Soekfunksie

  • Filter Kategorie/ë

  • Herstel

Weeklikse Nuusbrief

Category: Algemeen

/ Algemeen, Nuus

So sluit ons die eerste kwartaal op ‘n hoë noot af met ‘n baie besige, maar opwindende week agter die rug. Die enigste demper van die opwinding was die verwoestende bergbrande teen Tafelberg. Dit was hartseer om te sien hoe die genadelose vlamme die pragtige fynbos hektaar vir hektaar verslind terwyl honderde brandbestryders en die rampbestuurpersoneel die vlammeoorlog probeer beveg. Ek is so trots op ons skoolgemeenskap wat d.m.v. die Karri-toep R7 625 geskenk het waarmee Razelle, Maricqe, Beulah, Elana en Sanna etes uit die kafeteria voorberei en aan die plaaslike brandweerstasie in Roelandstraat geneem het. Dit is ‘n toonbeeld van ‘n omgee skoolgemeenskap om hul opregte dankbaarheid teenoor die nooddienspersoneel te toon wat onverskrokke die brande oor die afgelope dae sonder rus trotseer het.

Ek is so bly ons het die afgelope Maandag die Grondslagfase se pretatletiekbyeenkoms deurgevoer. Die magtige Suidooster het hard probeer om ons planne by die Conradie-sportvelde in die wiele te ry. Dit was so lekker om te sien hoe ons jong atlete hul gate uit geniet het, salig onbewus van die dreigende brand- en rookgevaar asook dat van ons ouers hul huise as gevolg van die dreigende brande moes ontruim. Ons is baie dankbaar dat ons ouers en hul eiendom ongeskonde gebly het.

Dinsdagoggend, 20 April, het ons Gr. 4 – 7-leerders aan die tweede dag van die pretatletiekbyeenkoms by die hoërskoolvelde deelgeneem. Die rook van die smeulende brande het sy uitdagings tydens die aanvang van die dag gebring, maar Jannies en die personeel laat hulle nie sommer onderkry nie. Gelukkig het die rook vinnig weggetrek en die dag het in ‘n pragtige sonkyndag getransformeer, waar ‘uitgehongerde’ leerders vir sportdeelname, in hul massas deelgeneem het. Die “sing songs” van die verskillende kleurgroepe het almal in ‘n vrolike luim gekry en die atlete die volle byeenkoms gemotiveer om hul beste te gee. Baie dankie aan al ons leerders wat ‘n skoon en netjiese pawiljoen agtergelaat het, ek is so trots op julle!

Baie dankie aan Ben, Helecia en Estelle wat Woensdagoggend vir ons Gr. 1-3-musiekleerders ‘n pragtige interne musiekkonsert gereël het. Dit was ‘n voorreg om ons Jannies se besondere musiektalent te aanskou, te bewonder en te geniet. Tydens die uitdeel van musiektalente, het ek die spreekwoordelike heel laaste in die ry gestaan, ek wens ek kon ‘n musiekinstrument bemeester soos wat ons musiekleerders doen.

Groot opgewondenheid het ook gister in die vierkant geheers met die kwartaalikse markdag. Ons leerders het soos ervare entrepreneurs hul produkte uitgestal, luideliks bemarking gedoen en verkoop aan menigte gewillige kopers. Ek het dit gewaag om tussen al die stalletjies rond te beweeg, net om te sien wat daar te koop is. Natuurlik het ek hopeloos te min kontant by my gehad, want elke verkoper het verwag dat die skoolhoof hulle ten minste sal ondersteun. Ons leerders het baie pret gehad met die mees interessante produkte wat te koop was.

Graag wil ek ook ‘n kort huldeblyk aan een van ons voormalige skoolhoofde, mnr. Francois Schreuder, lewer wat op Saterdag, 17 April, na ‘n lang siekbed afgesterf het. Mnr. Schreuder was skoolhoof vanaf 1973 – 1983 en was instrumenteel tot die sukses van ons skool. Hy het diep spore by JvR en onderwys in die algemeen getrap. Mnr. Schreuder het onder andere die swembad en tennisbane by ons skool laat aanlê. Hy het hoë aansien en respek by ander skoolhoofde afgedwing. Hy was beskou as baie beleefd en was uiters deursigtig teenoor leerders, personeel en ouers.

