|
|
|
|
|
|
DATUMS
Vr 5 Junie 2026
- Hokkie: Mini-toernooi by Van Riebeeckstrand (o.7 - o.9)
- Skaak: Herzlia Highlands Primary School (WEG)
Sa 6 Junie 2026
- Rugby: Mini-toernooi by Van Riebeeckstrand (o.7 - o.9)
- Netbal: Mini-toernooi by Van Riebeeckstrand (o.7 - o.9)
Ma 8 Junie 2026
Di 9 Junie 2026
- Graad 3 uitstappie: Henties-fabriek (Groep 1)
Do 11 Junie 2026
- Koffie-en-Beskuit Konsert (Slegs GF)
Vr 12 Junie 2026
Ma 15 Junie 2026
Di 16 Junie 2026
Wo 17 Junie 2026
Do 18 Junie 2026
- Helene Slabbert (Onderwyser) verjaar
- Graad 3 uitstappie: Henties-fabriek (Groep 2)
Vr 19 Junie 2026
- Netbal: Fair Cape Durbanville (o.8)
|
|
|
|
|
|
|
|
|
|
Sien asseblief die reëlings vir beide ons kore se optredes by die Tamboerskloof Gemeente Kerssangdiens en LJvR Kerskonsert.
|
Vrydag, 22 November: Repetisie by Tamboerskloof Gemeente
|
- Die Senior Koor gaan 12h gereed maak om na Tamboerskloof Gemeente te stap. Ons sal genoeg personeel hê om die kinders te vergesel.
- Daar sal bussies wees wat die Junior Koor na die kerk sal neem, sodat hulle nie hoef te stap nie.
- LET WEL die oefening maak reeds 13h45 klaar. Julle kan die kinders by Tamboerskloof Gemeente optel.
Sondag, 24 November: Tamboerskloof Gemeente Kersdiens
|
- Alle koorlede arriveer stiptelik om 18h30 by Tamboerskloof Gemeente.
- Kleredrag:
- Dogters: Wit rok / rompie / broek / hemp OF lang, blou denim en wit hemp. Wit tekkies of netjiese sandale. Dogters kan hul hare los dra.
- Seuns: Lang, blou denim en wit hemp. Wit tekkies of netjiese sandale.
Donderdag, 28 November: LJvR Kerskonsert
|
- Senior Koor meld stiptelik om 18h15 in die Nasorg aan.
- Junior Koor meld stiptelik om 18h30 in Juf Helene se klas aan.
Die konsert begin 19h00
- Dogters: wit rok / romp / broek / hemp OF lang, blou denim en wit hemp. Wit tekkies of netjiese sandale. Dogters kan hul hare los dra.
- Seuns: Lang, blou denim en wit hemp. Wit tekkies of netjies sandale.
Ons wil graag die kinders aanmoedig om EEN van die volgende bykomstighede vir hierdie geleentheid te dra. Hoe blinker, hoe beter!
|
- Kersfees alicebands (sien Koor whatsapp-groep vir voorbeelde). Hou dit asb klein, sodat dit nie te hoog op jou kind se kop staan nie - ons wil graag die gesiggies agter ook kan sien.
- Kersvader mussie (sien Koor whatsapp-groep vir voorbeelde)
- Rooi, groen, goud, silwer strikdas.
Stuur asb hierdie item Maandag, 25 Nov, skool toe sodat ons dit reeds gedurende die oefening kan gebruik.
|
Baie dankie! Moet asseblief nie huiwer om my te kontak indien daar enige vrae is nie.
|
|
|
|
|
|
|
Ons kore tree Sondag, 24 November by die Kerssangdiens te NG Kerk Tamboerskloof op.
|
|
|
|
|
|
|
28 November 2024 om 19:00 | Skoolsaal
R50 pp - Kaartjies op Karri beskikbaar
|
|
|
|
|
|
|
|
Hier volg meer inligting oor die redenaars 2025 inligtingsessie:
|
|
|
Maak asseblief seker jy is op die redenaars WhatsApp-groep, sodat jy nie belangrike inligting mis nie.
Ls JvR Whatsapp Community:
Redenaars (Ls JvR)
|
|
|
|
|
|
|
|
Vind asb. aangeheg inligting vir die 2025 Jan van Riebeeck-gholfdag. Daar is slegs 12 x 4 balle beskikbaar. Neem kennis dat gholfkarretjiebesprekings vir jou eie rekening sal wees en direk by die proshop bespreek moet word.
|
Kontak mnr. Rashard vir besprekings, borgskap van pryse of putjies en navrae indien u enige het.
|
067 311 8914 of sport@jvrprim.co.za
|
|
|
|
|
|
|
|
|
Jan Kas Sluit op 29 November
|
Neem asseblief kennis dat Jan Kas Vrydag, 29 November 2024, vir die jaar sal sluit. Maak asseblief seker dat alle skoolklere voor hierdie dag bestel word.
|
Die aanlyn winkel sal weer vanaf Vrydag, 10 Januarie 2025, vir bestellings oop wees. Die fisiese winkel maak Maandag, 13 Januarie 2025, oop. Spesifieke tye sal nader aan die tyd deur gegee word.
