Klavier
Lucy le Roux - Klavier
Jenna Erasmus - Dwarsfluit
Sebastian Scott - Klavier
Daar word ook kunswerke van hierdie leerders in die Nasorg uitgestal, waarna julle gerus voor of na die konsert kan kyk.
Hier is enkele algemene reëlings rondom die verrigtinge:
* Deelnemende leerders meld stiptelik 07h45 in die Nasorg aan met hul instrument. Juf Bea en/of mnr Ben sal daar wees om hulle te ontvang en te help om instrumente te stem.
* Elke deelnemende leerder bring een of twee maatjies saam om die konsert by die woon. Ons het ongelukkig nie spasie om meer leerders te akkommodeer nie.
* Ouers is welkom om te kom luister - bring gerus koffie saam!
* Gebruik asb die deur by die Nasorg om in te kom - die senior koor oefen in die saal, en ons wil hulle nie steur nie.
Tyd: 08h00 - 08h30
Plek: Nasorg
|
|
|
|
|
|
|
|
Die Musiekdepartement wil graag ‘n geleentheid skep vir ouers/voogde om hul kind(ers) se musiekonderwyser(s) te ontmoet. Ons wil hierdie tyd gebruik om te gesels oor jou kind se musieklesse en om ook te luister na wat julle graag met ons wil deel. Algemene kwessies soos musiekeksamens, eisteddfods, lestye, oefenroetines en algemene vordering en verwagtinge, is van die belangrike punte wat ons graag wil bespreek.
|
Ons nooi daarom alle musiekouers uit om enige van jou kind(ers) se musieklesse gedurende Kwartaal 2 by te woon. Julle is ook welkom om ‘n alternatiewe tyd vir ‘n ontmoeting af te spreek.
|
Kontak gerus jou kind se musiekonderwyser om ‘n datum en tyd vir ‘n ontmoeting te bevestig. Ons sien baie uit daarna om ouers in die musiekdepartement te verwelkom en hoop om almal deur die loop van Kwartaal 2 hier te sien.
|
|
Ek lys die musiekonderwysers en kontakbesonderhede:
|
|
|
|
|
|
|
|
|
Ons senior en junior kore sien baie daarna uit om saam met die JvR Hoërskoolkoor en -ensemble, by die JvR Hoërskool Massa-Reünienaweek Musiekaand op te tree! Hier volg meer inligting:
Datum: Donderdagaand, 7 Mei
Plek: NG Kerk Tamboerskloof
Tyd: Die konsert begin 18h00.
Kaartjies: R20 per persoon. Daar sal ’n skakel op die Senior en Junior kore se WA-groepe uitgestuur word, waar kaartjies gekoop kan word. Kaartjies sal ook by die deure te koop wees.
JUNIOR KOOR:
* Kleredrag: Skoolsweetpak (skoolhemp, sweetpakbaadjie met die oranje strepies, sweetpakbroek, wit sokkies, SLEGS wit tekkies) en netjies hare met die koor-strikkies (daar sal voor die konsert vir elke dogter uitgedeel word).
* Arriveer: Die junior koor moet stiptelik om 16h45 by die kerk aanmeld. Hulle gaan deelneem aan die massa kooritem aan die einde, en al die kore en orkes oefen dit saam in die kerk voor die konsert. Dit gaan vir hulle ’n belewenis wees!
SENIOR KOOR:
* Kleredrag: Formele Skooldrag. Dogters: geruite rompie, skoolhemp, soft-shell baadjie, swart sykouse, swart skoolskoene. Seuns: beige langbroek, skoolhemp, soft-shell baadje, donkerblou skoolsokkies, swart skoolskoene
* Arriveer: Die senior koor moet stiptelik om 16h30 by die kerk aanmeld. Hulle gaan deelneem aan die massa kooritem aan die einde, en al die kore en orkes oefen dit saam in die kerk voor die konsert. Dit gaan vir hulle ’n belewenis wees!
Hou asb die Senior en Junior kore se WA-groepe dop vir meer inligting. Kontak ook gerus vir juf Rolene met enige vrae.
|
|
|
|
|
|
|
|
Wêreldboekedag was ’n groot sukses! Dit was ’n vreugde om al die verskillende Jaco Jacobs-boekkarakters te sien en die ongelooflike moeite wat leerders met hul kostuums gedoen het.
|
|
Baie dankie aan al die leerders, ouers en onderwysers wat bygedra het om hierdie dag so spesiaal en suksesvol te maak.
|
|
|
|
|
|
|
|
|
Ons skool is opgewonde om hierdie kwartaal ’n welwillendheidsprojek aan te bied om Laerskool Prestwich te ondersteun – ’n minderbevoorregte skool wat hulp nodig het om kos aan hul leerders te voorsien.
Ons gaan blikkies boeliebief insamel, en dit sommer in ’n prettige kompetisie tussen die klasse omskep!
Hoe werk dit?
⭐ Vir elke 5 blikkies boeliebief wat ’n klas insamel, kry hulle 1 blokkie om in te kleur.
⭐ Hoe meer blikkies ingesamel word, hoe voller raak die klas se blokkaart!
🏆 Die klas met die meeste blokkies wen:
🍕 ’n Pizza-partytjie
👕 ’n Sivviedag
📅 Datums:
Begin: 20 April 2026
Sluit: 8 Junie 2026
|
|
💛 Elke blikkie maak ’n verskil. Kom ons werk saam en help waar dit regtig nodig is!
|
|
|
|
|
|
|
|
|
Ons Graad 7-leerders hou ’n heerlike doughnutfondsinsameling om hul projekte en aktiwiteite te ondersteun. Doughnuts is beskikbaar teen slegs R15 elk en word Vrydae vars afgelewer.
|
|
Ondersteun gerus ons Graad 7’s.
|
|
|
|
|
|
|
|
|
|
Sien meer inligting oor die volgende skrywersbesoek hier onder:
|
|
|
|
|
|
|
|
|
Liewe Ouers
Ons nooi julle graag uit om nou julle kaartjies vir die veilingsdinee te bespreek.
|
|
|
|
|
|
|
TERUGVOER
|
|
Die jongste sportuitslae, toekennings, prestasies en ander resultate:
|
|
|
|
|
|
|
|
|
|
|
|
|
|
Hier volg die week se hokkie-uitslae:
|
|
|
|
|
|
|
|
|
|
|
|
Hier volg die week se netbaluitslae:
|
|
|
|
|
|
|
|
|
|
Hier volg die week se rugbyuitslae:
|
|
|
|
|
|
|
Volg Die Suidooster vir al die nuutste artikels, foto's en video's.
|
|
|
|
Klik HIER vir advertensies van die week
|
|
|
|
|
|
|
|
|
|
|
 
|
|
Jy ontvang hierdie nuusbrief
|
|
omdat jy 'n ouer of ondersteuner van Laerskool Jan van Riebeeck is.
|
|
|
|
|
Laerskool Jan van Riebeeck, Kloofstraat 52, Tuine, Kaapstad
|
|
|
|
|
|