Mnr. Schreuder het ook op die sportveld presteer deur onder andere vir Boland, Griekwas en WP rugby te speel. Hy het ook kultuur by ons skool gemotiveer deur nou betrokke by die Kaapse Eisteddfod te wees en deelname daaraan sterk onder leerders aangemoedig. Ons dink met heimwee en waardering aan hom, hy was ‘n merkwaardige onderwysleier en mag sy nagedagtenis lank bly voortleef. Ons innige meegevoel aan sy vrou, Barbara, en die kinders. Ons beplan om binnekort ‘n meer volledige huldeblyk aan hom te skenk.

Vandag ontvang die leerders ook hul rapporte wat hul akademiese vordering vir die eerste kwartaal sal weerspieël. Baie geluk aan al die leerders met jul puik akademiese prestasies. Julle maak ons en jul ouers baie trots. Gun my dan ook die geleentheid om die personeel van ons skool en Huppelland hartlik te bedank vir hul harde werk en toegewydheid. Ons is baie geseënd met puik personeel wat nie net hard werk nie, maar werklik omgee vir die leerders. Baie dankie ook aan ons nuwe beheerraad onder leiding van Merwe wat kosbare tyd afstaan om te verseker dat JvR van krag-tot-krag gaan!

Ek wens vir al ons leerders, personeel, ouers en voogde ‘n welverdiende vakansie toe. Dit was ‘n lang kwartaal, lekker rus en indien julle reis, reis veilig en ek kan nie wag om julle almal weer op Maandag, 3 Mei, terug by die skool te verwelkom nie.

/ Algemeen, Nuus

So kom ons aan die einde van ‘n eerste ‘vol’ week na ‘n tydperk van 3 lekker ‘korter’ weke. Ek glo almal het die korter weke geniet en tydens die openbare vakansiedae sommer net tyd spandeer aan iets om lekker te ontspan. Soos in my vorige nuusbrief genoem, is die kwartaal besonders lank en ek kan selfs opmerk dat ons leerders uitsien na die kort vakansie wat volgende Vrydag sal aanbreek.

Ons kom ook aan die einde van die formele assesseringsprogram vir kwartaal een. Graag wil ek jul as ouers verseker dat die standaard van akademie by ons skool uitmuntend is waarop ons as skoolgemeenskap baie trots kan wees. Assesserings volg ‘n effektiewe proses van deeglike moderasie en ek as skoolhoof teken elke formele assessering af voordat die leerders dit finaal aflê. Volgende week sal elke leerder ook ‘n rapport ontvang wat dan sy/haar akademiese vordering vir die kwartaal sal weerspieël. Laat my ook toe ook om ons onderwysers onder leiding van ons bekwame akademiese hoof, Marinda Brink, hartlik te bedank vir hul harde werk, omgee en kwaliteitonderrig tot voordeel van ons leerders.

Ek nader ook teen einde volgende week my eerste kwartaal as skoolhoof by ons merkwaardige skool. Ek ontvang die afgelope tyd gereeld die volgende vraag vanaf ouers: “Is jy darem gelukkig by JvR?”. Die antwoord is ongetwyfeld ‘JA’. Wees verseker ek ervaar ongelooflike geluk in my keuse om deel van die JvR skoolgemeenskap te wees. Die besondere wyse hoe julle as ouers en leerders my met ope arms ontvang het, sal lank by my bly. Ek is so bevoorreg om as ‘n skoolhoof by die skool aan te sluit in die jaar wat die skool ‘n honderd jaar oud word. Ek bewonder die ryk geskiedenis en tradisies van ons skool hier in die middel van die stadskom met die ikoniese Tafelberg in die agtergrong terwyl Leeukop en Seinheuwel ons daaglikse skoolverrigtinge fyn dophou – dit is so uniek en kosbaar. Ek het in ‘n baie kort tydjie ‘n baie trotse Jan van Riebeecker geword, want ons skool se leuse, “Wees jouself”, is nie net lippetaal nie, ons leef dit trots uit! Baie dankie vir julle omgee en die moeite wat julle doen om my te laat tuis voel – ek en my gesin het groot waardering.