Bestel hier aanlyn: JAN KAS AANLYNWINKEL
|
|
|
|
|
|
|
|
Op Maandag, 18 November, het die eksamen vir die Gr. 4–6-leerders suksesvol afgeskop, en die res van die week se eksamensessies het klopdisselboom verloop. Ek het vroeg Maandagoggend by al die verskillende klasse ingeloer om hulle sterkte vir die eksamen toe te wens, asook om die leerders rustig te maak sodat die eksamen nie bloot ‘n negatiewe ervaring hoef te wees nie.
|
Ons het ook vanaf Maandag, 18 November, met die interne sport- en kultuurprogram, wat in skooltyd plaasvind, begin. Tydens die sportsessies gaan ons voort met die somersportprogram vir Gr. 1–3-leerders, terwyl die Gr. 4–7-leerders slegs op atletiek fokus as gevolg van die kleure-atletiek wat op Woensdag, 4 Desember (velditems), en Vrydag, 6 Desember (baanitems), by die hoërskool se velde plaasvind. Ons leerders geniet dit terdeë om net na afloop van ‘n eksamen- of assesseringsessie die klas te kan verlaat om aan ‘n sportaktiwiteit deel te neem. Dit laat hulle sommer vinnig van die eksamenstres vergeet, help beslis om beter te fokus, maar seker die belangrikste is dat hulle hul eksamenervaring meer positief ervaar deur lekker vars lug buite te skep, aktief te wees en van al die negatiewe energie ontslae te raak.
|
|
Ek is nie seker of almal bewus is nie, maar juf. Marianne (Gr. 4C) bied naaldwerk as ‘n buitemuurse aktiwiteit by ons skool aan. Tydens die sessies word ons leerders juis tou wys gemaak van hoe om ‘n naald te ryg, ‘n soom te stik, patrone uit te knip, ensovoorts. Naaldwerk help beslis om verdere hand- en oogkoördinasie te bevorder, en wiskundige vaardighede word ook ontwikkel, want jy moet kan meet en pas. Juf. Marianne het hulle die afgelope tyd geleer om onder andere ‘n haarrekkie, ‘n potloodsakkie, ‘n kussingsloop en ‘n “bucket hat” te maak. Ek het die voorreg gehad om hulle met hul “bucket hats” in my kantoor te sien spog. Naaldwerk verhoog beslis leerders se kreatiwiteit, en hulle is ingenome met en trots op hul eie handewerk.
|
|
|
|
Graag wil ek die Graad 1-leerders komplimenteer met hul spoghuisies wat hulle vir hul mondelinge gebou het en dit op Vrydag, 15 November, in die vierkant vir die res van die leerders uitgestal het. Ek was veral beïndruk met die ongelooflike detail van die huisies en al die moeite wat ingesit is om dit te bou. Welgedaan, Gr. 1’s! Julle stel ‘n hoë standaard en maak ons baie trots.
|
|
|
|
Ek glo almal het waargeneem dat die ingangsmure vanaf Nuwe Kerkstraat ‘n bietjie van ‘n metamorfose ondergaan het. Baie dankie aan Rudolph Liebenberg (‘n Gr. 1-ouer en oud-Jannie) wat vir ons die mure so mooi verfraai het deur die skool se vier kernwaardes—naamlik verantwoordelikheid, respek, omgee en eerlikheid—vir ons op die mure te verf. Baie dankie, Rudolph, vir jou harde werk om die agterste ingangsmure so mooi te verfraai en ons net nóg trotser op ons skool te maak.
|
|
|
Graag deel ek met julle die goeie nuus dat my versoek om ‘n borgskap van ‘n koshuisfooi by HS Jan van Riebeeck vir ‘n huidige Graad 7-leerder vir 2025 (Gr. 8) gerealiseer het. Ek is verder dankbaar vir nóg ‘n ouer wat bereid is om die dogter se hoërskooluniform vir 2025 te borg. Dit is weereens ‘n bewys van die ongelooflike omgee-hart van ons skoolgemeenskap om te help waar daar nood is. Baie dankie aan die betrokke ouers wat bereid is om haar te help—dit is kosbaar!
|
Ek sluit die week af met ‘n bekende aanhaling van Dalai Lama rakende die opvoeding van die jeug. Ek wens vir julle ‘n wonderlike naweek saam met julle gesin en/of vriende toe, sterkte met die eksamen, en mag die Bokke môreaand teen die Rooi Drake wen.
|
"When educating the minds of our youth,
we must not forget to educate their hearts."
|
Vriendelike groete,
Naas Beets
SKOOLHOOF
|
|
|
|
|
|
Kliek HIER vir Die Suidooster
met al die nuutste artikels, foto's en video's.
|
|
|
|
Kliek HIER vir advertensies van die week
|
|
|
|
|
|
|
|
|
|