Aktiwiteite

Konsert

Huppelland bied een konsert aan wat jaarliks in die 4de kwartaal plaasvind. Die konsert lei altyd tot groot geheimhouding, opgewondenheid en pret en is ‘n Huppelland-instelling wat ook uitstekend ondersteun word deur die leerders en ouers van die Laerskool Jan van Riebeeck.

Opvoedkundige Uitstappies

Opvoedkundige uitstappies word kwartaalliks vir kleuters aangebied. In die beplanning van hierdie uitstappies word oorweging geskenk aan die veiligheid van kleuters en toereikende toesig word verskaf, en daarom sal aanbieders dikwels eerder na Huppelland kom as wat ons na hulle gaan. Weens die ligging van die skool word soms gebruik gemaak van die bus en busbestuurder van die Laerskool Jan van Riebeeck. In sulke gevalle sal u ‘n toestemmingsbrief ontvang waarin u versoek word om aan te dui of u instem daartoe dat u kind per bus vervoer word.