/ Algemeen, Nuus

Leerders wat belangstel om Donderdag, 22 April, ‘n tafel te bestuur of beman, kan R15 op die Karri-toepassing betaal.

Produkte moet van so ‘n aard wees dat leerders dit self skool toe kan dra, aangesien ouers nie op die perseel toegelaat word nie. Leerders is verantwoordelik vir hul eie kleingeld en geen lewende hawe mag verkoop word nie.

Die markie sal vanaf 09:45 tot 10:45 bedryf word.

/ Algemeen, Nuus

Daar word sportwedstryde vir die tweede kwartaal gereël. Die oranje sporthemde word tydens netbal- en hokkiewedstryde gedra. Dit is dieselfde as die tennis- en kriekethemde. Dogters dra die moulose hemp, en seuns die hemp met moue en ‘n kraag. Plaas asseblief hierdie bestellings voor die skool sluit.

Skakel vir Aanlynbestellings

Klerebanktye: Maandae en Woensdae, 07:20 – 8:00
**Volgende week Dinsdag en Donderdag sluit die skool vroeër. Die klerebank gaan dus nie oop wees nie.

/ Algemeen, Nuus

Let op dat die skool volgende week Maandag tot Vrydag die volgende tye open en sluit:

Maandag
Gr.1-3    09:00 – 11:30 (Conradieveld)
Gr.4-7    Gewone skooldag

Dinsdag
Gr.1-3    Gewone skooldag
Gr.4-7    07:15 – 13:30 (Hoërskool JvR Sportvelde)

Woensdag
Gewone skooldag

Donderdag
Gr.1-3    Sluit 11:45
Gr.4-7    Sluit 12:00 
**Die skool sluit vroeër aangesien die personeel se 2020 jaareindfunksie wat a.g.v. die pandemie uitgestel is, nou eers op Donderdag om 13:00 gaan plaasvind. Die bus sal nie hierdie dag beskikbaar wees om leerders huis toe te vat nie, want dit word benodig vir die personeelfunksie. Leerders sal wel steeds die oggend gehaal word.

Vrydag
Gr.1-3    Sluit 10:30 
Gr.4-7    Sluit 10:45 
**Die bus vertrek om 10:50

/ Algemeen, Nuus

Leerders ontvang vandag die koeverte om die foto’s te bestel wat op Woensdag, 10 Maart 2021, geneem is.

Hoe werk die bestel van foto’s:
1. Leerders ontvang ‘n koevertjie om huis toe te vat met hul gesiggies daarop. Moet asseblief NIE die gesiggies afhaal nie!
2. Vul asseblief alle inligting duidelik en leesbaar op die koevert in.
3. Die verskillende fotopakkette is alles op die koevert aangedui. Merk jou keuse duidelik af.
3. Probeer om die korrekte bedrag geld binne die koevert te sit.
4. Maak die koevert toe en stuur dit skool toe.
6. Indien jou kind(ers) nie ‘n foto gaan bestel nie, stuur asb. die leë koevert terug skool toe.

Wat maak ek indien my kind die koevert verloor het?:
Indien jou kind(ers) die koevert(e) verloor het, kan jy ook foto’s op die fotograaf se webtuiste bestel. Kliek op die skakel: LUNCHBOX PHOTOGRAPHY. Die wagwoord om in te gaan is JVR2020.

NB: Fotogeld gaan NIE deur die Karri toep nie!

Laaste dag vir fotobestellings is Woensdag, 21 April 2021

/ Algemeen, Nuus

Ek hoop en vertrou dat julle ‘n heerlike en geseënde Paasnaweek saam met jul kinders, familie en/of vriende geniet het. Ek glo almal is dankbaar vir die meevallertjie van 4 dae net om weer die spreekwoordelike ‘baterrye te herlaai’. Die kwartaal is redelik lank en soveel is alreeds vermag in ‘n baie kort tydjie. Ons kry so stadig maar seker amper ‘n voorsmakie van ‘n tipe normale samelewing wat ons so mis. Tyd vlieg ongelooflik vinnig verby en daar is net 2 weke van die kwartaal oor en ek wens al ons leerders sterkte toe met die formele assesserings wat nog afgehandel moet word.

Die nuwe Beheerrraad (BR) het hul eerste amptelike vergadering op Dinsdag, 6 April 2021, om 17:30 gehou waartydens die ampsdraers vir die die tydperk 2021 – 2024 verkies is. Dit is dan my voorreg om bekend te maak dat Merwe Schotlz weer as ons BR-voorsitter aangewys is; Izelle Venter is as ons ondervoorsitter en Lucia de Jager as die sekretaris. Wees verseker dat die nuwe BR die skool na nog hoër hoogtes gaan lei en dat die leerders se belange altyd prioriteit sal geniet. Suskesvolle en funksionele skole word gekenmerk deur aktiewe ouerbetrokkenheid en waar alle besluite geneem word in die beste belang van die leerders, en niks anders nie.

Die afgelope week het ons ook afgeskop met die wintersportprogram. Dit voel amper soos ‘n historiese gebeurtenis as gevolg van die lang grendelperiode met al sy drakoniese regulasies. Dit is lekker om te sien hoe opgewonde ons leerders is om weer aan spansportaktiwiteite te kan deelneem.

Gun my ook die geleentheid om juffrou Andri Baird hartlik te bedank vir die reël en bestuur van die interne Gr.2 – 7 redenaarskompetisie vir ons leerders vanaf 6 – 8 April 2021. Ek is nog steeds stomgeslaan met ons leerders se puik redenaarsvermoë, die selfvertroue, die spitsvondigheid en die gemak om voor ‘n gehoor op te tree.

Gister het die FAK (Federasie vir Afrikaanse Kultuurvereniginge) ons skool besoek om ‘n kopie van die 2020-vertaling van die Afrikaanse Bybel te oorhandig. Elizma Smith, die FAK-verteenwoordiger in die Wes-Kaap, het die nuwe vertaling aan my en die prefekte oorhandig en genoem dat dit die 5de vertaling sedert die eerste vertaling in 1933 is. Dit is so gepas in ons skoolkonteks dat Afrikaans, wat voor 1933 as kombuistaal beskou was, vandag met trots as ‘n onderrigtaal gebruik kan word. Verder vier ons in Afrikaans die 100ste bestaansjaar van ons merkwaardige skool. Voor in die Bybel haal ek die spesiale boodskap van dr. Danie Langner, die Besturende Direkteur FAK aan: “Geluk en dankie vir 100 jaar van toegewyde onderrig in Afrikaans”.

Neem asseblief kennis van die volgende:

1. Merk van leerders se persoonlike besittings
Die hoeveelheid verlore goedere wat ons op ‘n daaglikse basis moet bestuur is besig om hand uit te ruk. Daarom wil ons julle asseblief versoek om voor Woensdag, 14 April, jou kind/ers se persoonlike items duidelik te merk sodat indien ons dit optel, ons dit onmiddellik aan die spesifieke leerder kan besorg. Onderwysers gaan vanaf Woensdag, 14 April, leerders wie se persoonlike items nie duidelik gemerk is nie, wel met ‘n permanente pen merk. Ek vra om verskoning dat die oefening moontlik drakonies klink, maar ek glo julle verstaan dat ons iets daadwerklik aan die saak moet doen. By voorbaat dankie vir julle samewerking in die verband. Groot dankie aan Colitha Janse van Rensburg wat soveel tyd as ‘n ouer insit om die verlore goedere te bestuur.

/ Algemeen, Nuus

In Maart het ons op die waarde, Omgee, gefokus.  Dit is waarom ons tee saam met iemand vir wie ons omgee, gedrink het. Hoekom?  Dit is lekker as iemand vir jou omgee en luister na wat jy sê.

Jannies gee om vir mekaar!

Hierdie maand fokus ons op die waarde:  Gehoorsaamheid.

/ Algemeen, Nuus

Dit is my eer en voorreg om aan te kondig dat die verkiesing van die nuwe Beheerrraad (BR) se ouerkomponent d.m.v. die virtule platform (VotingCrowd) wat op 30 Maart 2021 plaasgevind het, baie suksesvol afgeloop het. Ek vra om verskoning dat julle so lank vir die bekendmaking van die nuwe BR-lede (ouers) moes wag, maar ongelukkig is daar streng protokol wat na afloop van die verkiesing eers gevolg moet word om te verseker die verkiesingsproses was deursigtig en regverdig. Gun my die geleentheid om al 11 kandidate hartlik te bedank vir hul bereidwilligheid om tot diens van die puik skool te staan. Ek glo julle sal saamstem dat hulle uiters professioneel in die verkiesingsvideo’s oorkom en hul uitstekend van hul taak gekwyt het. Ons skool is baie bevoorreg om soveel kundigheid en ervaring in ons skoolgemeenskap tot ons beskikking te hê.

Baie geluk aan die volgende BR-lede (alfabetiese orde) wat ons ouerkrops verteenwoordig:
1. Marié Cruywagen
2. Esri Marais
3. Merwe Scholtz
4. Izelle Venter
5. Andries Viljoen
Die res van die BR bestaan uit die volgende personeel:
6. Naas Beets (Skoolhoof)
7. Lucia de Jager (verkies om die opvoeders te verteenwoordig)
8. Ischké Felix (verkies om die opvoeders te verteenwoordig)
9. Hannes Muller (verkies om die nie-opvoeders te verteenwoordig)

Graag wens ek die nuwe BR sterkte toe met die belangrike taak wat voorlê. Ek weet die nuwe BR sal die skool na nog hoër hoogtes lei tot voordeel van ons Jannies.

Die einde van die 7de akademiese week bring ons by die begin van nog ‘n langnaweek. Natuurlik is dit Paasnaweek en die afgelope weke het ons honderde paaseiers ingesamel wat ons vir behoeftige kinders geskenk het. Baie dankie aan mnr. Pieter Rademeyer, nuwe skoolhoof van Hoërskool Jan van Riebeeck, en sy hoofleiers wat vanoggend saam met die twee paashase vir ons leerders en personeel paaseiers uitgedeel het. Die meeste Graad 1’s was uit hulle velle van opgewondenheid om die paashase in lewende lywe en dit nogal in die klaskamer van alle plekke te kon ontmoet, maar hier en daar het van hulle die besoekers versigtig en in ongeloof aanskou. Ons waardeer die spesiale besoek. Die leerders se reaksie was kosbaar.

Net as jy gewonder het waar kom die gebruik van paaseiers vandaan, haal ek graag die volgende aan:

“Paaseiers het ‘n baie lang geskiedenis en die gebruik het reeds voor die geboorte van Jesus begin. Eiers was nog altyd gesien as die simbool van ‘n nuwe lewe. Soos wat die Christendom versprei en gegroei het, is die eier al meer gesien as ‘n teken van Jesus se opstanding uit die graf. Die gebruik om eiers van sjokolade te maak, het in die 19e eeu in Frankryk en Duitsland begin. Die eerste sjokolade-eiers wat op groot skaal gemaak is, was deur Cadbury’s in Engeland. Gebruik gerus ‘n hol (leë) paaseier om vir jou kind te leer dat die graf leeg was, soos wat die eier binne leeg is, en dat Jesus lewe.”

Graag wil ek ons skoolgemeenskap ‘n geseënde Paasfees saam met familie en vriende toewens. Wees asseblief versigtig op die besige paaie en bly veilig.

/ Algemeen, Nuus

Kliek op die foto vir die GOOGLE FORM om in te skryf.

/ Algemeen, Nuus

Kliek gerus op die foto van elke kandidaat wat staan vir die beheerraadverkiesing vir ‘n kort videovoorstelling van hulself en onderaan die foto vir elkeen se CV.

/ Algemeen, Nuus

Hoop en vertrou dat almal ‘n heerlike langnaweek geniet het. Ons het die einde van die 6de akademiese week suksesvol bereik, nog ‘n mylpaal en ons fokus is nog steeds op die 2021 Beheerraadsverkiesing.

Die verkiesing van die nuwe Beheerraad (BR) is naas die Algemene verkiesing die belangrikste gebeurtenis in die Suid-Afrikaanse skolestelsel en die land as ‘n geheel. Daar is meer as 24,000 skole landwyd wat in Maart en April nuwe beheerrade sal verkies wanneer die termyn van die vorige verkose beheerliggame ten einde loop.

Julle sal later vandag toegang per WhatsApp tot die verkorte CV’s en individuele foto’s van ons 11 genomineerde kandidate ontvang. Om die verkiesingsproses meer te verpersoonlik, het ons op baie kort kennisgewing besluit om ‘n kort video (90 sekondes) van elke kandidaat te skiet waartydens hulle motiveer waarom daar spesifiek vir hulle gestem moet word. Die video’s sal ingesluit wees in die kennisgewing met die foto’s en CV’s.

Die verkiesing vind op Dinsdag, 30 Maart 2021, d.m.v. VotingCrowd plaas. Dié aanlynverkiesingsfasiliteit sal op 30 Maart vanaf 06:00 beskikbaar wees en dit sluit stiptelik om 18:00. Hierdeur wil ons al ons ouers betrek deur die proses so gerieflik moontlik te maak deur in jou eie tyd en plek te stem. Ons sal Maandag, 29 Maart, meer besonderhede stuur oor die aanlynverkiesingsproses. Ek doen dus ‘n ernstige beroep op elkeen om asseblief te stem, want dit bepaal die toekoms van ons skool asook die feit dat die verkiesing net wettig verklaar sal word indien daar ‘n kworum teenwoordig is, m.a.w. 10% van ons ouers moet stem.

Daar is 5 vakante posisies vir die ouerkomponent van die beheerraad waarvoor jy moet stem. By voorbaat dankie dat jy berokke gaan wees deur aan die verkiesing deel te neem. Leierskap in skole was nog nooit so belangrik soos nou nie. Volgens my moet leierskap vandag gebaseer word op deursigtigheid, doelgerigheid, inspirasie en omgee. Graag haal ek John Maxwell oor leierskap aan: 

“Leaders become great not of their power but of their ability to empower others.”

Dan wil ek graag al die leerders en ouers hartlik bedank vir al die paaseiers wat so hartlik en ruim vir die liefdadigheidsorganisasie, Lions, vir hul ‘paaseierprojek’ vir minder bevoorregte kinders, geskenk het. (Sien foto hierby ingesluit.)

Hartlike dank aan ons ouers wat aan die meningsopname deelgeneem het om te bepaal of daar belangstelling vir deelname aan ‘n Eeufees Gholfdag is. Dit is dan my voorreg om aan te kondig dat die Eeufees Gholfdag op Vrydag, 28 Mei 2021, te ‘Pearl Valley Gholflandgoed’ sal plaasvind. Hierdie dag sou nie moontlik gewees het sonder die hulp en reëlings van Ria Hertzog en Alet Loubser nie. Baie dankie julle twee en ons sien uit na ‘n heerlike gholfdag en samesyn op die ikoniese Jack Nicklaus-ontwerpte gholfbaan. Verdere kommunikasie sal volgende week volg.

SAMI (SA Memory Institute) nooi alle ouers van ons skool uit na ‘n inligtingsessie op Maandag, 29 Maart, om 18:00 om terugvoer te gee rakende leerprofiele. Kliek HIER vir die Zoom ID en wagwoord en verdere inligting.

/ Algemeen, Nuus

Laaste kans om in te skryf vir die Kleiduif-kompetisie wat op 6 Mei 2021 plaasvind. As jy nie ‘n volle span bymekaar kan kry nie, kan jy steeds deelneem. Vul ‘n INSKRYWINGSVORM in en ons sal almal akkommodeer.

Belangrike Datums

mei 2021

07meiHeeldagToets: Afrikaans Gr.4 & 6, Engels Gr.5 & 7

07meiHeeldagKANSELLEER: Netbal: Fair Cape O/8 toernooi

08meiHeeldagKANSELLEER: Netbal: Fair Cape O/7 toernooi

10meiHeeldagBuitemuurs begin

14meiHeeldagGrondslagfase Boekbuddie-vertoning

14meiHeeldagSkaak: Vriendskaplik vs. Kampsbaai (TUIS)

14meiHeeldagToets: Engels Gr.4 & 6, Afrikaans Gr.5 & 7

20meiHeeldagAnike Goliath (Assistent & Nasorg) verjaar

21meiHeeldagToets: Wiskunde Gr.4 - 7

21meiHeeldagSkaak: Vriendskaplik vs. Duitse skool (WEG)

22meiHeeldagNetbal: WPNA kliniek

24meiHeeldagAndre Lourens (Onderwyser) verjaar

26mei18:0019:00Kitaarkonsert 18:00

28meiHeeldagToets: NWT Gr.4 - 6, NW Gr.7

29meiHeeldagIzel Storm (Onderwyser) verjaar

29meiHeeldagSPORTDAG: FD Conradie & Goudini (WEG)

31meiHeeldagCharlene van Rooyen (Onderwyser) verjaar

junie 2021

02junHeeldagMaricqe Roos (Onderwyser & Assistent) verjaar

04junHeeldagToets: Geskiedenis Gr.4 - 7

08junHeeldagToets: EBW Gr.7

11junHeeldagToets: Aardrykskunde Gr.4 - 7

12junHeeldagRUGBY: Durbanville Prep Rugbydag (WEG)

14junHeeldagMatthews Kamanga (Sekuriteit) verjaar

14junHeeldag18Grondslagfase assessering: Week 1

18junHeeldagEksamen: Wiskunde Gr.7

18junHeeldagGr.7 Eksamen begin

21junHeeldagEksamen: Afrikaans Gr.7

21junHeeldag25Grondslagfase assessering: Week 2

22junHeeldagEksamen: Wiskunde Gr.4, NWT Gr.5, Engels Gr.6, Aardrykskunde Gr.7

22junHeeldagGr.4 - 6 Eksamen begin

23junHeeldagEksamen: NWT Gr.4, Wiskunde 1 Gr.5-6, Engels Gr.7

24junHeeldagEksamen: Afrikaans Gr.4, Wiskunde 2 Gr.5, Afrikaans Gr.6, NW Gr.7

25junHeeldagEksamen: Aardrykskunde Gr.4, Engels Gr.5, NWT Gr.6, EBW Gr.7

28junHeeldagEksamen: Wiskunde Gr.4 & 5, PSW Gr.5, Geskiedenis Gr.7

29junHeeldagEksamen: Engels Gr.4, Afrikaans Gr.5, Geskiedenis Gr.6, Tegnologie Gr.7

30junHeeldagShahnee Felix (Onderwyser) verjaar

30junHeeldagEksamen: PSW Gr.4 & 6, Geskiedenis Gr.5, LO Gr.7

julie 2021

01julHeeldagEksamen: Geskiedenis Gr.4, Aardrykskunde Gr.5-6, SK Gr.7

01julHeeldagGr.4 - 7 Eksamen eindig

02julHeeldagLead4Life Gr.6

05jul09:0010:00Musiekkonserte: 09:00 Gr.4 & 5, 11:00 Gr.6 & 7

06julHeeldagLead4Life Gr.4

07julHeeldagLead4Life Gr.5

08julHeeldagLeon Hanekom (Onderwyser) verjaar

08julHeeldagClaudia Josephus (Assistent) verjaar

09julHeeldagSkool sluit

22julHeeldagIschke Felix (Onderwyser) verjaar

24julHeeldagNETBAL: Kenridge O/12 - O/13 B & C toernooi

26julHeeldagSkool heropen

30julHeeldagHannes Muller (Terrein) verjaar

31julHeeldagSPORTFEES: Curro Hermanus Sportfees

augustus 2021

03augHeeldagEloise McIntyre (Intern) verjaar

18augHeeldagBeulah Matthews (Snoepie) verjaar

20augHeeldagSKAAK: Paarl Skaaktoernooi

21augHeeldagSKAAK: Louwtjie "Rapid chess" (WEG)

24augHeeldagBen Reynecke (Musiek) verjaar

25augHeeldagHOKKIE: Durbanville Prep O/9 Dogters Mini-toernooi (WEG)

26augHeeldagHOKKIE: Durbanville Prep O/9 Seuns Mini-toernooi (WEG)

27augHeeldagSPORTDAG: Dirkie Uys, Hokkie (TUIS)

28augHeeldagSPORTDAG: Dirkie Uys, Rugby & Netbal (TUIS)

31augHeeldagPhillip Chimukuyu (Sekuriteit) verjaar

september 2021

02sepHeeldagLiezel Theron (Onderwyser) verjaar

03sepHeeldagSanna Molepo (Terrein) verjaar

04sepHeeldagPatrick Chadzuka (Terrein) verjaar

04sepHeeldagBSC 7's Rugbytoernooi

07sepHeeldagTina Fourie (Spelterapeut) verjaar

08sepHeeldagDolinda Mfulo (Nasorg) verjaar

20sepHeeldagHeidre Ehlers (Onderwyser) verjaar

27sepHeeldagLucia de Jager (Onderwyser) verjaar

oktober 2021

01oktHeeldagSharon Mabena (Onderwyser) verjaar

06oktHeeldagMarinda Brink (Onderwyser) verjaar

08oktHeeldagGr.6 Lead4life

09oktHeeldagChristopher Banda (Terrein) verjaar

09oktHeeldagSuzaan Burger (Onderwyser) verjaar

09oktHeeldagBibi Janse van Rensburg (Onderwyser) verjaar

09oktHeeldagKRIEKET: Louwtjie O/11 & O/13 Strand krieket (WEG)

12oktHeeldagElana Jacobs (Snoepie) verjaar

15oktHeeldag16TENNIS: Mikro Tennistoernooi

23oktHeeldagEeufees: Gala-aand

28oktHeeldagNicola Swanepoel (Onderwyser) verjaar

30oktHeeldagNetbal: WNPA kliniek

november 2021

02novHeeldagMadri Greyling (Nasorg) verjaar

05novHeeldagRazelle Hanekom (Sport) verjaar

05novHeeldagMichelle Kellerman (Onderwyser) verjaar

05novHeeldagKRIEKET: Day / Night Mini-krieket toernooi (WEG)

20novHeeldagRaché de Goede (Onderwyser) verjaar

30novHeeldagNadia Meiring (Onderwyser) verjaar

desember 2021

14desHeeldagMarius Steyn (Drywer) verjaar

15desHeeldag08Skool sluit vir leerders en onderwysers

18desHeeldagWanda van Zyl (Onderwyser) verjaar

20desHeeldagRentia van der Merwe (Onderwyser) verjaar

21desHeeldagMarianne Conradie (Onderwyser) verjaar

januarie 2022

06janHeeldagAndri Baird (Onderwyser) verjaar

14janHeeldagEstelle Slabber (Musiek) verjaar

17janHeeldagJodene le Clus-Naylor (Admin) verjaar

26janHeeldagSusan Oelofse (Nasorg) verjaar

27janHeeldagChristoff Bothma (finansies) verjaar

28janHeeldagNaas Beets (Skoolhoof) verjaar

28janHeeldagSuné Alberts (Onderwyser) verjaar

februarie 2022

04febHeeldagPutuma Mgengo (Terrein) verjaar

12febHeeldagThembela Swartbooi (Terrein) verjaar

27febHeeldagAdri Marais (Admin) verjaar

maart 2022

03mrtHeeldagEliam Kaunda (Terrein) verjaar

09mrtHeeldagMarike Badenhorst (Sielkundige) verjaar

21mrtHeeldagAnja van der Merwe (Onderwyser) verjaar

april 2022

04aprHeeldagBenita Smit (Onderwyser) verjaar

05aprHeeldagWarren Stoman (Onderwyser) verjaar

08aprHeeldagJana Nel (Onderwyser) verjaar

18aprHeeldagMardry Wright (Onderwyser) verjaar

21aprHeeldagMarietjie de Kock (OLSO) verjaar

21aprHeeldagAnnet Wilke (Terapeut) verjaar

24aprHeeldagMarlene Jooste (Onderwyser) verjaar